އެމްއައިބީން ކޯޓަށް ދިޔުުމުން ނިހާން 4 މިލިއަން ރުފިޔާގެ ދަރަނި ދައްކައިިފި

މޯލްޑިވްސް އިސްލާމިކް ބޭންކް (އެމްއައިބީ)ން ނަގާފައިވާ ފައިނޭންސިން ފެސިލިޓީއަކަށް ފައިސާ ނުދައްކައިގެން، ރައްޔިތުުންގެ މަޖިލީހުގެ ވިލިމާލެ ދާއިރާގެ ކުރީގެ މެމްބަރު އަހުމަދު ނިހާން ހުސެއިންމަނިކާއި އޭނާގެ ބޭބެ އިނާން ހުސެއިންމަނިކާ ދެކޮޅަށް ސިވިލް ކޯޓުގައި ދައުވާ ކުރުމުން އެ ދަރަނި ދައްކާ ހަލާސްކޮށްފި އެވެ.

ވީ ކިހިނެއް؟ - އެމްއައިބީން ނިހާނުގެ ދެބެއިންނަށް ދޫކުރީ، 4 މިލިއަން ރުފިޔާގެ 'ޑިިމިނިޝިން މުޝާރަކާ ޕްރޮޕަޓީ ފައިނޭންސިން' ފެސިލިޓީއެކެވެ. މި ފެސިލިޓީގައި އެއްބަސްވެފައިވާ ގޮތަށް ފައިސާ ނުދައްކައިގެން އެމްއައިބީން ކޯޓުގައި އެދުނީ:

ތަފްސީލް - ކޯޓަށް މައްސަލަ ހުށަހަޅާފައި ވަނިކޮށް، ފެސިލިޓީގެ ދަށުން ދައްކަން ޖެހޭ ހުރިހާ ފައިސާއެއް ދެއްކުމުން އެމްއައިބީން ވަނީ މައްސަލަ އަނބުރާ ގެންދަން ކޯޓަށް ސިޓީ ހުށަހަޅާފަ އެވެ. އެއީ އެމްއައިބީން މައްސަލަ ހުށަހެޅިތާ ދޮޅު މަހެއްހާ ދުވަސް ފަހުން، މިދިޔަ އަހަރުގެ އޮކްޓޫބަރުގަ އެވެ. 

އެގޮތުން ކޯޓަށް ފޮނުވި ސިޓީގައި އެމްއައިބީން ބުނީ ނިހާނާއި އިނާންގެ މައްޗަށް ހުށަހަޅާފައިވާ ދައުވާއާ ގުޅިގެން، އެ ބޭންކުން ހޯދަން އެދިފައިވާ ފައިސާ އެއްކޮށް ދައްކާ ހަލާސްކޮށްފައިވާ ކަމަށެވެ. އެހެންވެ ކޯޓުން ވަނީ، އެ ދެ މީހުންގެ ރުހުން ހޯދުމަށް ފަހު، އެ މައްސަލަ ކުރިޔަށް ގެންދާނެ ތަނެއް ނެތް ކަމަށް ކަނޑައަޅާފަ އެވެ.

އެނގުން މުހިންމު - އެމްއެމްޕީއާރުސީގެ ހިޔާނާތާ ގުޅިގެން ނިހާންގެ މައްޗަށް ދައުވާކޮށްފައިވެ އެވެ. އެއީ އޭނާ އޭރުގެ ޓޫރިޒަމް މިނިސްޓަރު އަހުމަދު އަދީބުގެ އަތުން 150،000 ޑޮލަރު ރިޝްވަތުގެ ގޮތުގައި ނެންގެވި ތުހުމަތުގަ އެވެ. ދައުލަތުން ކޯޓުގައި ބުނެފައިވާ ގޮތުގައި، ނިހާން ވަނީ އެ ފައިސާ ބޭނުންކޮށްގެން ޕްލެޓިނަމް އެޕާޓްމަންޓެއް ގަންނަން ފައިސާ ދައްކާފަ އެވެ.

މި މައްސަލައިގެ ޝަރީއަތް ކްރިމިނަލް ކޯޓުގައި ކުރިޔަށް ނުގޮސް ވަނީ މަޑުޖެހިފަ އެވެ. ސަބަބަކީ ނިހާނު ހުށަހެޅި ބައެއް ހެކިން ބަލައިނުގަންނަން އެ ކޯޓުން ނިންމި ނިންމުން އިސްތިއުނާފުކޮށްފައި އޮތުމެވެ. އިސްތިއުނާފީ ފުރަތަމަ މަރުހަލާގައި ހައި ކޯޓުން ވަނީ ކްރިމިނަލް ކޯޓުގެ ނިންމުމަށް ތާއީދުކޮށްފަ އެވެ.