ޖޭއެސްސީގެ ނައިބު ރައީސަކަށް ސުޕްރީމް ކޯޓުގެ ފަނޑިޔާރު ޝަހީދު އިންތިހާބުކޮށްފި

ޖުޑީޝަލް ސާވިސް ކޮމިޝަން (ޖޭއެސްސީ)ގެ ނައިބު ރައީސްގެ މަގާމަށް ސުޕްރީމް ކޯޓުގެ ފަނޑިޔާރު ހުސައިން ޝަހީދު މިއަދު އިންތިހާބުކޮށްފި އެވެ.

ވީކިހިނެއް؟ - ޖޭއެސްސީގެ ނައިބު ރައީސްގެ މަގާމު ހުސްވީ، ކުރިން އެ މަގާމުގައި ހުންނެވި ޔަޒުމީދު މުހައްމަދު މަގާމުން އިސްތިއުފާ ދެއްވުމުންނެވެ.

ތަފްސީލް - ޖޭއެސްސީގެ ރަސްމީ އެކްސް އެކައުންޓުން މިއަދު ކުރި ޕޯސްޓެއްގައި ބުނީ އެ ކޮމިޝަނުގެ ނައިބު ރައީސްގެ މަގާމަށް މިއަދު ބޭއްވި ކޮމިޝަނުގެ ބައްދަލުވުމުގައި އިންތިހާބުކޮށްފައިވާ ކަމަށެވެ.

ޔަޒްމީދު އެ ކޮމިޝަނުގައި އިންނެވީ ރައީސް މުހައްމަދު މުއިއްޒުގެ މެންބަރެއްގެ ގޮތުގަ އެވެ. ޔަޒްމީދު ކޮމިޝަނުން އިސްތިއުފާ ދެއްވުމުން، އޭނާގެ ބަދަލުގައި މާލެ ސިޓީ ކައުންސިލްގެ ކުރީގެ ވަކީލު އަދި ޕޮލިސް ބޯޑުގެ ކުރީގެ މެންބަރު އަލީ ނަސީރު ގާސިމް ވަނީ ކޮމިޝަނަށް މިދިޔަ މަހު 21ގައި އައްޔަންކޮށްފަ އެވެ.

އެނގުން މުހިންމު - މިހާރު ޖޭއެސްސީގައި ތިއްބެވީ:

ޝަހީދުގެ ތައާރަފެއް - ސުޕްރީމް ކޯޓުގެ ފަނޑިޔާރު ކަމަށް ޝަހީދު އައްޔަންކުރަނީ 19 މާޗު 2025ގަ އެވެ. އަދި ސުޕްރީމް ކޯޓުން ޖޭއެސްސީއަށް އޭނާ ހަމަޖެއްސުމުން އެ ކޮމިޝަނަށް އައްޔަންކުރީ 7 އޭޕްރީލް 2025ގަ އެވެ.

އޭގެ ކުރިން ޝަހީދު ހުންނެވީ ހައި ކޯޓުގެ އިސް ފަނޑިޔާރުގެ މަގާމުގަ އެވެ. ޝަހީދު ހައި ކޯޓުގެ ފަނޑިޔާރުކަން ކުރައްވާތާ ހަތް އަހަރަށް ވުރެ ގިނަ ދުވަސް ވަނީ ވެފަ އެވެ. އެގޮތުން:

ސުޕްރީމް ކޯޓަށް ޝަހީދު އައްޔަންކުރަނީ، ސިޔާސީ ޕާޓީން ވަކިކޮށްގެން މަޖިލީހުގެ ގޮނޑި ގެއްލުވައިލެވޭ ގޮތަށް ގާނޫނުއަސާސީއަށް ގެނައި އިސްލާހުގެ ދުސްތޫރީ މައްސަލަ ބަލަމުން ދަނިކޮށް ސަސްޕެންޑްކުރުމުން، އޭރުގެ ފަނޑިޔާރު ހުސްނުއްސުއޫދު އިސްތިއުފާ ދެއްވުމުންނެވެ.