ގޫގުލް ޕްލޭގެ ސަލާމަތީ ފިޔަވަޅުތައް ހަރުދަނާކޮށް، 2024 ގައި ނުރައްކާތެރި 2.36 މިލިއަން އެޕް ބްލޮކްކޮށް، 158،000 ޑިވެލޮޕަރުން ބްލެކްލިސްޓްކުރި

ގޫގުލް ޕްލޭގެ އެންމެ ފަހުގެ ސެކިއުރިޓީ އަޕްޑޭޓުން ފާހަގަކޮށްފައިވާ ގޮތުގައި އޭއައި މެދުވެރިކޮށް ނުރައްކާތައް ދެނެގަތުމާއި، ޑިވެލޮޕަރުންގެ ކޮމްޕްލަޔަންސް، އަދި ގިނަ ފަށަލައިގެ ރައްކާތެރިކަން ގާއިމުކުރުމުގެ މުހިންމުކަން އިތުރުވެފައިވެއެވެ.

ގޫގުލް ޕްލޭ ޕްރޮޓެކްޓްއިން 13 މިލިއަން އާ މެލީޝަސް އެޕް ފާހަގަކޮށް، ނުވަ ގައުމެއްގައި ފްރޯޑް ޕްރިވެންޝަން ޕައިލެޓް ޕްރޮގްރާމް ހިންގައި، 200،000 އެޕްގެ 36 މިލިއަން ނުރައްކާތެރި އިންސްޓޯލޭޝަން ބްލޮކްކުރެވިފައިވެ އެވެ.

އޭއައި އެހީގައި އެޕް ރިވިއުކުރުން: ގޫގުލްގެ ރިވިއުތަކުގެ %92 މިހާރު ހަދަނީ އޭއައި އެހީގަ އެވެ. މިއީ އަވަސް އަދި ސައްހަ ނިންމުންތަކެއް ނިންމުމަށް މަގުފަހިކޮށްދޭ ކަމެކެވެ.

ނުރައްކާތެރި އެޕް ބްލޮކްކުރުން: ގޫގުލްއިން ޕޮލިސީއާ ޚިލާފު 2.36 މިލިއަން  އެޕް ޕަބްލިޝްކުރުން ހުއްޓުވައި، ނުރައްކާތެރި އެޕް ފެތުރުމަށް މަސައްކަތްކުރި 158،000 ޑިވެލޮޕާ އެކައުންޓް ބަންދުކޮށްފައިވެ އެވެ.

ރިއަލްޓައިމް އެޕް ސްކޭނިން: ގޫގުލް ޕްލޭ ޕްރޮޓެކްޓްއިން ދުވާލަކު 200 ބިލިއަން ފަހަރު އެޕް ސްކޭންކޮށް، ޕޮލިމޯފިކް މަލްވެއާފަދަ އަލަށް އުފެދޭ ނުރައްކާތައް ދެނެގަތުމަށް އެޑްވާންސްޑް ކޯޑް އެނަލިސިސް ބޭނުންކުރެ އެވެ.

2024 ވަނަ އަހަރު، 1.3 މިލިއަނަށްވުރެ ގިނަ އެޕްގެ އިތުރު ޑޭޓާ އެކްސެސް މަދުކުރެވި، އެޕްތަކަށް ހަމައެކަނި އެ އެޕެއްގެ މަސައްކަތަށް ބޭނުންވާ މިންވަރަށް ޑޭޓާ އެއްކުރެވޭގޮތް ހެދިފައިވެ އެވެ. ޑިވެލޮޕަރުން މިހާރު ޖެހެނީ ބޭނުންކުރާ ފަރާތްތަކަށް އެމީހުންގެ ޑޭޓާ ފޮހެލުމުގެ ސާފު އޮޕްޝަންތަކެއް ދިނުމަށެވެ. މިއީ ޕާސަނަލް މައުލޫމާތުގެ މައްޗަށް އޮންނަ ކޮންޓްރޯލް އިތުރުކޮށްދޭ ކަމެކެވެ. މީގެއިތުރުން، ގޫގުލް ޕްލޭއިން އިންސްޓޯލްކުރެވޭ އެޕްތަކުގެ %91 އަށްވުރެ ގިނަ އެޕް މިހާރު ލިބެނީ އެންމެ ފަހުގެ އެންޑްރޮއިޑް 13+ ޕްރޮޓެކްޝަންތަކާ އެކުގަ އެވެ.

ރިއަލްޓައިމް އެޕް ސްކޭނިން: ގޫގުލް ޕްލޭ ޕްރޮޓެކްޓްއިން ގޫގުލް ޕްލޭގެ ބޭރުން 13 މިލިއަން އާ މެލީޝަސް އެޕް ފާހަގަކުރެވިފައިވެ އެވެ.

ފްރޯޑް ޕްރިވެންޝަން ޕައިލެޓްތައް: 9 ގައުމެއްގައި ތަންފީޒުކުރެވި، 200،000 އަށްވުރެ ގިނަ ޝައްކުކުރެވޭ އެޕްގެ 36 މިލިއަން ނުރައްކާތެރި އިންސްޓޯލޭޝަން ބްލޮކްކުރެވިފައިވެ އެވެ.

ސޯޝަލް އިންޖިނިއަރިން ޕްރޮޓެކްޝަން: ފިޝިން ހަމަލާތަކާއި ފޯނު ސްކޭމްތަކުގެ ތެރޭގައި ޕްލޭ ޕްރޮޓެކްޓް ޑިސޭބަލްކުރުން ހުއްޓުވަ އެވެ.

ގޫގުލް ޕްލޭގެ ސެކިއުރިޓީ ފިޔަވަޅުތަކުން ބޭނުންކުރާ ފަރާތްތައް ރައްކާތެރިކުރިނަމަވެސް، އަމިއްލަ ރައްކާތެރިކަމަށް ފިޔަވަޅުއެޅުމާއި ނުރައްކާތެރި އެޕްތައް ދެނެގަތުން މުހިންމެވެ.

 ނޭގޭ ފަރާތްތަކުގެ އެޕް ސައިޑްލޯޑްކުރުން ދުރުހެލިވުން، އެއީ ގޫގުލް ޕްލޭގެ ސެކިއުރިޓީ ޗެކްތައް ބައިޕާސްވެދާނެތީ އެވެ.

 ރިއަލްޓައިމް ސްކޭނިން އާއި މަލްވެއާ ޑިޓެކްޝަންގެ ފައިދާ ލިބުމަށް ޕްލޭ ޕްރޮޓެކްޓް އެނޭބަލްކޮށްފައި ބެހެއްޓުން.

އިންސްޓޯލްކުރުމުގެ ކުރިން އެޕް ޕާމިޝަންތައް ރިވިއުކޮށް، ސެންސިޓިވް ޑޭޓާއަށް ބޭނުންނުވާ އެކްސެސް ކެންސަލްކުރުން.

 އާ ވަލްނަރަބިލިޓީތަކުން ރައްކާތެރިވުމަށް ގަވާއިދުން އަޕްޑޭޓްކުރުން.

ޝައްކުކުރެވޭ ލިންކުތަކުގައި ކްލިކްނުކުރުމާއި އިތުބާރު ފަރާތްތަކުގެ އެޕް ޑައުންލޯޑްނުކުރުން.

 ޝައްކުކުރެވޭ ލޮގިން ނުވަތަ އެޕް އެކްސެސްގެ ނިޝާންތައް ހުރިތޯ ގަވާއިދުން ގޫގުލް އެކައުންޓް އެކްޓިވިޓީ ޗެކްކުރުން.