މައްސަލަ ބޮޑުވި ކުޑަހުވަދޫން ރުއްގަސް ބޭރު ކުރުމުގެ ހުއްދަ އީޕީއޭ އިން ދީފި

ކައުންސިލް އަދި ރައްޔިތުންގެ ބަހެއް ނެތި ގިނަ އަދަދެއްގެ ރުއް ބޭރުކުރަން އުޅުނު މައްސަލަ ހޫނުވެފައިވަނިކޮށް، ދ. ކުޑަހުވަދޫން ރުއް ބޭރުކުރުމުގެ ހުއްދަ އެންވަޔަރްމަންޓް ޕްރޮޓެކްޝަން އެޖެންސީ (އީޕީއޭ) އިން ދީފި އެވެ.

އެންގުން މުހިންމު - ކުޑަހުވަދޫގައި ޖުވެނައިލް ސެންޓަރެއް އެޅުމަށް ހޯމް މިނިސްޓްރީއަށް ދީފައި އޮތް ބިމެއްގައި ހުރި 195 ރުއް ނަގައިގެން އެ ރަށުން ބޭރުކުރަން އުޅެނިކޮށް ކައުސިލް މެންބަރުންނާއި ރަށުގެ ރައްޔިތުން ނުރުހުން ފާޅުކޮށް މިދިޔަ ހުކުރު ދުވަހު ވަނީ އެ ރުއްތައް ރަށުން ބޭރުކުރުން ހުއްޓުވައިފަ އެވެ.

ކައުންސިލްގެ ބައެއް މެންބަރުން އޭރު ބުނީ، ރުއްތައް ރަށުން ބޭރު ކުރަން އުޅުނީ ކައުންސިލްގެ އެއްވެސް މެންބަރެއް އަދި ރައްޔިތުންގެ ވެސް މަޝްވަރާއެއް ނެތި އަދި އީޕީއޭގެ ވެސް ހުއްދައާ އެކު ނޫން ކަމަށެވެ. އަދި އެކަން ކުރުމުގެ ހުއްދަ ދިނީ ކައުންސިލްގެ ރައީސް އިބްރާހިމް ފިކުރީ ކަމަށް އެ މީހުން ބުނެ އެވެ.

ތަފްސީލު - އިއްޔެ އީޕީއޭ އިން ދިން ހުއްދައިގައި ބުނެފައި ވަނީ، ޝަރުތުތުތަކާ އެކު ޖުވެނައިލް ސެންޓަރު ބިމުގައި ހުރި 79 ރުކާއި 26 ގަސް ނެގުމަށް އެ އިދާރާ އިން އިއުތިރާޒް ނުކުރާ ކަމަށް ބުނެފަ އެވެ. އަދި ނަގާ ރުއްގަހުގެ %30 ރަށުގައި އިންދަން ވަނީ މަޖުބޫރުކޮށްފަ އެވެ. އެ ހުއްދައިގެ ދަށުން ބަކީ ރުއްގަސްތައް ރަށުން ބޭރުކުރުމުގެ ފުރުސަތު ލިބޭނެ އެވެ.

އީޕީއޭ އިން ކޮށްފައިވާ އެހެނިހެން ބައެއް ޝަރުތުތައްތައް:

ފަސް މަންޒަރު - ކައުސިލްގެ މެންބަރު މީގެ ކުރިން ވިދާޅުވީ، ޖުވެނައިލް ސެންޓަރު އެޅުމަށް އެ ބިމުގައި ހުރި ރުއްގަސް ނެގުމުގެ ހުއްދަ އީޕީއޭއިން މިދިޔަ ދައުރުގައި ދިން ކަމަށާއި ނަމަވެސް އޭރު ހުއްދަ ދިނީ ހުރިހާ ރުއްތަކެއް ވެސް ރަށުގައި އިންދާ ގޮތަކަށް ކަމަށެވެ. އަދި ރުއްތައް ރަށުން ބޭރު ކުރުމަކީ ކައުންސިލްގެ ބައެއް މެންބަރުންނާއި ރައްޔިތުން ބޭނުންވާ ގޮތެއް ނޫން ކަމަށެވެ. އަދި ބައެއް ރައްޔިތުންގެ ކަންބޮޑުވުމަކީ ރަށުގައި ހިއްކާފައިވާ ބޮޑު ބިމެއް އޮއްވައި އެތަނުގައި ރުއްތައް އިންދުމުގެ ބަދަލުގައި އެ ރުއްތައް ރަށުން ބޭރު ކުރާތީ އެވެ.

އިތުރަށް ކިޔާލަން -