ބްލެކްމެއިލް ކުރި މައްސަލައިގައި އަލަމްގީރުގެ 'ބޮސް' ހައްޔަރުކޮށްފި؛ 'އެތައް ބަޔަކަށް ދަރާފައި'

ގިނަ އަދަދެއްގެ ފިރިހެނުންނާ އެކު އެއް ޖިންސުން ގުޅުން ހިންގި ވީޑިއޯތައް ރެކޯޑުކޮށް، އެ ތަކެތި ބޭނުންކޮށްގެން މީހުން ބްލެކްމެއިލް ކުރި ކަމުގެ ތުހުމަތުގައި ދެ މީހަކު މިދިޔަ ހަފްތާގެ ތެރޭގައި ހައްޔަރުކޮށްފައިވާ ކަމަށް ފުލުހުން ބުނެފި އެވެ.

'ދައުރު'އަށް ކަށަވަރުވެފައިވާ ގޮތުގައި، އޭގެ ތެރެއިން އެކަކީ އެއް ޖިންސުން ގުޅުން ހިންގުމުގައި ބައިވެރިވެ، އެ ވީޑިއޯތަކުން ފެންނަ ބަންގްލަދޭޝަށް ނިސްބަތްވާ އެމްޑީ އަލަމްގީރު އޭނާ ތަހުގީގަށް ދިން ބަޔާނުގައި "ބޮސް"ގެ ނަމުން މުހާތަބު ކުރާ ހަމްދޫން އަބްދުﷲ އެވެ. އެނގިފައިވާ ގޮތުގައި، ހަމްދޫން ވަނީ ބައެއް މީހުންނަށް މަކަރު ހަދައި އޮޅުވަލައިގެން ފައިސާ ނެގުމުގެ އިތުރަށް، އެތައް ބަޔަކަށް ފައިސާ ދޭން ޖެހިފަ އެވެ.

މައްސަލައިގެ ފެށުން - މާފަންނު ކޮޅުގައި ހުންނަ އެޕާޓްމަންޓަކަށް މީހުން ގެންގޮސް، އެ މީހުންނާ އެކު އަލަމްގީރު އެއް ޖިންސުން ގުޅުން ހިންގާ މަންޒަރު ފެންނަ ކަމަށް ބުނާ ވީޑިއޯތައް ލީކްވާން ފެށީ މިިދިޔަ ޖޫން މަހުގެ މެދުތެރޭގަ އެވެ. އެގޮތުން:

ވީ ކިހިނެއް؟ - މިދިޔަ ހަފްތާގެ އާދިއްތަ ދުުވަހު ފުލުހުން ވަނީ ބްލެކްމެއިލް ކުރި މައްސަލައިގައި މީހުން ހައްޔަރު ކުރުމަށް ހާއްސަ އޮޕަރޭޝަނެއް ހިންގާފަ އެވެ. އަދި މައްސަލައާ ގުޅިގެން ބައެއް މީހުން އެ ދުވަހު ހައްޔަރު ކުރި ކަމަށް ފުލުހުން ފަހުން ބުނެފައިވެ އެވެ.

ފުލުހުންގެ ބަސް - އެ އޮޕަރޭޝަނާ ގުޅޭ ގޮތުން ސުވާލު ކުރުމުން، ފުލުހުންގެ ތަރުޖަމާނަކު މިދިޔަ ބުދަ ދުވަހު 'ދައުރު'އަށް ވިދާޅުވި ގޮތުގައި، އެހާ ތަނަށް ޖުމްލަ ދެ މީހަކު ބްލެކްމެއިލް ކުރި މައްސަލައިގައި ހައްޔަރު ކޮށްފައިވެ އެވެ. އެގޮތުން ތަރުޖަމާނު ވިދާޅުވީ:

ތަފްސީލް - އެއް މަސްދަރަށް ވުރެ ގިނަ މަސްދަރުތަކުން 'ދައުރު'އަށް ކަށަވަރުވެފައިވާ ގޮތުގައި، ހައްޔަރު ކުރި ދެ މީހުންގެ ތެރޭގައި ހިމެނޭ 37 އަހަރުގެ މީހާއަކީ، ލީކްވެފައިވާ އަލަމްގީރުގެ ތަހުގީގު ބަޔާނުގައި އޭނާ "ބޮސް"ގެ ނަމުން މުހާތަބުކޮށްފައިވާ ހަމްދޫން އަބްދުﷲ އެވެ. ބ. ދަރަވަންދުއަށް ނިސްބަތްވާ ހަމްދޫން ހައްޔަރުކޮށްފައިވަނީ ހދ. ހަނިމާދޫންނެވެ.

ހަމްދޫނަކީ އެ ވީޑިއޯތަކުން ފެންނަ އެޕާޓްމަންޓް ކުއްޔަށް ހިފައިގެން އުޅުނު މީހާ އެވެ.

