ހުއްދަ ނެތި ރާއްޖޭގެ ސަރަހައްދަށް ވަންނަ ބޭރުގެ މަސް ބޯޓުތައް ޖޫރިމަނާ ކުރާ ގޮތަށް ގަވައިދު ހަދައިފި

އެފަދަ އުޅަނދުފަހަރު ހިފެހެއްޓުމާއި އެ އުޅަނދުފަހަރުގެ މައްސަލަ ބެލުމުގައި އަމަލުކުރާނެ އިޖުރާއަތުތައް ގާއިމުކުރުން

އެފަދަ އުޅަނދުފަހަރާ މެދު އަޅާނެ އިދާރީ ފިޔަވަޅުތައް ބަޔާންކުރުން 

އެފަދަ އުޅަނދުފަހަރުން ހިފެހެއްޓޭ، އަވަހަށް ހަލާކުވާ ޒާތުގެ ތަކެތި ގެންގުޅުމާއި ވިއްކުމުގައި އަމަލުކުރާނެ ގޮތްތައް ބަޔާންކުރުން 

ބައިނަލްއަގުވާމީ ގާނޫނާ އެއްގޮތްވާ ގޮތުގެ މަތިން ރާއްޖޭގެ މަސްވެރިކަމުގެ ގާނޫނާ ހިލާފުވި ކަމަށް ތުހުމަތުކުރެވޭ ބޭރުގެ މަސްވެރި އުޅަނދުތައް ހިފެހެއްޓުމާއި ދޫކޮށްލުމުގައި އަމަލުކުރާނެ އުސޫލުތައް ބަޔާންކުރުން 

ރާއްޖޭގެ ކަނޑުގެ ސަރަހައްދަށް ވަންނަ އަދި ހުރަސްކޮށްފައި ދާ ބޭރުގެ މަސްވެރި އުޅަނދުތަކުން އަމަލުކުރަން ޖެހޭ އުސޫލުތައް ބަޔާންކުރުމާއި އެފަދަ އުޅަނދުތަކަށް ހުއްދަ ދޫކުރުމާ ގުޅޭ އުސޫލުތައް ބަޔާންކުރުން 

ރާއްޖޭގެ މަސްވެރިކަމުގެ ގާނޫނުގެ ދަށުން ހިފަހައްޓާ އުޅަނދުތަކާއި އާލާތްތައް ދޫކޮށްލުމަށް ސެކިއުރިޓީ ޑިޕޮޒިޓް ނުވަތަ ބޮންޑް ނެގުމާ ގުޅޭ އުސޫލުތައް ބަޔާންކުރުން

ދުރާލާ ހުއްދަ ހޯދުމަކާ ނުލާ ރާއްޖޭގެ ކަނޑުގެ ސަރަހައްދަށް ވަނުން - 100،000ރ.

ދޫކުރާ ހުއްދައިގެ ޝަރުތަކާ ހިލާފުވުން - 100،000ރ.

ހުއްދައަށް އެދި ދޮގު މައުލޫމާތު ދިނުން - 100،000ރ.

ރާއްޖޭގެ ގާނޫނުން މަނާކުރާ މަސްވެރިކަމެއް ކުރުން ނުވަތަ ކުރަން އުޅުން - 2 މިލިއަން އާއި 40 މިލިއަން ރުފިޔާ އާ ދެމެދުގެ އަދަދެއް

ލައިސެންސް ނެތި މަސްވެރިކަން ކުރުން - 500،000ރ. އާއި 8 މިލިއަން ރުފިޔާއާ ދެމެދުގެ އަދަދެއް

ހުއްދަ ނެތި އެއް އުޅަނދުން އަނެއް އުޅަނދަށް މަސް ބަދަލުކުރުން - 600،000ރ. އާއި 10 މިލިއަން ރުފިޔާއާ ދެމެދުގެ އަދަދެއް

ކަނޑުގެ ސަރަހައްދުން ހިފުން މަނާ ދިރޭ އެއްޗެއް ހިފުން، މެރުން ނުވަތަ އެފަދަ އެއްޗަކަށް ގެއްލުން ދިނުން - 100،000ރ.

އޮއިވާލި ކަނދުފަތި ނުވަތަ މަސް ތިލަކުރުމަށް ބޭނުންކުރާ އެއްވެސް އާލާތެއް ދޫކުރުން - 100،000ރ.

އުޅަނދުގައި ހުރި މަސްވެރިކަމަށް ބޭނުންކުރާ އެންމެހާ އާލަތްތައް އެ އުޅަނދުގެ ފަލްކާއެއްގައި ރައްކާކުރުން؛ ފަލްކާގައި ނުބެހެއްޓޭ ތަކެތި ފޮށީގައި ނުވަތަ ދާގީނާއެއްގައި ބަންދުކޮށްފައި ނުވަތަ ބަނދެފައި ބެހެއްޓުން 

ރާއްޖޭގެ ކަނޑުގެ ސަރަހައްދަށް ވަންނަ ވަގުތުން ފެށިގެން ސަރަހައްދުން ނުކުތުމާ ހަމައަށް އުޅަނދުގެ ވެސަލް ޓްރެކިން ޑިވައިސް އަދި އޭއައިއެސް ޖައްސާފައި ބެހެއްޓުން 

މިނިސްޓްރީން ދޫކުރާ ހުއްދައިގައި ބަޔާންކޮށްފައިވާ ޗެނަލަށް ވީއެޗްއެފް ސެޓް އޮންކޮށްފައި ބެހެއްޓުން 

ރާއްޖޭގެ ކަނޑުގެ ސަރަހައްދަށް ވަނުމަށް ފަހު، ބޭރުގެ މަސްވެރި އުޅަނދުގެ ދުވެލި އެއް މިނެއްގައި ހިފެހެއްޓުމާއި ކަނޑުގެ ސަރަހައްދުގެ އެއްވެސް ހިސާބެއްގައި މަޑުނުކުރުން 

ރާއްޖޭގެ ކަނޑުގެ ސަރަހައްދުގައި ތިމާވެއްޓަށް އަދި ކަނޑުގެ ދިރުންތަކަށް ގެއްލުންވާނެ އަމަލެއް ނުކުރުމާއި ރާއްޖޭގެ އެއްވެސް ގާނޫނަކާއި ނުވަތަ ގަވައިދަކާ ހިލާފު ހަރަކާތެއް ނުހިންގުމާއި އެފަދަ ހަރަކާތެއްގައި އެއްވެސް ގޮތަކަށް ބައިވެރިނުވުމާއި ރާއްޖޭގެ ގައުމީ ސަލާމަތަށް ނުރައްކާވާ ފަދަ އެއްވެސް އަމަލެއް ނުހިންގުމާއި އަމަލެއް ހިންގުމުގައި އެއްވެސް ސިފައެއްގައި ބައިވެރިނުވުން 

ރާއްޖޭގެ ކަނޑުގެ ސަރަހައްދުގައި އެއްވެސް ބާވަތެއްގެ މަސްވެރިކަމެއް ނުވަތަ މަސްވެރިކަމާ ގުޅުންހުރި ހަރަކާތެއް ނުހިންގުމާއި އެފަދަ އެއްވެސް ހަރަކާތެއްގައި އެއްވެސް ސިފައެއްގައި ބައިވެރިނުވުން؛ އެފަދަ ހަރަކާތެއް ހިންގާ ފަރާތަކަށް އެހީތެރިކަން ފޯރުކޮށްނުދިނުން