ޓްރީ ޓޮޕް ހޮސްޕިޓަލުގައި ޑރ. ދަރްޝަންއާ އެކު ކުޑަކަމުދާ ނިޒާމުގެ ފަހުގެ ފަރުވާތައް

ކިޑްނީގައި ހިލަ އުފެދުމާއި ޕްރޮސްޓޭޓް ދުޅަވުމާއި ކުޑަކަމުދާ ނިޒާމުގެ މައްސަލަތަކުގެ އިތުރުން ފިރިހެނުންގެ ދަރިމައިވުމާ ގުޅުންހުރި ސިއްހީ މައްސަލަތަކަކީ އާންމު ދިރިއުޅުމަށް ބޮޑެތި ހުރަސްތަކެއް ކުރިމަތިކުރުވާ ކަންކަމެވެ. ގިނަ ފަހަރަށް ލަދުގަތުމުގެ ސަބަބުން ނުވަތަ އަމިއްލައަށް ރަނގަޅުވެދާނެ ކަމަށް ބަލައި ފަރުވާ ހޯދުން ލަސްކުރެވުނު ނަމަވެސް، ކުރިއާލާ މިފަދަ ބަލިތަކަށް ހާއްސަ ޑޮކްޓަރަކަށް ދެއްކުމަކީ ބަލި ބޮޑުވިޔަނުދީ ހިފެހެއްޓުމަށާއި އަވަސް ޝިފާއެއް ހޯދުމަށް އެޅޭ މުހިންމު ފިޔަވަޅެކެވެ.

މިގޮތުން، މި މަހުގެ 12 އިން 17އަށް ޓްރީ ޓޮޕް ހޮސްޕިޓަލަށް ޒިޔާރަތްކުރައްވާ ޔޫރޮލޮޖީގެ ތަޖުރިބާކާރު ޑރ. ދަރްޝަން ހަރެންދުރަކުމާރު ޝާހަށް ދެއްކުމުގެ ފުރުސަތު މިހާރު ވަނީ ހުޅުވާލާފަ އެވެ.

ޑރ. ދަރްޝަންއަކީ ޔޫރޮލޮޖީ ދާއިރާއިން 10 އަހަރަށް ވުރެ ގިނަ ދުވަހުގެ ތަޖުރިބާ ލިބިވަޑައިގެންފައިވާ ބޭފުޅެކެވެ. ޑރ. ދަރްޝަން ތައުލީމާއި ތަމްރީނު ހާސިލުކުރެއްވީ އިންޑިއާގެ ޔޫރޮލޮޖީ ދާއިރާގެ އެންމެ ކުރިއަރާފައިވާ އެއް މަރުކަޒު ކަމަށްވާ މުލްޖީބާއީ ޕަޓޭލް ޔޫރޮލޮޖީ ހޮސްޕިޓަލް (އެމްޕީޔޫއެޗު)ންނެވެ. އިންޑިއާގެ ނޭޝަނަލް ބޯޑް އޮފް އެގްޒަމިނޭޝަންސް އިން ޔޫރޮލޮޖީގެ ޑީއާރުއެންބީ ހާސިލުކުރައްވާފައިވާ ޑރ. ދަރްޝަން ވަނީ ގުޖުރާތުގެ ބޮޑެތި ހޮސްޕިޓަލްތަކެއްގައި ކޮންސަލްޓަންޓް ޔޫރޮލޮޖިސްޓެއްގެ ގޮތުގަ އާއި ގުނަވަން ބަދަލުކުރުމުގެ އޮޕަރޭޝަންތަކަށް ހާއްސަ ސާޖަނެއްގެ ގޮތުގައި މަސައްކަތް ކުރައްވާފަ އެވެ.

ޑރ. ދަރްޝަންގެ ހާއްސަ ދާއިރާތަކުގެ ތެރޭގައި ކިޑްނީ ހިލައިގެ ބަލިތަކާއި ޕްރޮސްޓޭޓްގެ މައްސަލަތަކާއި ކުޑަކަމުދާ ނިޒާމުގެ ބަލިތަކުގެ އިތުރުން ފިރިހެނުންގެ ދަރިމައިވުމާ ގުޅޭ އެންޑްރޮލޮޖީގެ ފަރުވާތައް ހިމެނެ އެވެ. މީގެ އިތުރުން، ބޮޑު އޮޕަރޭޝަނަކާ ނުލާ ފަރުވާދޭ އެންމެ ފަހުގެ އުކުޅުތައް ކަމަށްވާ ރެޓްރޯގްރޭޑް އިންޓްރަރީނަލް ސާޖަރީ (އާރުއައިއާރުއެސް) އާއި އެންޑޯޔޫރޮލޮޖީގެ ފަރުވާތަކަށް ޑރ. ދަރްޝަން ހާއްސަ އިސްކަމެއް ދެއްވަ އެވެ.

