ވައިޑް ބޮޑީ އޮޕަރޭޝަނަކީ ބޮޑު އިންވެސްޓްމަންޓެއް؛ ބަޖެޓު ސަޕޯޓު ދިނުމަކީ މައްސަލައެއް ނޫން: އަމީން

ގައުމީ އެއާލައިން، މޯލްޑިވިއަންގެ ވައިޑް ބޮޑީ އޮޕަރޭޝަން ފަދަ ބޮޑެތި އިންވެސްޓްމަންޓްތަކަށް ދައުލަތުގެ ބަޖެޓުން ފައިސާ ހަރަދުކުރުމަކީ މައްސަލައެއް ނޫން ކަމަށާއި އެއީ އެހެން ގައުމުތަކުގައި ވެސް އެކަން ކުރާ ގޮތް ކަމަށް ޓޫރިޒަމް އެންޑް ސިވިލް އޭވިއޭޝަން މިނިސްޓަރު މުހައްމަދު އަމީން މިއަދު ވިދާޅުވެއްޖެ އެވެ.

އެނގުން މުހިންމު - މޯލްޑިވިއަނުން ވައިޑް ބޮޑީ މަތިންދާބޯޓެއް ގެނެސް އޭގެ ހިދުމަތް ރަސްމީކޮށް ފެށީ 6 ޖެނުއަރީ 2025ގަ އެވެ.

ވީ ކިހިނެއް؟ - އަމީން މިއަދު މަޖިލީހަށް ހާޒިރުކުރީ ގަލޮޅު އުތުރު ދާއިރާގެ މެމްބަރު މުހައްމަދު އިބްރާހިމްގެ ސުވާލަކަށް ޖަވާބު ދެއްވުމަށެވެ. މެމްބަރު ސުވާލުކުރެއްވީ މޯލްޑިވިއަންގެ ވައިޑް ބޮޑީ އޮޕަރޭޝަންސްއާ ގުޅުވައިގެންނެވެ.

މެމްބަރު މުހައްމަދު އިބްރާހިމްގެ އެއް ސުވާލަކީ އައިލެންޑް އޭވިއޭޝަން ކުރިން 'ސެލްފް ސަސްޓެއިނިން' ކުންފުންޏެއްގެ ގޮތުގައި އޮވެފައި މިދިޔަ އަހަރުގެ ތިން ވަނަ ކުއާޓަރުން ފެށިގެން ބަޖެޓް ސަޕޯޓު ކުންފުންޏަކަށް ވީ ވައިޑް ބޮޑީ އޮޕަރޭޝަންސްގެ ސަބަބުންތޯ އެވެ.

ބުނީ ކީކޭ؟ - އައިލެންޑް އޭވިއޭޝަނަކީ އަމިއްލައަށް ޒިންމާވާން ޖެހޭ ކުންފުންޏަކަށް ވާތީ، އެ ސުވާލަށް ސީދާ ޖަވާބެއް ދެއްވަން އަމީން އިންކާރު ކުރެއްވި އެވެ. އެހެން ނަމަވެސް އިތުރު ކަމެއްގެ ގޮތުގައި އަމީން ވިދާޅުވީ ސީދާ ވައިޑް ބޮޑީ އޮޕަރޭޝަނާ ގުޅުވައިގެން ބަޖެޓުން ސަޕޯޓު ދިނުމަކީ މައްސަލައެއް ނޫން ކަމަށެވެ.

"މިފަދަ ބޮޑެތި އިންވެސްޓްމަންޓްތަކަށް ބަޖެޓު ސަޕޯޓު ބޭނުންވާނެ. އެއީ ހަމައެކަނި ރާއްޖޭގައި އޮންނަ އުސޫލެއް ނޫން، އެހެން ގައުމުތަކުގައި ވެސް [ފެންނާނެ މީޑިއާއިން، އިންޑިއާގެ ބޮޑެތި އެއާލައިންތަކަށް ވެސް ވަރަށް ބޮޑެތި ސަޕޯޓު ދޭ]،" އަމީން ވިދާޅުވި އެވެ.

މިނިސްޓަރު ވިދާޅުވި ގޮތުގައި، މިފަދަ ކެޕިޓަލް އިންވެސްޓްމަންޓައް ގެނައުމަށްޓަކައި ބަޖެޓުން ސަޕޯޓު ދިނުމުގެ މާނައަކީ ކުންފުނީގެ މާލިއްޔަތަށް ޖުމްލަކޮށް ގެއްލުންވަމުން ދިއުމެއް ނޫން ކަމަށެވެ. އަދި ބަލަންޖެހޭ އެންމެ މުހިންމު ކަމަކީ، އަމީން ވިދާޅުވި ގޮތުގައި އިކޮނޮމިކް ކޮންޓްރިބިއުޝަން އެވެ.

"ގައުމީ އެއާލައިންގެ ސަބަބުން އަންނަ ޓޫރިޒަމްއާއި ރައްޔިތުންގެ ދަތުރުފަތުރުތަކަށް ލިބޭ ލުއިފަސޭހައިގެ ތެރެއިން މި އަންނަ އިކޮނޮމިކް ކޮންޓްރިބިއުޝަންއަކީ އެންމެ މުހިންމު، ގައުމެއްގެ ހައިސިއްޔަތުން ބަލަން ޖެހޭނެ އެންމެ މުހިންމު ކަންތައްތަކަކީ،" އަމީން ވިދާޅުވި އެވެ.

ތަފްސީލު - މެމްބަރުގެ ސުވާލުގެ ފުރަތަމަ ބައިތަކަށް ޖަވާބު ދެއްވަމުން އަމީން ވަނީ ވައިޑް ބޮޑީ އޮޕަރޭޝަންސްގެ ކުރިއެރުންތައް ތަފާސްހިސާބުތަކުން ހިއްސާކުރައްވާފަ އެވެ.

އެގޮތުން އަމީން ވިދާޅުވީ އެ އޮޕަރޭޝަންސް ފަށައިގެން މިވީ 16 މަސްދުވަހުގެ ތެރޭގައި ޖުމްލަ 67،000 މީހުން އެ މަތިންދާބޯޓުތަކުން ދަތުރުކޮށްފައިވާ ކަމަށެވެ.

އޭގެ ތެރޭގައި ހިމެނެނީ 55،000 ފަތުރުވެރިންނާއި ހައްޖާއި އުމްރާ ދަތުރުތަކަށް ކުރި ޗާޓަރު ދަތުރުގައި ދިޔަ ދިވެހިންނެވެ.

ވައިޑްބޮޑީ އެއާކްރާފްޓުތަކުން ދަތުރުކުރާ މަންޒިލްތަކުގެ ތަފްސީލު ހިއްސާކުރައްވަމުން އަމީން ވިދާޅުވީ: