ތްރީޑީ ޕްރިންޓް ކުރެވިފައިވާ އައިފޯން 17 އެއާ އަދި ޕްރޯ. (ފޮޓޯ: އެކްސް/މާޖިން ބޫ)

އައިފޯން

އައިފޯން 17 އެއާ އާދަޔާ ޚިލާފަށް ތުނި ފޯނަކަށްވާއިރު އޭގެ ކެމެރާ ބަމްޕްގެ ބޯމިނުގައި 4އެމްއެމް ހުންނާނެކަމަށްވޭ

ގޫގުލްގެ ޕިކްސެލް ފޯނުތަކުގައި ފެންނަ ރަންވޭ ސްޓައިލް ޑިޒައިންއާ އެއްގޮތް ބަމްޕެއް ހިމެނޭނެ މި ފޯނުގެ ސްކްރީން ސައިޒަކީ 6.6 × 6.7 އިންޗި ކަމަށް ބައެއް ރިޕޯޓްތައް ބުނޭ
13 މާރިޗު 2025

މިއަހަރުގެ ސެޕްޓެމްބަރުގައި ނެރުމަށް ހަމަޖެހިފައިވާ އައިފޯން 17 ސީރީޒްގައި ހިމެނޭ 'އެއާ' މޮޑެލް އަކީ މިހާތަނަށް އެޕަލްއިން ނެރޭނެ އެންމެ ތުނި އައިފޯނަށް ވެގެންދާނެ ކަމަށް ހާމަވެފައިވާ މައުލޫމާތުތަކުން ދައްކަ އެވެ. މިންގްޗީ ކުއޯގެ ރިޕޯޓުން ދައްކާ ގޮތުގައި މި މޮޑެލްގެ ބޮޑީގެ ފުޅާމިން ވާނީ 5.5 އެމްއެމް އެވެ.

  • ޗައިނާގެ ލީކާ 'އައިސް ޔުނިވާސް' ޝާއިއުކުރި ލީކެއްގައި ބުނެފައިވަނީ އައިފޯން 17 އެއާގެ ކެމެރާ ބަމްޕްގެ ފުޅާމިނަކީ 4 އެމްއެމް ކަމަށެވެ. މިއާއެކު ފޯނުގެ އެންމެ ފުޅާ ހިސާބުގެ ޖުމްލަ ފުޅާމިނަކީ 9.5 އެމްއެމް ކަމަށް ބެލެވެ އެވެ.

ކުރީގެ ލީކްތަކުން ދައްކާގޮތުން އައިފޯން 17 އެއާގައި ވާނީ އެންމެ ފަހަތު ކެމެރާއެއް ކަމަށާއި އޭގެ ސްކްރީން ސައިޒަކީ 6.6 އިން 6.7 އިންޗި ކަމަށް ބެލެވެ އެވެ. މިއީ އައިފޯން 17 އާ އަޅާބަލާއިރު ބޮޑު ނަމަވެސް އައިފޯން 17 ޕްރޯ މެކްސްއަށްވުރެ ކުޑަ ސްކްރީނެކެވެ.

އައިފޯން 17 ސީރީޒް ނެރުމަށް ހަމަޖެހިފައިވަނީ އެޕަލްގެ އާދަކާދައިގެ މަތިން މިއަހަރުގެ ސެޕްޓެމްބަރު މެދުތެރޭގަ އެވެ.

  • ނަމަވެސް ފާއިތުވި ހަފްތާގައި 'އައިސް ޔުނިވާސް' އިން ބުނި ގޮތުގައި އެއާ މޮޑެލްގެ ސައިޒަކީ ޕްރޯ މެކްސް މޮޑެލްއާ އެއްވަރުގެ ސައިޒެކެވެ. މިއީ މިހާތަނަށް ފެތުރިފައިވާ ގިނަ ލީކްތަކާ ފުށުއަރާ މައުލޫމާތެކެވެ.

އާ ލީކްތަކުން ދައްކާ ގޮތުގައި، އައިފޯން 17 އެއާގައި ހިމެނޭނީ ފަހަތުގެ ވާތްފަރާތުގައި އެކަހެރި ކެމެރާއެއް އަދި ކަނާތްފަރާތުގައި މައިކްރޯފޯނާއި އެލްއީޑީ ފްލޭޝް އެވެ. މިހުރިހާ އެއްޗެއް ހިމެނޭނީ ދިގުކޮށް ހުންނަ ބަމްޕެއްގެ ތެރޭގައި ކަމަށް ބުނެވެ އެވެ. މިއީ ގޫގުލްގެ ޕިކްސެލް ފޯނުތަކުގައި ފެންނަ ރަންވޭ ސްޓައިލް ޑިޒައިނާ އެއްގޮތްވާނެ ޑިޒައިނެއްކަމަށް ބެލެވެއެވެ.

