ރައީސް މޮރިޝަސްއަށް ފޮނުވި ސިޓީ ހޯދަން ހުށަހަޅައިފި

ޗާގޯސް ރަށްތަކުގެ ސިޔާދަތީ ބާރުވެރިކަން މޮރިޝަސްއަށް އޮތް ކަމަށް ރާއްޖެއިން އެއްބަސްވެ ރައީސް އިބްރާހިމް މުހައްމަދު ސޯލިހު އެ ގައުމުގެ ބޮޑުވަޒީރަށް ފޮނުއްވި ސިޓީ ހޯދައި، އެ މައްސަލަ ބެލުމަށް ރައްޔިތުންގެ މަޖިލީހަށް މިއަދު ހުށަހަޅުއްވައިފި އެވެ.

މައްސަލައިގެ ފެށުން- ޗާގޯސްއަކީ މޮރިޝަސްގެ ބައެއް ކަމަށް ބުނެ އެ ގައުމުން ކުރާ ދައުވާއަށް ރާއްޖެއިން ގެންދިޔައީ މީގެ ކުރިން ފާޅުގައި އިންކާރުކޮށް އދ.ގައި އެކަމާ ދެކޮޅަށް ވޯޓު ދެމުންނެވެ.

ނަމަވެސް، އިންޓަނޭޝަނަލް ޓްރިބިއުނަލް ފޯދަ ލޯ އޮފް ދަ ސީޒް (އިޓްލޮސް)އަށް އެ ގައުމުން ލާފައިވާ ކަނޑުގެ އިން ކަނޑައެޅުމުގެ މައްސަލައިގައި ކުރިއަށްދާ އަޑުއެހުންތަކުގައި އެޓާނީ ޖެނެރަލް އިބްރާހިމް ރިފްއަތު ވިދާޅުވީ ޗާގޯސްއަކީ މޮރިޝަސްގެ ބައެއް ކަމަށް ރާއްޖެއިން ބަލައިގަންނަން ނިންމައި ރައީސް ސޯލިހު ވަނީ މިދިޔަ އޮގަސްޓް މަހުގެ ތެރޭ މޮރިޝަސްގެ ރައީސްއަށް ސިޓީއަކުން އެކަން ދަންނަވާފައި ކަމަށެވެ.

ވީ ކިހިނެއް؟- ސިޓީގެ މައްސަލަ ހޫނުވެ ބޮޑު ބަހުސަކަށް ވެފައިވީ ނަމަވެސް އެ ސިޓީ އާންމުކުރުމުގެ ވިސްނުމެއް ނެތް ކަމަށް ސަރުކާރުން ވަނީ ބުނެފަ އެވެ. އެހެންވެ، އެ ސިޓީ ހޯދުމަށް މިއަދު މަޖިލީހަށް ހުށަހެޅުއްވީ، މަހިބަދޫ ދާއިރާގެ މެމްބަރު އަހުމަދު ތޯރިގެވެ.

މަޖިލީހުގެ ރައީސް މުހައްމަދު ނަޝީދަށް ފޮނުއްވި ސިޓީއެއްގައި ތޯރިގު ވިދާޅުވީ:

އެނގުން މުހިއްމު- މައްސަލަ ހޫނުވެފައިވާ ސިޓީ އާއްމު ކުރުމާ ގުޅޭގޮތުން ކުރިން 'ދައުރު'އިން ރައީސް އޮފީހުގެ ތަރުޖަމާނު މިއުވާން މުހައްމަދު ވިދާޅުވީ:

މިއުވާން ވިދާޅުވީ ރައީސްގެ ސިޓީގައި ރާއްޖޭގެ ވިސްނުން ހާމަކުރެއްވި އިރު، ރާއްޖޭގެ އިމުން ބައެއް ދޫކޮށްލުން ފަދަ ވާހަކައެއް ރައީސްގެ ސިޓީގައި ވިދާޅުވެފައި ނުވާނެކަމުގެ ޔަގީންކަން ދެއްވާ ކަމަށެވެ. އަދި އިން ކަނޑައެޅުމުގައި މޮރިޝަސް އިން ކުރާ ދައުވާގައި ރާއްޖޭގެ ސްޓޭންޑް ބަދަލު ނުވާނެ ކަމަށް ވެސް އޭނާ ވިދާޅުވި އެވެ.

"ރާއްޖޭގެ ބައެއް ދޫކޮށްލުން ފަދަ ޔަގީންކަމެއް ދީފައިވާ ސިޓީއެއް ނޫން އެއީ." މިއުވާން ވިދާޅުވި އެވެ.