މޭރީ މަރާލިކަން މާވިންގެ މައްޗަށް ސާބިތުވެއްޖެ؛ މަރާލީ ލަމްހާ އާއި މާވިންގެ ކައިވެންޏަށް ހުރަކަށްވާތީ

މާވިންގެ މައްޗަށް ކުރަނީ އެނގި ހުރެ މީހަކު މެރުމުގެ ދައުވާ

ލަމްހާގެ މައްޗަށް ކުރަނީ އެނގި ހުރެ މީހަކު މެރުމުގައި ބައިވެރިވުމުގެ ދައުވާ އާއި އެހެން މީހެއްގެ މުދަލެއްގެ މައްޗަށް ހުއްދަ ނޫން ގޮތެއްގައި ބާރު ހިންގުމުގެ ކުށުގެ ދައުވާ 

މި ދެ މީހުން ވެސް ދައުވާތަކަށް އިންކާރުކުރޭ

އެ މައްސަލައިގެ ހަދިސާ ރިޕޯޓު އަދި މެޑިކަލް ރިޕޯޓުތަކުން މޭރީ މަރާލާފައިވާކަން ސާބިތުވޭ

އެހެންކަމުން، އޭނާ މަރުވީ އަމިއްލައަށް ކަމަށް މާވިން ދައްކާފައިވާ ވާހަކަތަކަކީ އެ އަމަލު ފޮރުވަން ދައްކާފައިވާ ރޯބުހުތާނު ދޮގެއްކަން ސާބިތުވޭ

ޕޯސްޓްޕޯޓަމް ރިޕޯޓުން މޭރީގެ ކަރުގެ އެތެރޭގެ ކަށިކޮޅެއް ބިންދައިގެން ގޮސްފައިވާކަން ފެނޭ؛ އެއީ ކަރަށް ފިތިގެން ލިބޭނެ އަނިޔާއެއް ކަމަށް ޕޯސްޓްމޯޓަމް ހެދި ޑޮކްޓަރު ބުނެފައިވޭ

މޭރީގެ ނިތްކުރި މަތިން އަދި ވައަތް ފަރާތުންނާއި ބޮލުގަޔާއި ކަންފަތުން ވެސް އަނިޔާތަކެއް ފެނިފައިވޭ؛ މާވިންގެ ހަށިގަނޑުން ވަކީގެ ނިޝާންތައް ފެނިފައިވޭ

އެހެންކަމުން، ޕޯސްޕޯޓަމް ރިޕޯޓުންނާއި ދެން ހުރި ހެކިތަކުން މޭރީ މަރުވެފައިވަނީ އަމިއްލައަށް ދަންޖެހިގެން ނޫންކަން ސާބިތުވޭ؛ ހެކިތަކަށް ބަލާއިރު މޭރީ މަރުވީ މާވިންގެ އަމަލުތަކުން ކަން ސާބިތުވޭ

ލަމްހާ އަދި މާވިންގެ ދެެމެދުގައި ކައިވެނީގެ ބޭރުން ގުޅުމެއް އޮތް ކަމާއި އެ ދެ މީހުން ކައިވެނިކުރަން ބޭނުންވާ ކަމާއި އެކަމަށް އޮތް ހުރަހަކީ މާވިންކަން އެނގޭ؛ ޕިލިޕީސްގައި ކައިވެނިކޮށްގެން ހުރެ އިތުުރު ކައިވެންޏެއް ނުކުރެވޭތީ އެ ވާހަކަ ދައްކާފައިވާކަން އެ ދެ މީހުންގެ ޗެޓުތަކުން އެނގޭ

މާވިން ވަނީ ޗޮކްހޯލްޑް ޕޮޒިޝަންގައި ބަހައްޓާނެ ގޮތުގެ ފޮޓޯތަކެއް ސާޗުކޮށްފައި؛ މޭރީގެ ކަރުން ފެނުނު ޒަހަމުތައް ވައްތަރުވަނީ ނޭވާ ހާސްކޮށްލަން މީހަކު އުޅުމުން ލިބޭނެ ފަދަ ޒަހަމުތަކަކާ

19 އޮކްޓޫބަރު 2021 ވަނަ ދުވަހުގެ މެންދުރު 12 އާއި 12:49އާ ދެމެދުގެ ވަގުތެއްގައި، އުދުހޭކޮކާގޭގެ ފުރަތަމަ ފަންގިފިލާގެ ތެރޭގައި މޭރީ މަރާލުމުގައި ލަމްހާ އެހީތެރިވެދީފައިވޭ 

މޭރީ މަރާލުމަށް ރޭވި ރޭވުމުގައި ބައިވެރިވެ، މޭރީ މަރާލުމުގެ އަމަލު ހިންގުމަށް މާވިންއަށް މަގުފަހިކޮށްދީފައިވޭ 

ދައުވާތައް ސާބިތުވެއްޖެ ނަމަ ދެ މީހުންނަށް ވެސް މަދުވެގެން 10 އަަހަރުގެ ޖަލު ހުކުމެއް އަންނާނެ