އާޔަތުﷲގެ ޖަނާޒާގައި ބައިވެރިނުވެވުނީ ކުއްލިއަކަށް ޕްރޮޓޮކޯލް ބަދަލުކުރުމުން: ދިވެހި ސަރުކާރު

އީރާނުގެ ރޫހާނީ ލީޑަރު އާޔަތުﷲ އަލީ ހާމަނާއީގެ ޖަނާޒާގައި ދިވެހި ސަރުކާރުގެ މަންދޫބަކަށް ބައިވެރިނުވެވުނީ ކުއްލި ގޮތަކަށް ޕްރޮޓޮކޯލަށް ގެނައި ބަދަލެއްގެ ސަބަބުން ކަމަށް ބުނެ ދިވެހި ސަރުކާރުން މިއަދު ބަޔާނެއް ނެރެފި އެވެ.

ވީކިިހިނެއް؟ - އާޔަތުﷲގެ ރަސްމީ ޖަނާޒާ ބޭއްވީ މިދިޔަ ހުކުރު ދުވަހުގަ އެވެ. އަދި ޖަނާޒާގެ ރަސްމިއްޔާތުތައް މިދިޔަ ހޮނިހިރު ދުވަހު ފެށީ ހަފުތާއެއްގެ މުއްދަތަކަށް ކުރިއަށް ގެންދާ ގޮތަށެވެ. ނަމަވެސް މިހާތަނަށް ވެސް ދިވެހި ސަރުކާރުގެ މަންދޫބަކު ގޮސްފައިނުވާތީ ގިނަ ބަޔަކު އަންނަނީ އެކަމާ މެދު ސުވާލު އުފައްދަމުންނެވެ.

ތަފްސީލް - ފޮރިން މިނިސްޓްރީން މިއަދު ނެރުނު ބަޔާނުގައި ބުނީ އާޔަތުﷲގެ ޖަނާޒާގައި ބައިވެރިވުމުގެ ދައުވަތު ދިވެހި ސަރުކާރަށް އިރާނުގެ ސަރުކާރުން ފޮނުވާފައިވާ ކަމަށެވެ. ޖަނާޒާގައި ބައިވެރިވާނެ ސަރުކާރުގެ މަންދޫބަކަށް ރާއްޖޭން ސައުދީ އަރަބިއްޔާ އާއި އޯގަނައިޒޭޝަން އިސްލާމިކް ކޯޕަރޭޝަން (އޯއައިސީ)އަށް ކަނޑައަޅާފައި ހުންނަވާ ސަފީރު އަހުމަދު ސަރީރު ވެސް ހަމަޖެއްސި ކަމަށް އެ ބަޔާނުގައިވެ އެވެ.

ނަމަވެސް އޭގެ ފަހުގައި ކަން ހިނގި ގޮތް ކަމަށް ބަޔާނުގައި ފާހަގަކޮށްފައިވަނީ:

ފަސްފަހަތް - އީރާނުގައި 37 އަހަރު ވަންދެން ވެރިކަން ކުރެއްވި ހާމަނާއީ އަވަހާރަވީ މިދިޔަ ފެބްރުއަރީގައި އެމެރިކާ އާއި އިޒްރޭލުން ދިން ވައިގެ ހަމަލާތަކެއްގަ އެވެ. އޭނާގެ ހަށިގަނޑާއި އެ ހަމަލާގައި މަރުވި އޭނާގެ އާއިލާގެ ބައެއް މެންބަރުންގެ ހަށިގަނޑުތައް ބަހައްޓާފައިވަނީ އާޔަތުﷲ ރޫހުﷲ ހުމައިނީއަށް ނިސްބަތްކޮށް ހަދާފައިވާ ނަމާދުކުރާ ހޯލެއްގަ އެވެ.