'ދައުރު'ން ހޯދި ހޯދުންތަކުން އެނގޭ ގޮތުގައި، އަލަމްގީރު ލައްވާ މިކަން ކުރުމުގައި ބައިވެރިވި އެކަކީ ހަމްދޫން ކަމަށް ތުހުމަތު ކުރެވެ އެވެ. އަދި އެ ވީޑިއޯތައް ބޭނުންކޮށްގެން އެކި މީހުންގެ އަތުން ފައިސާ ހޯދުމަށް އޭނާ މަސައްކަތް ކުރި ކަމަށް ވެސް ތުހުމަތު ކުރެވެ އެވެ.

ފާހަގަކޮށްލެވޭ ކަމެއް - ލީކްވެފައިވާ އަލަމްގީރުގެ ބަޔާނުގައި އަލަމްގީރު ވަނީ ހަމްދޫން ވަރަށް ބޮޑަށް ދިފާއުކޮށް ވާހަކަދައްކާފާ އެވެ. އަދި މިކަމުގައި ހަމްދޫން ބައިވެރިނުވާކަން ދެއްކުމަށް ގިނަ ވާހަކަތަކެއް އެ ބަޔާނުގައި ބުނެފައިވެ އެވެ. އެގޮތުން، އެ ބަޔާނުގައި އަލަމްގީރު ފާހަގަކޮށްފައިވާ ބައެއް ކަންކަމުގެ ތެރޭގައި:

ހަމްދޫން ދަންނަ މީހުންނާއި 'ދައުރު'ން އެކި މަސްދަރުތަކުން އެއްކުރި މައުލޫމާތުތަކުން އެނގޭ ގޮތުގައި، ހަމްދޫން ވަނީ ވަރަށް ގިނަ މީހުންނަށް ދަރާފަ އެވެ. ހަމްދޫންގެ މައްޗަށް ކޮށްފައިވާ ފައިސާގެ މައްސަލައެއް މިހާރު ވެސް ސިވިލް ކޯޓުގައި ހިނގަމުންދެ އެވެ.

ވީޑީއޯތަކުން ފެންނަ އެޕާޓްމަންޓްގެ ކުއްޔާއި އެ ތަނުގެ ފެން ބިލާއި ކަރަންޓް ބިލު ވެސް އޮތީ، އެކަމުގެ މައުލޫމާތު އެނގި ހުރި އެކި މަސްދަރުތަކުން 'ދައުރު'އަށް ކިޔައިދިން ގޮތުގައި، ނުދައްކަ އެވެ. އެގޮތުން، ހަމްދޫން އެ އެޕާޓްމަންޓް ދޫކޮށްލި އިރު، އެ ތަނުގެ ވެރިފަރާތަށް 200،000ރ.އަށް ވުރެ ބޮޑު އަދަދެއް ކުލީގެ ގޮތުގައި ދައްކަން ޖެހިފައިވާ ކަމަށްވެ އެވެ.

"އެޕާޓްމަންޓުން އެ މީހުން ނުކުމެގެން ދިޔައީ އެ ތަނުގައި ހުރި ފަރުނީޗަރުތައް ވެސް ވަގަށް ހިފައިގެން. ގޭގެ ވެރިފަރާތަށް ކުލި ނުދައްކާތާ އެތައް މަހެއްވި. އެޕާޓްމަންޓުގެ ތަޅުދަނޑި ވެސް ވެރިފަރާތާ ހަވާލުނުކޮށް ނުކުމެގެން ދިޔައީ،" ނަން ހާމަ ކުރަން ބޭނުން ނުވާ، މިކަމުގެ މައުލޫމާތު އެނގޭ މީހަކު އިއްޔެ 'ދައުރު'އަށް ބުންޏެެވެ.

"އެ މީހުން [ހަމްދޫންގެ ދެމަފިރިން] އޮތީ އެތައް ބަޔަކަށް ދަރާފައި. ވަރަށް ގިނަ މީހުންނަށް ފައިސާ ދޭން ޖެހި ނުދީ އޮތީ."

ވީޑިއޯތައް ބޭނުންކޮށްގެން މީހުން ބްލެކްމެއިލް ކުރަން ފެށި ކަމަށް ތުހުމަތު ކުރެވޭ އެއް ސަބަބަކީ ވެސް، އެނގިފައިވާ ގޮތުގައި، މި ދަރަނިތައް ދެއްކުމަށް ފައިސާ ހޯދުމެވެ.

ހަމްދޫންގެ ދެމަފިރިން އެ އެޕާޓްމަންޓް ކުއްޔަށް ނެގީ 2019 ވަނަ އަހަރުގެ ތެރޭގަ އެވެ. އަދި އެޕާޓްމަންޓުން ނުކުމެގެން ގޮސްފައި ވަނީ، މި އަހަރުގެ ކުރީކޮޅު ނުވަތަ މިދިޔަ އަހަރުގެ ފަހުކޮޅުގަ އެވެ.