މީޑިއާނެޓުން އައިޕީއެލްގެ މުޅި މުބާރާތް އެންމެ 50ރ.އަށް ބަލާލެވޭނެ

ދުނިޔޭގެ އެންމެ ފޯރިގަދަ ކްރިކެޓް މުބާރާތް އިންޑިއަން ޕްރިމިއާ ލީގު (އައިޕީއެލް)ގެ ހުރިހާ މެޗެއް މީޑިއާނެޓްގެ މޮބައިލް އެޕްލިކޭޝަން މެދުވެރިކޮށް 50ރ.އަށް ބަލާލެވޭނެ ކަމަށް މީޑިއާނެޓުން ބުނެފި އެވެ.

ވީ ކިހިނެއް؟ - މާދަމާ ފަށާ އެ މުބާރާތް 28 މެއިގެ ނިޔަލަށް ކުރިއަށް ދާނެ އެވެ. އެ މުބާރާތުގެ ފޯރިގަދަ މެޗުތައް ލައިވްކޮށް ދިވެހިންނާއި ހަމައަށް ގެނެސްދިނުމަށް މީޑިއާނެޓުން ފުރިހަމައަށް ތައްޔާރުވެފައިވާ ކަމަށް މިޑިއާނެޓުން ބުންޏެވެ.

ތަފްސީލް - މީޑިއާނެޓުން ވަނީ، 'އައިޕީއެލް ޕެކް'ގެ ނަމުގައި މީޑިއާނެޓުގެ މޯބައިލް އެޕްލިކޭޝަނަށް ހާއްސަ ޕެކޭޖެއް ތައާރަފުކޮށްފަ އެވެ.

އައިޕީއެލް އަކީ ދުނިޔޭގެ އެކި ގައުމުތަކުގެ އެންމެ ހުނަރުވެރި ކުޅުންތެރިންގެ މޮޅު ކުޅުން ފެނިގެންދާ މުބާރާތެކެވެ. އިންޑިއާގެ ސްޓޭޓްތަކަށް ނިސްބަތްވާ ފްރެންޗައިޒް 10 ޓީމެއް މި އަހަރުގެ މުބާރާތުގައި ފެނިގެން ދާއިރު، 20 އޯވަރު އުސޫލުން ޖުމްލަ 74 މެޗު އެ މުބާރާތުގައި ކުޅޭނެ އެވެ.

މި މުބާރާތުގައި އިންޑިއާއަށް އުފަން އަދި އެހެން ގައުމުތަކުގެ ގިނަ ޒުވާން ކުޅުންތެރިންތަކަކަށް ވެސް ވަނީ ފުރުސަތު ދީފަ އެވެ.

ފާހަގަކޮށްލެވޭ ކަމެއް - މީޑިއާނެޓުން އަންނަނީ ދުނިޔޭގެ އެކި ކަންކޮޅުތަކުގައި ކުރިއަށްދާ ފޯރިގަދަ ކުޅިވަރު މުބާރާތްތައް ދިވެހިންނާ ހަމައަށް ގެނެސްދިނުމަށް މަސައްކަތް ކުރަމުންނެވެ.

މިއީ ދުނިޔޭގެ ކްރިކެޓް މުބާރާތެއް މީޑިއާނެޓުގެ އައިސް ނެޓްވޯކް މެދުވެރިކޮށް ގެނެސްދޭ ފުރަތަމަ ފަހަރެވެ. އައިޕީއެލްގެ ހުރިހާ މެޗެއް ވަގުތުން އައިސް އެކްސްޓްރާ ޗެނަލް މެދުވެރިކޮށް ދައްކާއިރު، މިއީ ދިވެހި ޗެނަލަކުން ދުނިޔޭގެ މަގްބޫލު ކްރިކެޓް މުބާރާތެއް ގެނެސްދޭ ފުރަތަމަ ފަހަރެވެ.