ޔޫރޮލޮޖީ ދާއިރާއަށް އައިސްފައިވާ ޒަމާނީ ކުރިއެރުންތަކާ އެކު، މިހާރު ގިނަ ބަލިތަކަށް ފަރުވާ ދެވެނީ ހަށިގަނޑުން ބޮޑު ތަނެއް ކަފާނުލާ ކުރެވޭ 'މިނިމަލީ އިންވޭސިވް' އޮޕަރޭޝަންތަކުގެ އެހީގަ އެވެ. މީގެ ސަބަބުން ތަދު ކުޑަވެ، ހޮސްޕިޓަލުގައި މަޑުކުރަންޖެހޭ މުއްދަތު ކުރުވެ، އަވަހަށް ބަލިން ފަސޭހަވުމަށް މަގުފަހިވެގެންދެ އެވެ.

ޑރ. ދަރްޝަން ފާހަގަކުރައްވާ ގޮތުގައި، ކުޑަކަމުދާއިރު އުނދަގޫވުން، ތަކުރާރުކޮށް ކިޑްނީގައި ހިލަ އުފެދުން، ކުޑަކަމުދާ ތަކެތީގައި ލޭގެ އަސަރު ހުރުން ނުވަތަ ފިރިހެނުންގެ ދަރިމައިވުމާ ގުޅޭ މައްސަލަތައް ކުރިމަތިވާ ނަމަ، ލަސްނުކޮށް ލަފާ ހޯދުމަކީ މުހިންމު ކަމެކެވެ. މިގޮތަށް އަވަހަށް ފަރުވާ ފެށުމުން ނަތީޖާ މާ ބޮޑަށް ވެސް ރަނގަޅު ވެގެންދެ އެވެ.

މި ދަތުރުގައި ޑރ. ދަރްޝަން މަސައްކަތް ކުރައްވާނީ ޓްރީ ޓޮޕް ހޮސްޕިޓަލުގެ ތަޖުރިބާކާރު ޓީމާ ގުޅިގެންނެވެ. މީގެ ސަބަބުން ބައިނަލްއަގުވާމީ ފެންވަރުގެ ތަޖުރިބާ އާއި އެންމެ ފަހުގެ ޓެކްނޮލޮޖީ ބޭނުންކޮށްގެން ބަލިމީހުންނަށް ފުރިހަމަ އަދި އިތުބާރު ހުރި ހިދުމަތެއް ފޯރުކޮށްދެވޭނެ އެވެ.

ރާއްޖޭގައި ޔޫރޮލޮޖީގެ ދާއިރާއަށް އޮންނަ ހޭލުންތެރިކަން އިތުރުވަމުން އަންނައިރު، ޑރ. ދަރްޝަން ފަދަ ތަޖުރިބާކާރު ޑޮކްޓަރުންގެ ހިދުމަތް ލިބުމަކީ ބަލިމީހުން ރާއްޖޭން ބޭރަށް ނުގޮސް، އާއިލާއާ ގާތުގައި ތިބެގެން ފެންވަރު ރަނގަޅު ފަރުވާ ހޯދުމަށް ލިބޭ ބޮޑު ލުޔެކެވެ.

ޑރ. ދަރްޝަން ހަރެންދްރަކުމާރް ޝާހް ޓްރީ ޓޮޕް ހޮސްޕިޓަލުގައި ބަލިމީހުން ބައްލަވާނީ މި މަހުގެ 12 އިން 17 އަށެވެ. ޑޮކްޓަރަށް ދެއްކުމުގެ މުއްދަތު ކުރުވުމާ އެކު، ވީހާ ވެސް އަވަހަކަށް އެޕޮއިންޓްމަންޓް ހެދުމަށް ހޮސްޕިޓަލުން އެދެ އެވެ.