ހިޔާ ފްލެޓުތަކުން ކުލި ނަގަން ފަށައިފި

އެންމެ ފަހުގެ ނިންމުމާ އެއްގޮތަށް، އިއްޔެ އިން ފެށިގެން ހިޔާ ފްލެޓުތަކުން މަހު ކުއްޔާއި މެނޭޖްމަންޓް ފީ ނަގަން ފަށައިފި އެވެ.

އެނގުން މުހިންމު - ހުޅުމާލޭ ދެ ވަނަ ފިޔަވަހީގައި ތަރައްގީކޮށްފައިވާ ހިޔާ ފްލެޓުތަކުގައި މީހުން އާބާދުވާން ފެށީ ޖުލައި 2021ގަ އެވެ. އެ ފްލެޓުތައް ހަވާލުކުރީ ފްލެޓު ލިބޭ ފަރާތުން އަމިއްލައަށް ފިނިޝިން މަސައްކަތް ކުރާ ގޮތަށް ކަމަށް ވާއިރު، އެޕާޓްމަންޓެއްގެ މަހު ކުއްޔަކީ، މެއިންޓަނެންސް ފީއާ އެކު 8،500ރ. އެވެ.

ތަފްސީލް - ގްރޭސް ޕީރިއަޑު މާޗުގެ ނިޔަލަށް ހަމަވުމާ ގުޅިގެން އެޗްޑީސީން އިއްޔެ ކުރި އިއުލާނެއްގައި ބުނީ ފްލެޓުތަކުގެ އެއްބަސްވުމުގައިވާ ގޮތަށް، އިންސްޓޯލްމަންޓާއި މެނޭޖްމަންޓް ފީ އިއްޔެ އިން ފެށިގެން ބަލައިގަންނަން ފަށާފައިވާ ކަމަށެވެ.

ދެ ގޮތަކަށް ކުލި ބަލައިގަތުމަށް ވަނީ ނިންމައިފަ އެވެ. އެއީ:

1. އޮންލައިން ޕޭމަންޓް ޕޯޓަލް:

2. އެޗްޑީސީ ކަލެކްޝަން ކައުންޓަރު:

ގުޅުންހުރި ކަމެއް - ހިޔާ ފްލެޓުތަކުގެ ކުއްޔަށް ދިން ގްރޭސް ޕީރިއަޑު ހަމަވެ ކުލި ނަގަން ފެށިއިރު، ކުލީގެ ގޮތުގައި ކަނޑައަޅާފައިވާ 8،500ރ. އަކީ ބޮޑު އަދަދެއް ކަމަށް ބުނެ، މަހު ކުލި 5،600ރ.އަށް ކުޑަކޮށްދިނުމަށް އެދި އެ ފްލެޓުތަކުގައި ދިރިއުޅޭ 1،500 މީހަކު ސޮއިކޮށް އެޗްޑީސީއަށް ވަނީ ސިޓީތަކެއް ވެސް ހުށަހަޅައިފަ އެވެ.

ފަސް މަންޒަރު - ގިނަ ބަޔަކު އެ ތަނުގައި މިހާރު ދިރިއުޅެމުން އައި ނަމަވެސް އެއީ ސީދާ ކިހާ އަދަދެއްކަން އަދި ސާފެއް ނުވެ އެވެ.  އެންމެ ފަހުން ލިބެން ހުރި މައުލޫމާތަށް ބަލާއިރު، ނޮވެމްބަރު 2021ގެ ނިޔަލަށް ވެސް ހިޔާ ފްލެޓުގެ 1،000 އެޕާޓްމަންޓުގައި މީހުން ވަނީ ދިރިއުޅެން ފަށާފަ އެވެ.