އަންހެނުން ކޮމިޓީގެ ބައި-އިލެކްޝަންތައް އަހަރަކު އެއްފަހަރު ބާއްވާ ގޮތަށް އިސްލާހުކުރަނީ

އަންހެނުންގެ ތަރައްގީއަށް މަސައްކަތް ކުރާ ކޮމިޓީ (ޑަބްލިއުޑީސީ)ގެ ބައި-އިލެކްޝަންތައް އަހަރަކު އެއްފަހަރު ބާއްވާގޮތަށް ހަދައި، ކޯރަމް ގެއްލޭ ހާލަތުގައި ދެ މަސް ދުވަސް ތެރޭ އިންތިހާބު ބާއްވާ ގޮތަށް ލާމަރުކަޒީ ގާނޫނަށް އެމްޑީޕީގެ ފަރާތުން އިސްލާހު ހުށަހަޅައިފި އެވެ. ޑަބްލިޔުޑީސީގެ ބައި-އިލެކްޝަންތައް ބޭއްވުމުގެ ބާރު އެ ކޮމިޓީއެއް ނިސްބަތްވާ އަތޮޅު ކައުންސިލަކަށް ދިނުމަށް ވެސް އެ އިސްލާހުގައި ވަނީ ހިމަނައިފަ އެވެ.

ފެށުން - އަންހެނުންގެ ކޮމިޓީތަކުގެ މެންބަރުކަމުގެ މަގާމެއް ހުސްވުމާ އެކު، ކޮންމެ ފަހަރަކު އެ މަގާމަށް މީހަކު އިންތިހާބު ކުރުމަށް ބައި-އިލެކްޝަންތައް ވަރަށް ގިނައިން ބާއްވަން ޖެހި، ކުރަން ޖެހޭ ހަރަދު ބޮޑުވުމުގެ ޝަކުވާ އިލެކްޝަންސް ކޮމިޝަން (އީސީ) އިން މީގެ ކުރިން ރައްޔިތުންގެ މަޖިލީހުގައި ވަނީ ކޮށްފަ އެވެ.

ވީ ކިހިނެއް؟ - މި މައްސަލައަށް ހައްލެއް ގެނައުމަށް ލާމަރުކަޒީ ގާނޫނަށް އިސްލާހު ގެނައުމުގެ ބިލެއް މަޖިލީހަށް ހުށަހެޅުއްވީ އައްޑޫ މީދޫ ދާއިރާގެ އެމްޑީޕީ މެންބަރު ރޮޒައިނާ އާދަމް އެވެ. ބިލުގެ ފުރަތަމަ ކިޔުން މަޖިލީހުގެ މިއަދުގެ ޖަލްސާގައި ވަނީ އިއްވާފަ އެވެ. 

ތަފްސީލު - އެމްޑީޕީގެ އަންހެނުންގެ ކޮމިޓީގެ ރައީސްކަން ވެސް ކުރައްވާ ރޮޒައިނާ މައިގަނޑު ހަ އިސްލާހެއް ލާމަރުކަޒީ ގާނޫނަށް ހުށަހަޅުއްވާފައިވެ އެވެ. ބޮޑު އިސްލާހަކަށް އޮތީ ކޮމިޓީތަކުގެ ބައި-އިލެކްޝަންތައް މަދުކުރުމުގެ އިސްލާހެވެ.

އިސްލާހުގައި ބުނެފައި ވަނީ އަންހެނުންގެ ކޮމިޓީތަކުގެ ކޯރަމް ނުގެއްލޭހާ ހިނދަކު، އެ ކޮމިޓީއެއްގެ ބައި-އިލެކްޝަން ބާއްވަންވާނީ ކޮންމެ އަހަރަކު އެއް ފަހަރު ކަމަށެވެ. އެހެން ކަމުން، މި އިސްލާހު ފާސްވެއްޖެ ނަމަ ކޯރަމް ނުގެއްލޭ ހާލަތުގައި މިހާރު މި ބާއްވާ ގޮތަށް ވަގުތުން އިންތިހާބު ބާއްވަން ލާޒިމެއް ނުވާނެ އެވެ. އެގޮތުން:

މި މައްސަލަ ދިރާސާ ކުރި މަޖިލީހުގެ މިނިވަން މުއައްސަސާތަކުގެ ކޮމިޓީގައި އެލްޖީއޭގެ ސީއީއޯ އަފްޝަން ލަތީފް ވަނީ މި އިންތިހާބު އިސީން ބާއްވަން ޖެހި ހަރަދު ބޮޑުވާ މައްސަލައަށް ހައްލު ހޯދުމަށްޓަކައި، އެ ކޮމިޓީއެއް ނިސްބަތްވާ އަތޮޅު ކައުންސިލުން އިންތިހާބު ބޭއްވުމަށް ހުށަހަޅުއްވައިފަ އެވެ. އެ ހުށަހެޅުމަށް އީސީއިން ވެސް ތާއީދުކޮށްފައިވެ އެވެ.

މިނިވަން މުއައްސަސާތަކުގެ ކޮމިޓީގެ މުގަރިރުކަން ވެސް ކުރައްވާ ރޮޒައިނާގެ އިސްލާހުގައި ވަނީ، އަންހެނުންގެ ކޮމިޓީތަކުގެ ބައި-އިލެކްޝަން ބޭއްވުމުގެ ބާރު އަތޮޅު ކައުންސިލަށް ދީފަ އެވެ. އިސްލާހުގައި ބުނެފައިވަނީ، މިފަދަ ބައި-އިލެކްޝަންތަކާ ގުޅޭ ކަންކަން ކުރާނީ އީސީގެ އިރުޝާދުގެ ދަށުން، އެ ކޮމިޓީއެއް ނިސްބަތްވާ އަތޮޅު ކައުންސިލަކުން ކަމަށެވެ. 

އަދި ލާމަރުކަޒީ ގާނޫނުގެ އަށްވަނަ މާއްދާގައި ބަޔާންކޮށްފައިވާ އަތޮޅު ކައުންސިލްތަކުގެ މަސްއޫލިއްޔަތާއި ބާރުތަކުގެ ތެރެއަށް މިފަދަ ބައި-އިލެކްޝަން ބޭއްވުމުގެ ޒިންމާ ވަނީ ހިމަނައިފަ އެވެ. 

ފަސްމަންޒަރު - އަންހެނުންގެ ކޮމިޓީތަކުގެ ބައި-އިލެކްޝަންތައް ބާއްވަން މި އަހަރުގެ މިހާތަނަށް އީސީން ވަނީ 1.4 މިލިއަން ރުފިޔާ ހޭދަކޮށްފަ އެވެ. ދައުލަތުގެ ބަޖެޓުން، އިންތިހާބުތައް ބާއްވަން އެ ކޮމިޝަނަށް ދީފައިވަނީ، 1.5 މިލިއަން ރުފިޔާ އެވެ. މިހާރު ވެސް ފަސް ބައި-އިލެކްޝަނެއް ބޭއްވުމަށް ދަނީ ތައްޔާރުވަމުންނެވެ. 

އީސީން މަޖިލީހުގައި ކުރިން ބުނެފައިވާ ގޮތުގައި:

އެނގުން މުހިއްމު - ރޮޒައިނާގެ ބިލުގައި އިތުރު ބައެއް ކަންކަން ވެސް ހިމަނާފައިވެ އެވެ. އޭގެ ތެރޭގައި: