މަސް ބާނަން ހުއްޓައި ވަޔާ އެކު މޫދަށް ވެއްޓުނު މީހާ ތޮށިގަނޑު މައްޗަށް ނަގައިގެން ސީޕީއާރު ދެނީ. (ފޮޓޯ/އެމްއެންޑީއެފް)
ތޮށިގަނޑުމަތީ މަސް ބާނަން ހުރި މީހަކު ވަޔާ އެކު މޫދަށް ވެއްޓި މަރުވެއްޖެ
މާލޭ އިއްޒުއްދީން ފާލަމާ ދިމާލުން ބޭރު ތޮށިގަނޑު މަތީގައި މިއަދު މަސް ބާނަން ހުރި މީހަކު ވަޔާ އެކު މޫދަށް ވެއްޓި ލިބުނު އަނިޔާތަކަށް ފަރުވާދެމުން ދަނިކޮށް މަރުވެއްޖެ އެވެ.
ވީ ކިހިނެއް؟ - ފުލުހުންގެ ތަރުޖަމާނަކު މިއަދު 'ދައުރު' ނޫހަށް ވިދާޅުވީ ބޭރު ތޮށިގަނޑުމަތީގައި މަސް ބާނަން ހުރި މީހަކު ވަޔާ އެކު މޫދަށް ވެއްޓި އަނިޔާވެގެން އައިޖީއެމްއެޗަށް ގެންދިޔައީ 6:52 ހާއިރު ކަމަށެވެ.
"އެ މީހާ ނިޔާވެފައިވާ ކަމަށް 7:20 އެހާކަށް ހާއިރު އައިޖީއެމްއެޗުން ފުލުހުންނަށް މައުލޫމާތު ދީފައިވޭ،" ތަރުޖަމާނު ވިދާޅުވި އެވެ.
ތަފްސީލް - މޫދަށް ވެއްޓި ލިބުނު އަނިޔާތަކުގެ ސަބަބުން މަރުވީ 59 އަހަރުގެ ދިވެހި ފިރިހެނެކެވެ. ފުލުހުންގެ ތަރުޖަމާނު ވިދާޅުވީ މި މައްސަލަ އިތުރަށް ތަހުގީގު ކުރަމުން އަންނަ ކަމަށެވެ.
އެމްއެންޑީއެފްގެ ބަސް - އެމްއެންޑީއެފް އިން ބުނީ މަސް ބާނަން ތިބި ދެ މީހުންގެ ތެރެއިން އެކަކު މޫދަށް ވެއްޓުމުން ސިފައިންގެ އެހީތެރިކަމާ އެކު އެ މީހާ މޫދުން ނަގައި ސީޕީއާރު ދިން ކަމަށާއި އޭނާ ހޮސްޕިޓަލަށް ގެންދިޔައީ ފުލުހުންގެ އެހީތެރިކަމާ އެކު ކަމަށެވެ.
މިއަދުގެ މޫސުން - ހއ. އަތޮޅުން ފެށިގެން ތ އަތޮޅަށް:
-
ބޯކޮށް ވާރޭވެހުމާ އެކު ގުގުރާނެ
-
ގަޑިއަކު 22 މޭލާއި 27 މޭލާ ދެމެދުގެ ބާރުމިނުގައި ވައި ޖެހޭނެ
-
ވިލާގަނޑުގައި ގަޑިއަކު 50 މޭލަށް ވައި ގަދަވާނެ
ކޮމެންޓް (3)
އަހުމަދުބެ
ލައިފް ޖެކެޓް
ސައުސަން