ޕީއެންސީގެ ކޮންގްރެސް ސެޕްޓެމްބަރު މަހު ބާއްވަނީ

ވެރިކަންކުރާ ޕީއެންސީގެ ކޮންގްރެސް ސެޕްޓެމްބަރު މަހު ބޭއްވުމަށް ނިންމައިފި އެވެ.

ވީކިހިނެއް؟ - ކުރިން ޕީއެންސީގެ ކޮންގްރެސް ބާއްވަން ނިންމާފައި އޮތީ އަންނަ އޮކްޓޯބަރުގަ އެވެ. އެ ތާރީހު އަވަސްކުރުމަށް އެ ޕާޓީގެ ސެނެޓުން ނިންމައި، ޓައިމްލައިން ހިމެނޭ ގޮތަށް ކޮންގްރެސްގެ ކަންކަން ރޭވުމަށް ވަކި ކޮމިޓީއެއް ވެސް ނެގި އެވެ.

ތަފްސީލް - ޕީއެންސީގެ ލީޑާޝިޕުން މިއަދު ބޭއްވި ނޫސްވެރިންގެ ބައްދަލުވުމުގައި އެ ޕާޓީގެ ޗެއާޕާސަން އަދި ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ ވިދާޅުވި ގޮތުގައި ކޮންގްރެސް ކުރިއަށް ދާނީ 15 އިން 18 ސެޕްޓެމްބަރަށެވެ.

ކޮންގްރެސްގެ ކުރިން ދާއިރާތަކުގެ އިސް މަގާމުތަކަށް މީހުން އިންތިހާބުކޮށް ނިންމަން ޖެހޭ ކަމަށް ވެސް އަބްދުއްރަހީމް ވިދާޅުވި އެވެ. އެހެންވެ އަންނަ 11 ޖުލައިގައި އެ އިންތިހާބު ބާއްވާ ގޮތަށް ވަނީ ނިންމައިފަ އެވެ. އެގޮތުން:

ފާހަގަކޮށްލެވޭ - ޕީއެންސީގެ އުސޫލުތައް މިހާރު އޮންނަ ގޮތުން ދާއިރާގެ މަޖިލިސް މެންބަރަކު ހުންނަވާނަމަ ދާއިރާގެ ރައީސަކީ އެ މަޖިލިސް މެންބަރެވެ. ދާއިރާގެ ރައީސްކަމުގައި މަޖިލިސް މެންބަރަކު ހުންނަވާ ހާލަތުގައި ވެސް ލީޑާޝިޕަށް އެ މީހަކު ދާއިރާގެ ރައީސްކަމުން ވަކިކުރުމުގެ ބާރު އޮންނަނީ ދީފަ އެވެ.

ލީޑާޝިޕަށް ދީފައި އޮންނަ އެ ބާރުގެ ބޭނުންކޮށްގެން މަޖިލީހުގެ ކުރީގެ ނައިބު ރައީސް ނާޒިމް ވަނީ ދިއްގަރު ދާއިރާގެ ރައީސްކަމުން ވަކިކޮށްފަ އެވެ. ނާޒިމް އަދިވެސް މަޖިލިސް މެންބަރަކަށް ހުންނެވި ނަމަވެސް ދިއްގަރު ދާއިރާގެ ރައީސްކަމުން ވަކިކޮށްފައިވާތީ، ޖުލައި މަހު އޮންނަ އިންތިހާބުގައި ދިއްގަރު ދާއިރާއަށް ރައީސަކު އިންތިހާބުކުރުން އޮންނާނެ އެވެ.

އެނގުން މުހިންމު - ސެޕްޓެމްބަރު މަހު އޮންނަ ކޮންގްރެސްގައި ޕާޓީގެ ރައީސް އާއި ޗެއާޕާސަންގެ މަގާމު ފިޔަވައި އެހެން އިސް މަގާމުތަކަށް މީހުން އިންތިހާބުކުރުން އޮންނާނެ އެވެ. އެ ގޮތުން: