އޭއައި އަށް ބާރުދޭ ސާޗް ތަޖުރިބާއެއް: ގޫގްލްގެ 'އޭއައި މޯޑް' އަކީ ގިނަ ބައިތަކުގެ ސުވާލުތަކަށް ޖަވާބުދީ، ޕާޕްލެކްސިޓީ އޭއައި އަދި ޗެޓްޖީޕީޓީ ސާޗް ފަދަ ޚިދުމަތްތަކާ ވާދަކުރުމަށް ތައާރަފްކޮށްފައިވާ އެންމެ ފަހުގެ އިނޮވޭޝަން.
ގޫގްލް ސާޗްގައި ޕާޕްލެކްސިޓީ އޭއައި އަދި އޯޕަންއޭއައިގެ ޗެޓްޖީޕީޓީ ސާޗް ފަދަ ޚިދުމަތްތަކަށް ގޮންޖަހާ އާ 'އޭއައި މޯޑް' ތައާރަފްކޮށްފި
ގޫގްލްއިން އާ 'އޭއައި މޯޑް' އެކްސްޕެރިމެންޓަލް ފީޗާއެއް ސާޗްގައި ތައާރަފްކޮށްފި އެވެ. މި ފީޗާއަކީ ޕާޕްލެކްސިޓީ އޭއައި އަދި އޯޕަންއޭއައިގެ ޗެޓްޖީޕީޓީ ސާޗް ފަދަ މަގްބޫލު ޚިދުމަތްތަކާ ވާދަކުރުމަށް ނެރެފައިވާ އެއްޗެކެވެ. ބުދަ ދުވަހު ގޫގްލްއިން އިއުލާންކުރިގޮތުގައި މި އާ މޯޑް ފަރުމާކޮށްފައިވަނީ ބޭނުންކުރާ މީހުންނަށް ސީދާ ގޫގްލް ސާޗް ތެރެއިން ގެ ސުވާލުތަކަށް އިތުރު މައުލޫމާތު ހޯދޭ ގޮތަށެވެ.
-
އޭއައި މޯޑް ވަނީ މި ހަފުތާއިން ފެށިގެން ގޫގްލް ވަން އޭއައި ޕްރީމިއަމް ސަބްސްކްރައިބަރުންނަށް ލިބެން ފަށާފައެވެ. މިފީޗާ ބޭނުންކުރެވޭނީ ސާޗް ލެބްސް ތެރެއިންނެވެ. މިއީ ގޫގްލްގެ އެކްސްޕެރިމެންޓަލް ގޮތްޕެކެވެ.
$GOOG Google Search Introduces AI Modepic.twitter.com/rLUFBTqVhI
— Aurelien Sacaze (@AurelienSacaze) March 5, 2025
މި ފީޗާ ބޭނުންކުރަނީ ޖެމިނައި 2.0 ގެ ޚާއްސަ ވާޝަނެކެވެ. މިއީ ޚާއްސަކޮށް އެޑްވާންސްޑް ރީޒަނިން، ވިސްނުންތެރިކަން، އަދި މަލްޓިމޯޑަލް ގާބިލިއްޔަތުތަކުގެ ސަބަބުން އިތުރަށް ބަލާލަންޖެހޭ އަދި އަޅާކިޔަންޖެހޭ ސުވާލުތަކަށް ވަރަށް ބޭނުންތެރި ފީޗާއެކެވެ.
-
ގޫގްލް ސީއީއޯ ސުންދަރު ޕިޗާއި އެކްސްގައި ބުނެފައިވާ ގޮތުގައި، އޭއައި އޯވާވިއުތަކަކީ ގޫގްލްގެ އެންމެ މަގްބޫލު ސާޗް ފީޗާތަކުގެ ތެރެއިން އެއްޗެކެވެ. މި ފީޗާތައް އަދި މޮޑެލްތައް ރަނގަޅުވެގެން އަންނަވަރަކަށް އިތުރަށް ރަނގަޅުވަމުންދާނެ ކަމަށާއި، މިހާރު ޖެމިނައި 2.0 އިން ވަނީ އެމެރިކާގައި ކޯޑިން، އެޑްވާންސްޑް މެތްސް، އަދި މަލްޓިމޯޑަލް ކުއަރީތަކަށް ޖަވާބުދިނުމުގެ ބާރު ލިބިދީފައެވެ.
We’re rolling out AI Mode to Google One AI Premium subscribers today, opt in on Labs. And just like AI Overviews, AI Mode will get better with time and feedback. Get details here: https://t.co/k9qfHH83HI
— Sundar Pichai (@sundarpichai) March 5, 2025
މިސާލަކަށް، "ސްމާޓް ރިންގަކާއި، ސްމާޓްވޮޗަކާއި ޓްރެކިން މެޓަކާ ދެމެދު ... ޓްރެކިން ފީޗާތަކުގައި ހުރި ތަފާތުތަކަކީ ކޮބާ؟" މިފަދަ ސުވާލެއް ކުރެވިދާނެއެވެ.
