ތިކިތައް ހުރެގެން ވޯޓު ބާތިލްނުވާ ކަމަށް ސުޕްރީމް ކޯޓުން ހުކުމްކޮށް، ވޭވަށު ގޮނޑި އެމްޑީޕީއަށް

ނިމިދިޔަ ކައުންސިލް އިންތިހާބުގެ މ. ވޭވަށު ކައުންސިލް މެންބަރު ގޮނޑިއަށް ވޯޓުލީ ތިން ކަރުދާހެއްގައި ތިިކިތަކެއް ހުރުމުން އެ ތިން ވޯޓު ކަރުދާސް ބާތިލްކޮށް ހައި ކޯޓުން ކުރި ހުކުމް ސުޕްރީމް ކޯޓުން މިއަދު ބާތިލްކޮށްފި އެވެ.

ވީކިހިނެއް؟ - ތިކިތަކެއް ހުރި ތިން ވޯޓު ކަރުދާހަކީ އެމްޑީޕީގެ ކެންޑިޑޭޓް އަހުސަން ނައީމަށް ލިބިފައިވާ ތިން ވޯޓެކެވެ. އެ ތިން ވޯޓު ހިމެނޭ ގޮތަށް އެ އިންތިހާބުގެ ނަތީޖާއަކީ:

އަހުސަނަށް ލިބުނު ތިން ވޯޓު ކަރުދާހެއްގައި ތިކިތަކެއް ހުރިކަން ފާހަގަކޮށް ހައި ކޯޓަށް ހުށަހެޅި މައްސަލާގައި އެ ކޯޓުން ހުކުމްކޮށްފައިވަނީ ތިން ވޯޓު ކަރުދާސް ބާތިލްވާ ކަމަށެވެ. އެއާ އެކު ނަތީޖާ ބަދަލުވަނީ:

ހައި ކޯޓުން ކުރި މި ހުކުމް އަހުސަންގެ ފަރާތުން ސުޕްރީމް ކޯޓުގައި އިސްތިއުނާފްކުރި އެވެ. އެ މައްސަލަ ސުޕްރީމް ކޯޓުގައި ބެއްލެވި ތިން ފަނޑިޔާރުންގެ އިއްތިފާގުން މިއަދު ހުކުމްކުރެއްވީ ހައި ކޯޓުގެ ހުކުމް ބާތިލްކުރުމަށެވެ.

ތަފްސީލް - ސުޕްރީމް ކޯޓުން ކުރި ހުކުމުގައި ފާހަގަކުރީ:

ސުޕްރީމް ކޯޓުން ތިކިތައް ހުރި ވޯޓު ކަރުދާސްތައް ބާތިލްނުވާ ކަމަށް ކަނޑައެޅުމުން، ވޭވަށު ކައުންސިލްގެ ގޮނޑީގެ ކުރީގެ ނަތީޖާ އަލުން އިއާދަވެ އެމްޑީޕީއަށް މި ގޮނޑި ކާމިޔާބުވެ އެވެ.

މި މައްސަލަ ބެއްލެވި ބެންޗުގެ ރިޔާސަތުގައި އިންނެވީ ފަނޑިޔާރު އަބްދުﷲ ހަމީދެވެ. ދެން ތިއްބެވީ ފަނޑިޔާރު ހުސައިން ޝަހީދު އަދި ފަނޑިޔާރު މުހައްމަދު ސަލީމެވެ.

އެނގުން މުހިންމު - ސުޕްރީމް ކޯޓުގެ ނިންމުމުގެ ސަބަބުން ވޭވަށު ކައުންސިލްގެ މެޖޯރިޓީ ވެސް ލިބެނީ އެމްޑީޕީއަށެވެ. އެއީ ވޭވަށުގެ ކައުންސިލްގެ ރައީސްގެ ގޮނޑިއާއި މި ގޮނޑި ހިމެނޭ ގޮތުން، ވޭވަށު ކައުންސިލްގެ ތިން ގޮނޑީގެ ތެރެއިން ދެ ގޮނޑި އެވެ.