ނިރުފެހި އަލިފާނުގެ ހާދިސާ: 33 މީހުން އަދިވެސް ވަގުތީ ބޯހިޔާވަހިކަމުގައި، 135،000ރ. ހަރަދުވެއްޖެ

މ. ނިރުފެހި ގޭގައި ހިނގި އަލިފާނުގެ ހާދިސާގައި ހާލުގައި ޖެހުނު 33 މީހަކު އަދިވެސް ތިބީ ވަގުތީ ބޯހިޔާވަހިތަކުގައި ކަމަށާއި، އެ މީހުންނަށް މިހާތަނަށް 135،000 އަށް ވުރެ ގިނަ ރުފިޔާ ހަރަދުވެއްޖެ ނެޝަނަލް ޑިޒާސްޓާ މެނޭޖްމެންޓް (އެންޑީއެމްއޭ) އިން މިރޭ ބުނެފި އެވެ.

އެނގުން މުހިންމު - މިހާތަނަށް ރާއްޖޭގައި ހިނގި އެންމެ ހިތާމަވެރި އަލިފާނުގެ ހާދިސާގައި ނިރުފެހި ގޭގައި އުޅުނު މީހުންގެ ތެރެއިން 10 ބިދޭސީއަކު ވަނީ މަރުވެފަ އެވެ. އޭގެ ތެރޭގައި ހިމެނެނީ އިންޑިއާގެ އަށް މީހަކާއި ބަންގްލަދޭޝްގެ ދެ ރައްޔިތެކެވެ.

ތަފްސީލް-  އެންޑީއެމްއޭއިން މިއަދު ނެރުނު ބަޔާނެއްގައި ބުނީ:

މި ހާދިސާއާ ގުޅިގެން އެންޑީއެމްއޭގެ ބެލުމުގެ ދަށުގައި ތިބި މީހުންގެ ތެރޭގައި ހިމެނެނީ އަނދާ ހުލިވި ނިރުފެހި ގޭގައި ދިރިއުޅެމުން ދިޔަ މީހުންނާއި އެ ގެއާ އިންވެގެން ހުރި ގެތަކުގައި ދިރިއުޅެމުން ދިޔަ ބައެއް މީހުންނެވެ.

އެންޑީއެމްއޭ އިން ބުނީ އޭގެ ތެރޭގައި ތިބި ކުޑަކުދިން ސްކޫލަށް ދާން ބޭނުންވާ އެހީތެރިކަން ސްކޫލްތަކާއި އެޑިޔުކޭޝަން މިނިސްޓްރީ މެދުވެރިކޮށް މިހާރު ހަމަޖެހިއްޖެ ކަމަށެވެ. މި ހާދިސާއާ ގުޅިގެން ބޯހިޔާވަހިކަން ގެއްލުނު ބިދޭސީންގެ ދިރިއުޅުން އަލުން އާރާސްތުކުރުމުގެ މަސައްކަތް ރެޑް ކްރެސެންޓާ ގުޅިގެން ކުރަމުން އަންނަ ކަމަށް ވެސް އެ އޮތޯރިޓީން ބުންޏެވެ.

އިތުރަށް ކިޔާލަން: 

އަލިފާނުގެ ހާދިސާ: ކާކުކަން ނޭނގުނު މީހާއަކީ އިންޑިއާ ފިރިހެނެއް