ޔުނިޓްރީގެ ޖީ1 އިންސާނީ ރޮބޯޓު އެއްވަރު ނޫން ބިމެއްގައި ދުވެ، އިންސާނުންނާ އެއްފަދައިން ހިނގަމުންދާ މަންޒަރު. މި 130 ސެންޓިމީޓަރު އުސްމިނުގެ ރޮބޯޓަކީ 35 ކިލޯގްރާމް ބަރުދަނުގެ އަދި އަގު 16,000 އެމެރިކާ ޑޮލަރުން ފެށޭ ރޮބޯޓެއް.
ޗައިނާގެ ސްޓާޓްއަޕް ޔުނިޓްރީން އެކުންފުނީގެ 'އިންސާނީ' ރޮބޯޓުތަކުގެ ވިޔަފާރި ފުޅާކުރުމަށް އޭއައި ޓެކްނޮލޮޖީގެ ކުރިއެރުންތަކާއެކު ތައްޔާރުވަނީ
ތިރީހަކަށް އަހަރުގެ ނެށުންތެރިއަކު ފިޔަވަޅުތަކެއް އަޅަމުންދާއިރު، އޭނާގެ ހަރަކާތްތައް ބަރާބަރަށް ދަސްކުރަމުން ދަނީ 180 ސެންޓިމީޓަރު އުސްމިނުގެ މެޓަލިކް ރޮބޯޓެކެވެ. މިއީ ޗައިނާގެ ސްޓާޓްއަޕް ކުންފުނި ޔުނިޓްރީގެ އެޗް1ން އުފެއްދި 'އިންސާނީ' ރޮބޯޓެކެވެ. އެތައް މިލިއަން ބަޔަކު ބަލަމުންދިޔަ ޗައިނާގެ ސްޕްރިން ފެސްޓިވަލް ގާލާގައި މި ރޮބޯޓު އިންސާނުންނާއެކު ހިނގި ފިޔަވަޅުތަކަކީ އިންސާނީ ރޮބޯޓުތަކުގެ ދާއިރާގައި އާ ހޯދުމެކެވެ. ދުނިޔޭގެ ފުރަތަމަ އެންމެ ގިނަ އަދި މުޅިން އޭއައި އޮޓޮމޭޓެޑް އިންސާނީ ރޮބޯޓު ޕާފޯމަންސްގައި ބައިވެރިވި 16 ރޮބޯޓުން ދައްކާލީ މެޝިންތަކަށް އިންސާނުންނާ އެއްފަދައިން ނަށާ ހަރަކާތްތެރިވެވޭނެ ކަމެވެ.
އާ ރޮބޯޓުތަކުގެ ފީޗާތައް
ޔުނިޓްރީގެ ކުޑަ އަދި އަގުހެޔޮ ޖީ1 ރޮބޯޓު ދުވެ، އެއްވަރު ނޫން ބިންމަތީގައި ހިނގައި، އަދި އިންސާނުންނާ އެއްގޮތަށް ހިނގާތަން އެންމެ ފަހުގެ ވީޑިއޯއިން ދައްކުވައިދެ އެވެ. މި ޑެމޯތައް ހިންގާފައިވަނީ ރިމޯޓް ކޮންޓްރޯލްގެ ޒަރީއާއިންކަމަށް ޔުނިޓްރީއިން ބުނެފައިވެ އެވެ. އެއީ ރޮބޯޓުތައް ހިންގުވާފައިވާ ސަރަހައްދުތަކުގެ މެޕިން ހަދާފައި ނުވާތީ އެވެ.
އެންމެ ފަހުގެ ޑެމޮންސްޓްރޭޝަންތައް
އެޗް1 ހިއުމަނޮއިޑް ރޮބޯޓުވެސް ސްޕްރިންގް ފެސްޓިވަލްގައި ޕާފޯމްކުރި ރޫޓީނަކީ ޑާންސަރުންގެ ޑޭޓާއިން ދަސްކޮށްފައިވާ ރޫޓީނަކަށެވެ. ރޮބޯޓުތައް ސިންކްރަނައިޒްކޮށް، ރޭވިފައިނުވާ ބަދަލުތަކަށް އަދި ކަންކަމަށް އިޖާބަދިނުމުގައި "ހޯލް ބޮޑީ މޯޝަން ކޮންޓްރޯލް" ބޭނުންކުރިކަމަށް ކުންފުނިން ބުނެފައިވެ އެވެ.
