އެމްއޭސީއެލްގެ މުވައްޒަފުން ކެންސަރަށް ސްކްރީން ކޮށްފި

މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް)ގެ މުވައްޒަފުން ކެންސަރަށް ސްކްރީން ކުރުމަށް ޕްރޮގްރާމެއް ކުރިއަށް ގެންގޮސްފި އެވެ.

ވީ ކިހިނެއް؟ - ސޮސައިޓީ ފޯ ހެލްތު އެޑިއުކޭޝަން (ޝީ) އަދި ކެންސާ ސޮސައިޓީ އާ ގުޅިގެން ކުރިއަށް ގެންދިޔަ އެ ޕްރޮގްރާމުގައި އެމްއޭސީއެލްގެ މުވައްޒަފުން ވަނީ އަނގައިގެ ކެންސަރާއި އުރަމަތީގެ ކެންސަރަށް ސްކްރީނުކޮށްފަ އެވެ. އަދި ކެންސަރާ ބެހޭ މައުލޫމާތު ދީ ބައްޔާމެދު ހޭލުންތެރި ކުރުމަށް މައުލޫމާތު ހިއްސާކޮށްފައިވެ އެވެ.

ތަފްސީލް - އެމްއޭސީއެލްގެ އޮކިޔުޕޭޝަނަލް ސޭފްޓީ އެންޑް ހެލްތު މެނޭޖުމެންޓު ސެކްޝަނުން އިންތިޒާމު ކުރި މި ހަރަކާތަކީ ކުންފުނީގެ މުވައްޒަފުންގެ މެދުގައި ސިއްހީ ދުޅަހެޔޮކަމާމެދު ހޭލުންތެރިކަން އިތުރުކޮށް ދުޅަހެޔޮކަން މަތީ ދެމިތިބުމަށް ބާރުއެޅުމެވެ.