  • 'އައިސް ޔުނިވާސް' އިން ކުރިން ހިއްސާކޮށްފައިވާ މައުލޫމާތުތަކަކީ އައިފޯން 16 ޕްރޯ އަދި އައިފޯން 16 ޕްރޯ މެކްސްގެ ސައިޒްތައް ހިމަނައިގެން ނެރުމުގެ ކުރިން ހާމަކުރި ސައްހަ މައުލޫމާތުތަކެކެވެ. އެހެންކަމުން، ފާއިތުވި ހަފްތާގައި ހިއްސާކުރި މައުލޫމާތަކީ ކުށެއް ކަމަށްވާނަމަ، އެންމެފަހުން ލީކްކޮށްފައިވާ މައުލޫމާތުން ފޯނުގެ އެންމެ ފުޅާ ހިސާބުގެ މިންތަކަށް އިތުބާރުކުރެވިދާނެ އެވެ.

އައިފޯން 17 އެއާ ނެރޭނީ ކޮންއިރަކު؟

  • ފާއިތުވި އަހަރު، އައިފޯން 16 ސީރީޒް ނެރުނީ ސެޕްޓެމްބަރުގަ އެވެ. އެންމެ ފަހުގެ ރިޕޯޓުތަކުން ދައްކާގޮތުގައި، އެޕަލްއިން އައިފޯން 17 ސީރީޒްގައި ޕްލަސް މޮޑެލް ނުހިމަނައި، އޭގެ ބަދަލުގައި އެއާ މޮޑެލް ހިމަނާނެކަމަށް ބެލެވެއެވެ. އައިފޯން 17 އެއާ ނެރޭނެކަމަށް ލަފާކުރެވެނީ މިއަހަރުގެ ސެޕްޓެމްބަރުގައި، އަދި މިއީ ސެޕްޓެމްބަރު 9 އާއި 11 އާ ދެމެދު ބޭއްވޭ އިވެންޓެއްގައި ކަމަށް ބެލެވެ އެވެ. ވިއްކަން ފެށޭނީ ސެޕްޓެމްބަރު 18 ނުވަތަ 19 ހިސާބުގަ އެވެ.

ތްރީޑީ ޕްރިންޓް ކުރެވިފައިވާ އައިފޯން 17 އެއާ އަދި ޕްރޯ ފޯނުތަކުގެ އާ ޑިޒައިން (ފޮޓޯ: އެކްސް/މާޖިން ބޫ)
ތްރީޑީ ޕްރިންޓް ކުރެވިފައިވާ އައިފޯން 17 އެއާ އަދި ޕްރޯ ފޯނުތަކުގެ އާ ޑިޒައިން (ފޮޓޯ: އެކްސް/މާޖިން ބޫ)

އައިފޯން 17 އެއާގައި ހިމެނޭނީ ކޮން ފީޗާތަކެއް؟

  • ފީޗާތަކުގެ ގޮތުން، އައިފޯން 17 އެއާގައި ޒަމާނީ އޭއައި ފީޗާތައް ހިމެނޭނެ އެވެ. މީގައި 6.6 އިންޗި އޭމޯލެޑް ޑިސްޕްލޭއެއް ހިމެނޭނެ ކަމަށާއި އޭގެ ރިފްރެޝް ރޭޓަކީ 120 ހާޓްޒް ކަމަށް ބެލެވެ އެވެ. މި މޮޑެލްގައި ފިޒިކަލް ސިމް ކާޑު ސްލޮޓެއް ނުހިމެނޭނެ ކަމަށާއި 512 ޖީބީއާ ހަމައަށް ސްޓޯރޭޖް އޮޕްޝަންތައް އަދި 8 ޖީބީ ރޭމް ހިމެނޭނެ ކަމަށް ބެލެވެ އެވެ.

ކެމެރާގެ ގޮތުން، މި ފޯނުގެ ފަހަތުގައި ހިމެނޭނީ އެކަހެރި ކެމެރާއެއް ކަމަށާއި އެއީ 48 މެގަޕިކްސެލް ލެންސްއެއް ކަމަށް ބެލެވެ އެވެ. ކުރިމަތީގައި ހިމެނޭނީ 12 މެގަޕިކްސެލްގެ ސެލްފީ ކެމެރާއެކެވެ. އަދި މީގެ އިތުރުން، އައިފޯން 17 އެއާގައި އޭ19 ބަޔޮނިކް ޗިޕްސެޓް އަދި އެކްޝަން ބަޓަން ފަދަ އެންމެ ޒަމާނީ ފީޗާތައް ހިމެނޭނެ ކަމަށާއި މިއީ އެޕަލްގެ ލައިންއަޕަށް އެންމެ ބޮޑަށް ބެލެވޭ އިތުރުކުރުމެއް ކަމަށްވެ އެވެ.

ޓެކްނޮލޮޖީ އައިފޯން އެޕަލް

އިތުރު އާޓިކަލް

އިތުރު އާޓިކަލް