ސްޕްރިންގް ފެސްޓިވަލްގައި ޕާފޯމްކުރުން
-
ޗައިނާގެ އެންމެ ގިނަ މީހުން ބަލާ ޓެލެވިޒަން ޝޯ ކަމުގައިވާ ސްޕްރިން ފެސްޓިވަލް ގާލާގައި 16 އެޗް1 އިންސާނީ ރޮބޯޓު އިންސާނުންނާއެކު ޗައިނާގެ ޔަންގްގޭ ޑާންސް ޕާފޯމްކުރި އެވެ. ލޫނާ ނިއު ޔާ އީވްގައި ދެއްކި މި ޕާފޯމަންސްއަކީ "ދުނިޔޭގެ ފުރަތަމަ ގިނަ އަދަދެއްގެ، މުޅިން އޭއައި އަދި އޮޓޮމޭޓެޑް އިންސާނީ ރޮބޯޓު ޕާފޯމަންސް" ކަމަށް ކުންފުނިން ބުނެފައިވެ އެވެ.
މާކެޓު އަންދާޒާތައް
ޗައިނާ ސެންޓާ ފޯ އިންފޮމޭޝަން އިންޑަސްޓްރީ ޑިވެލޮޕްމަންޓްގެ އަންދާޒާގައި 2023 ވަނަ އަހަރު 3.9 ބިލިއަން ޔުއާންގެ އަގުހުރި އިންސާނީ ރޮބޯޓުތަކުގެ މާކެޓު 2026 ވަނަ އަހަރާ ހަމައަށް 20 ބިލިއަން ޔުއާން (2.7 ބިލިއަން އެމެރިކާ ޑޮލަރު) އަށް އަރާނެކަމަށް ލަފާކޮށްފައިވެ އެވެ.
ގޯލްޑްމަން ސެކްސްގެ ރިޕޯޓެއްގައި ލަފާކުރާ ގޮތުގައި 2035 ވަނަ އަހަރާ ހަމައަށް އިންސާނީ ރޮބޯޓުތަކުގެ ދުނިޔޭގެ މާކެޓު 38 ބިލިއަން އެމެރިކާ ޑޮލަރަށް އަރާނެ އެވެ. މިއީ ކުރިން ލަފާކުރި 6 ބިލިއަން އެމެރިކާ ޑޮލަރަށްވުރެ 6 ގުނަ އިތުރު އަދަދެކެވެ.
އިންސާނީ ރޮބޯޓުތަކުގެ އަގުތައް
180 ސެންޓިމީޓަރު އުސްމިނުގެ 47 ކިލޯގްރާމް ބަރުދަނުގެ އެޗް1 ރޮބޯޓުގެ އަގަކީ 90,000 އެމެރިކާ ޑޮލަރެވެ. 130 ސެންޓިމީޓަރު އުސްމިނުގެ 35 ކިލޯގްރާމް ބަރުދަނުގެ ޖީ1 ރޮބޯޓުގެ އަގު ފެށެނީ 16,000 އެމެރިކާ ޑޮލަރުންނެވެ.
ރޮބޯޓުތަކުގެ ތާރީޚު
2023 ވަނަ އަހަރުގެ ޖުލައި މަހު ފުރަތަމަ ފަހަރަށް ތައާރަފުކުރި އެޗް1 ރޮބޯޓު ނޮވެމްބަރު މަހު ފުރަތަމަ ކަސްޓަމަރުންނަށް ލިބުނެވެ. އަދި ޖީ1 މޮޑެލް ވަނީ މިދިޔަ އަހަރު ތައާރަފުކޮށްފަ އެވެ.
ކުންފުނީގެ އެހެން ރޮބޯޓުތައް
ކުންފުނީގެ ވެބްސައިޓުގައިވާ ގޮތުން، އާންމުންނަށް އަމާޒުކޮށްފައިވާ ދެ ހަތަރު ފައިގެ ރޮބޯޓު މޮޑެލް، ގޯ1 އަދި ގޯ2 ގެ އަގަކީ 2,700 އެމެރިކާ ޑޮލަރު އަދި 2,800 އެމެރިކާ ޑޮލަރެވެ.
ގާތްގަޑަކަށް 100,000 އެމެރިކާ ޑޮލަރުގެ އިންޑަސްޓްރިއަލް ފެންވަރުގެ ހަތަރު ފައިގެ ރޮބޯޓު މޮޑެލްތައް ކަމުގައިވާ ބީ1 އަދި ބީ2 މިހާރުވެސް އެކި ވިޔަފާރިތަކުގައި ބޭނުންކުރެވެމުންދެ އެވެ. މީގެ ތެރޭގައި ފެކްޓަރީތަކުގެ ތަޅުންގަނޑު ޕެޓްރޯލްކުރުމާއި އަލިފާނުގެ ހާދިސާތަކުގައި އެހީތެރިވުން ހިމެނެ އެވެ. ބޭނުންކުރާ ފަރާތްތަކުގެ ވަކި ބޭނުންތަކަށް ބައްޓަންކުރެވޭ ގޮތަށް އޮޕްޝަންތައް ލިބެން ހުރިކަމަށް ޔުނިޓްރީން ބުނެއެވެ.