އިންޑިއާގެ ބޮޑުވަޒީރު ނަރެންދުރަ މޯދީ، މިދިޔަ އަހަރު ރާއްޖެއަށް ކުރެއްވި ރަސްމީ ދަތުރުފުޅުގައި ރައީސް މުހައްމަދު މުއިއްޒު އެމަނިކުފާނަށް މަރުހަބާ ދަންނަވަނީ. (ފޮޓޯ/ރައީސް އޮފީސް)
އިންޑިއާގެ ވެރިކަމުގައި އެންމެ ގިނަދުވަސްވީ ބޮޑުވަޒީރަކަށް މޯދީ ވުމުން ރައީސް މުއިއްޒުގެ މަރުހަބާ
އިންޑިއާގައި މެދުނުކެނޑި އެންމެ ދިގު މުއްދަތަކަށް ބޮޑުވަޒީރުކަން ކުރެއްވި ބޭފުޅަކަށް ނަރެންދުރަ މޯދީ ވެވަޑައިގަތުމުން ރައީސް މުހައްމަދު މުއިއްޒު މަރުހަބާ ވިދާޅުވެއްޖެ އެވެ.
ބުނީ ކީކޭ؟ - އެކަން ފާހަގަކޮށް، ރައީސް މުއިއްޒު މޯދީއަށް މަރުހަބާ ވިދާޅުވީ 'އެކްސް'ގައި ކުރެއްވި ޕޯސްޓެއްގަ އެވެ.
"ރާއްޖެއިން އެދެނީ އިހުތިރާމާއި އިސްތިގުލާލީ ހަމަހަމަކަމާއި ހިޔާލު އެއްގޮތް ކަންކަމުގެ ތެރެއިން ދެ ގައުމުގެ ދެމެދުގައި އޮންނަ ގުޅުން އިތުރަށް ބަދަހިވުން،" އެ ޕޯސްޓުގައި ރައީސް ވިދާޅުވި އެވެ.
Warm congratulations to His Excellency Prime Minister @narendramodi on becoming India’s longest-serving elected Prime Minister by consecutive days in office.
— Dr Mohamed Muizzu (@MMuizzu) June 10, 2026
The Maldives looks forward to further strengthening cooperation with India, guided by mutual respect, sovereign equality,…
އެނގުން މުހިންމު - މޯދީ އިންޑިއާގެ ބޮޑުވަޒީރަކަށް ފުރަތަމަ ވެވަޑައިގަތީ މެއި 2014ގަ އެވެ. އަދި މިހާރު އަދާކުރައްވަމުން އެ ގެންދަވަނީ އެ މަގާމުގެ ތިން ވަނަ ދައުރެވެ.
މީގެ ކުރިން މެދުނުކެނޑި އެންމެ ދިގު މުއްދަތަކަށް ހިދުމަތް ކުރެއްވި އިންޑިއާގެ ބޮޑުވަޒީރަކީ ޖަވާހިރުލާލް ނެހެރޫ އެވެ. އެއީ މުޅީ ޖުމްލަ 4،398 ދުވަހުގެ މުއްދަތަކަށެވެ.
މޯދީ ވަނީ މިއަދު އެ މުއްދަތު ކަޑައްތު ކުރައްވައި، ބޮޑުވަޒީރުގެ މަގާމުގައި 4،399 ދުވަސް ހަމަކުރައްވާފަ އެވެ.
ކޮމެންޓް (1)
ކުރިކީލަ