އޭއައި މޯޑުން މިފަދަ ސުވާލަކަށް ކޮންމެ ޕްރޮޑަކްޓަކުން އޮފާކުރާ ކަންތައްތަކުގެ ތަފްސީލީ އަޅާކިޔުމެއް ދޭނެއެވެ. މައުލޫމާތު ނަގާފައިވާ އާޓިކަލްތަކަށް ލިންކްތަކާއެކުގަ އެވެ. އޭގެ ފަހުން ސާޗް ކުރިއަށް ގެންދިއުމަށް "ޑީޕް ސްލީޕްގައި ހުންނައިރު ހާޓް ރޭޓަށް ވާ ކަމަކީ ކޮބާ؟" ކަހަލަ ފޮލޯއަޕް ސުވާލެއް ކުރެވިދާނެ އެވެ.
ގޫގްލްއިން ބުނާގޮތުގައި ކުރީގައި ތަފްސީލު އޮޕްޝަންތައް އަޅާކިޔާލުމަށް ނުވަތަ އާ ކޮންސެޕްޓެއް ބަލާލުމަށް އާންމު ސާޗްތައް ބޭނުންކޮށްގެން ގިނަ ކުއަރީތަކެއް ބޭނުންވާނެ އެވެ.
އޭއައި މޯޑާއެކު، ވެބް ކޮންޓެންޓަށް އެކްސެސް ލިބުމުގެ އިތުރުން ނޮލެޖް ގްރާފް، ހަގީގީ ދުނިޔޭގެ މައުލޫމާތު، އަދި ބިލިއަނުން ގުނާ ޕްރޮޑަކްޓްތަކުގެ ޝޮޕިން ޑޭޓާ ފަދަ ރިއަލް-ޓައިމް މަސްދަރުތަކަށްވެސް އެކްސެސް ލިބޭނެ އެވެ.
-
މިއީ އަދި އާ ތަޖުރިބާއެއް ކަމަށްވާތީ، ގޫގްލްއިން ބުނެފައިވަނީ ޔޫޒާ އެކްސްޕީރިއަންސް އިތުރަށް ރަނގަޅުކޮށް، ފަންކްޝަނަލިޓީ ފުޅާކުރަމުން ގެންދާނެ ކަމަށެވެ. މިސާލަކަށް ކުންފުނިން ރާވާފައިވަނީ ތަޖުރިބާ އިތުރަށް ވިޝުއަލް ކުރުމަށް އަދި ޔޫޒަރުން އުފައްދާފައިވާ ކޮންޓެންޓް ފަދަ އެކި ބާވަތުގެ މަސްދަރުތަކުން މައުލޫމާތު ހާމަކުރުމަށެވެ.
Google is also expanding the existing AI Overviews that appear at the top of search results, making them 'faster and higher quality' for math, coding, and multimodal questions. https://t.co/durfkU6SvR
— PCMag (@PCMag) March 5, 2025
ގޫގްލް ވަން އޭއައި ޕްރީމިއަމް ސަބްސްކްރައިބަރުންނަށް އޭއައި މޯޑް އެކްސެސް ކުރެވޭނީ ސާޗް ލެބްސްއަށް އޮޕްޓްއިން ކޮށް، ސާޗް ބާގައި ސުވާލު ޓައިޕްކޮށް 'އޭއައި މޯޑް' ޓެބްގައި ޓެޕްކުރުމުންނެވެ. ނުވަތަ ސީދާ google.com/aimode އަށް އެކްސެސް ކުރެވިދާނެ އެވެ. މޮބައިލްގައި، ގޫގްލް އެޕް ހުޅުވާ، ހޯމްސްކްރީންގައި ސާޗް ބާގެ ދަށުގައިވާ 'އޭއައި މޯޑް' އައިކަން ޓެޕްކުރެވިދާނެ އެވެ.
-
ބުދަދުވަހުގެ އިއުލާންގެ ބައެއްގެ ގޮތުން، ގޫގްލްއިން ހިއްސާކޮށްފައިވަނީ އެމެރިކާގައި އޭއައި އޯވާވިއުތަކަށް ޖެމިނައި 2.0 ލޯންޗްކޮށްފައިވާ ކަމަށެވެ. ކުންފުނިން ބުނާގޮތުގައި އޭއައި އޯވާވިއުތަކަށް މިހާރު ކޯޑިން، އެޑްވާންސްޑް މެތަމެޓިކްސް، އަދި މަލްޓިމޯޑަލް ކުއަރީތައް ފަދަ އުނދަގޫ ސުވާލުތަކަށް އެހީތެރިވެދެވޭނެ އެވެ. މީގެއިތުރުން ގޫގްލްއިން އިއުލާންކޮށްފައިވަނީ މިހާރު ޔޫޒަރުން އޭއައި އޯވާވިއުތަކަށް އެކްސެސްކުރުމަށް ސައިން އިން ވާކަށް ނުޖެހޭނެ ކަމަށާއި، އަދި މި ފީޗާ 13 އަހަރާއި 19 އަހަރާ ދެމެދުގެ ކުދިންނަށްވެސް ރޯލްއައުޓް ކުރަމުންދާކަމަށެވެ.