ގަލޮޅު ސްކޫލުގެ 'ޖިންސީ ގޯނާ'ގެ މައްސަލައިގައި ދައުވާ ނުކުރުން މުރާޖައާކޮށްދޭން ކުއްޖާގެ މައިންބަފައިން އެދިއްޖެ

އެ މައްސަލައިގައި ތުހުމަތު ކުރެވުނު 63 އަހަރުގެ އަންހެން މީހާ ހައްޔަރުކުރީ ނޮވެމްބަރު 1ގައި

ނަމަވެސް، އެ މީހާ ބަންދުގައި ބަހައްޓަން ނުފެންނަ ކަމަށް، ޕްރޮސެކިއުޓާ ޖެނެރަލް (ޕީޖީ) އޮފީހުން ލަފާ ދިނުމުން، އޭގެ އަނެއް ދުވަހު އޭނާ ދޫކޮށްލި

އެކަމާ ގުޅިގެން ޓީޗަރަކާއި އެ ސްކޫލްގެ ހުރިހާ މަސައްކަތު މުވައްޒަފުން ސަސްޕެންޑް ވެސް ކުރި

މައްސަލަ ފައިލްކުރިކަން ގަލޮޅު ސްކޫލަށް އެޑިއުކޭޝަން މިނިސްޓްރީން އެންގީ މި މަހުގެ 8 ގައި

ފައިލްކުރީ މައްސަލައިގައި ތުހުމަތު ކުރެވުނު މީހާގެ މައްޗަށް ދައުވާ ނުކުރަން ނިންމާފައިވާތީ އާއި ތަހުގީގުން އޭނާއާ މެދު އެއްވެސް ކަމެއް ފާހަގަކުރެވިފައި ނުވާތީ ކަމަށް މިނިސްޓްރީން އަންގާފައިވާ ކަމަށް ބުނެ ސްކޫލުން މެއި 12ގައި ބަޔާނެއް ނެރުނު

މައްސަލަ ރިޕޯޓުކުރުމުން އެކަށީގެންވާ އަވަސް މިނެއްގައި ސްކޫލުން އެއްވެސް ފިޔަވަޅެއް އެޅިކަން އެނގެން ނެތް ކަމަށް

ފިޔަވަޅު އެޅީ އާއްމުންނާއި މީޑީއާ އިން ކަންބޮޑުވުން ފާޅުކުރަން ފެށުމުން ކަމަށް

މި ހާދިސާއާ ގުޅޭ ހުރިހާ މަރުހަލާއެއްގައި ސްކޫލުން މަސައްކަތް ކުރީ ކަމުގެ ފުރިހަމަ މައުލޫމާތު ހާމަނުކުރަންްކަން ބަޔާނުން އެނގޭ ކަމަށް

ސްކޫލުގެ ފަރާތުން އެއްވެސް އެއްބާރުލުމެއް ނުލިބޭ ކަމަށް؛ މިއަދާ ހަމައަށް ވެސް ބައްދަލުކޮށް އެއްވެސް މައުލޫމާތެއް ހިއްސާ ނުކުރާ ކަމަށް

އެއްވެސް އިދާރާއަކުން، ތުހުމަތު ކުރެވުނު މުވައްޒަފާއި ސްކޫލާ މެދު ކަންބޮޑުވުމެއް ނެތް ކަމަށް އަންގާފައި ނުވާ ކަމަށް

މިހާތަނަށް ޖިނާއީ ދައުވާ ކުރެވޭ ވަރަށް ހެކި ހޯދިފައިނުވުމަކީ އެއްވެސް މުވައްޒަފެއްގެ އިހުމާލެއް ނެތްކަން ދަލީލުކޮށްދޭ ކަމެއް ނޫން ކަމަށް

ދައުވާ ނުކުރުމަށް ނިންމީ ކީއްވެގެންކަން އަންގާފައި ނުވާ ކަމަށް؛ ކުއްޖާގެ މައިންފައިން ވަނީ އެ މައްސަލަ ރިވިއުކޮށްދޭން ޕީޖީގައި އެދިފައި