މި އަހަރަށް މަޖިލިސް ހުޅުވުމަށް މިދިޔަ ފެބްރުއަރީ މަހު ބޭއްވި ޖަލްސާގައި ރައީސް ރިޔާސީ ބަޔާން ހުށަހަޅުއްވަނީ. (ފޮޓޯ/ މަޖިލިސް)
މަޖިލީހުގެ މެންބަރުންގެ އަދަދު ވަކި ވަރެއްގައި ހިފަހައްޓަން ރައީސްގެ ތާއީދު
ރައްޔިތުންގެ މަޖިލީހުގެ މެންބަރުންގެ އަދަދު ވަކި މިންވަރެއްގައި ހިފެހެއްޓުމަށް ރައީސް އިބްރާހިމް މުހައްމަދު ސޯލިހް ތާއީދު ކުރައްވާ ކަމަށް ރައީސް އޮފީހުގެ ތަރުޖަމާނު މިއުވާން މުހައްމަދު މިއަދު ވިދާޅުވެއްޖެ އެވެ.
މައްސަލައިގެ ފެށުން - ސަރުކާރު ކޯލިޝަންގައި ހިމެނޭ ޖުމްހޫރީ ޕާޓީ (ޖޭޕީ)ގެ ލީޑަރު ގާސިމް އިބްރާހިމް މިދިޔަ މަހު ވަނީ، މެންބަރުންގެ އަދަދު 87ގައި ހިފެހެއްޓުމަށް ގާނޫނުއަސާސީއަށް އިސްލާހު ގެނައުމަށް މަޖިލީހަށް ހުށަަޅުއްވާފަ އެވެ. މިހާރު އެ ބިލުގެ ފުރަތަމަ ކިޔުން އިއްވާފައި ވާއިރު، އެމްޑިޕީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވެސް ވަނީ ގާސިމްގެ އެ ބިލަށް ތާއީދު ކުރައްވާފަ އެވެ.
ވީ ކިހިނެއް؟ - މިއަދު މެންދުރު ފަހު ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި ނޫސްވެރިއަކު ކުރި ސުވާލަކާ ގުޅިގެން މިއުވާން ވަނީ އެ ބިލާ ގުޅޭ ގޮތުން ރައިސް ދެކެވަޑައިގަންނަވާ ގޮތް ހާމަކުރައްވާފަ އެވެ.
-
އިތުރަށް ކިޔާލަން - މެންބަރުންގެ އަދަދު ހިފަހައްޓަން ގާސިމްގެ އިސްލާހެއް
ތަފްސީލު - ރައީސް އޮފީހުގެ ތަރުޖަމާނުގެ މަގާމާ މިދިޔަ މަހު ހަވާލުވެވަޑައިގެންނެވުމަށް ފަހު ބޭއްވި ފުރަތަމަ ނޫސްވެރިންގެ ބައްދަލުވުމުގައި މިއުވާން ވިދާޅުވީ މެންބަރުންގެ އަދަދަށް "ކޮންމެވެސް ވަރެއްގެ ލިމިޓެއް" އަންނަން ޖެހޭ ކަމަށް ރައީސް ވެސް ގަބޫލުކުރައްވާ ކަމަށެވެ.
"ރައީސުލްޖުމްހޫރިއްޔާ ވަކި ގޮތެއް ރިކޮމެންޑެއް ނުކުރައްވާ،" ސީދާ އަދަދު ކަނޑައަޅާނީ ޕާޓީތަކުން މަޝްވަރާ ކުރުމަށް ފަހުކަން ފާހަގަކުރައްވައި އޭނާ ވިދާޅުވި އެވެ.
އެނގުން މުހިންމު - ގާނޫނުއަސާސީ މިހާރު އޮންނަ ގޮތުން ކޮންމެ 5،000 މީހުންގެ އާބާދީ އަކީ އިދާރީ ވަކި ދާއިރާ އެވެ. އެއާ އެކު، ކޮންމެ މަޖިލީހުގެ ދައުރަކަށް ފަހު، މެންބަރުންގެ އަދަދު ދަނީ އިތުރު ވަމުންނެވެ. އެގޮތުން:
-
17 ވަނަ ރައްޔިތުންގެ މަޖިލިސް - 77 މެންބަރުން
-
18 ވަނަ ރައްޔިތުންގެ މަޖިލިސް - 85 މެންބަރުން
-
19 ވަނަ ރައްޔިތުންގެ މަޖިލިސް - 87 މެންބަރުން
ކޮމެންޓް (1)
ޙަސަންތަކުރުބޭ