އެމްއެމްޕީއާރުސީ ކޮރަޕްޝަނާ ގުޅިގެން ބައްސާމަށް ދައުވާކުރަން ފޮނުވައިފި

އެމްއެމްޕީއާރުސީ މެދުވެރިކޮށް ޓޫރިޒަމަށް ރަށްތަކާއި ފަޅުތައް ދޫކުރުމުގެ ތެރެއިން ހިންގި ހިޔާނާތުގެ މައްސަލައާ ގުޅިގެން އެފްއޭއެމްގެ ކުރީގެ ރައީސް ބައްސާމު އަދީލް ޖަލީލްގެ މައްޗަށް މަނީ ލޯންޑަރިންގެ ދައުވާކޮށް ދިނުމަށް އެންޓި ކޮރަޕްޝަން ކޮމިޝަން (އޭސީސީ)އިން ޕްރޮސިކިއުޓާ ޖެނެރަލްގެ އޮފީހަށް މައްސަލަ ހުށަހަޅައިފި އެވެ. 

ވީ ކިހިނެއް؟ - އޭސީސީން މިއަދު ބުނީ އެމްއެމްޕީއާރުސީގެ ހިޔާނާތާ ގުޅިގެން ފުލުހުންނާއި އޭސީސީ ގުޅިގެން ހިންގި ތަހުގީގުގައި ޓޫރިޒަމަށް ދޫކުރި ރަށްތަކާއި ފަޅުތަކުން ދައުލަތަށް ލިބެން ޖެހޭ ފައިސާތައް ލޯންޑާކުރުމަށް، އެ ފައިސާ ޖަމާކުރި ކުންފުނި އެސްއޯއެފް ޕްެރައިވެޓް ލިމިޓެޑް އިން ކުރީގެ ނައިބު ރައީސް އަހުމަދު އަދީބު މެދުވެރިވެގެން ބައްސާމްގެ އަމިއްލަ އެކައުންޓަށް 29،000 ޑޮލަރު ޖަމާކޮށްފައިވާކަން ތަހުގީގަށް ހޯދިފައިވާ ކަމަށެވެ. 

"މިފައިސާ ބައްސާމު އަދީލް ޖަލީލްގެ އަމިއްލަ ބޭނުންތަކަށް ހަރަދުކޮށްފައިވާކަން ތަހުގީގަށް ފާހަގަވެފައިވެ އެވެ،" އޭސީސީގެ ބަޔާނުގައި މިއަދު ބުންޏެވެ. 

ތަފްސީލް - މީގެ އިތުރުން ބައްސާމު ވަނީ އެމްއެމްޕީއާރުސީ މެދުވެރިކޮށް ރަށްތަކާއި ފަޅުތައް ވިއްކުމުގެ ކަންކަމުގައި ބައިވެރިވެ، ރަށްތަކާއި ފަޅުތައް ކުއްޔަށްދިނުމާ ގުޅޭ ބައެއް އެއްބަސްވުންތަކުގައި އެ ކުންފުނީގެ ފަރާތުން ހެއްކެއްގެ ގޮތުގައި ސޮއިކޮށްފައި ކަމަށް ވެސް އޭސީސީން ބުންޏެވެ. 

އެ މައްސަލަތަކާ ގުޅިގެން ބައްސާމްގެ މައްޗަށް ދައުވާކޮށްދޭން ފޮނުވާފައި ވަނީ: 

އެ މައްސަލަ އޭސީސީން ޕީޖީއަށް ހުށަހެޅީ މިއަދު ކަމަށް ވެސް އެ އޮފީހުން ބުންޏެވެ. 

އެނގުން މުހިންމު - ބައްސާމް މިހާރު ވެސް ގެންދަނީ 32 އަހަރުގެ ޖަލު ހުކުމެއް ތަންފީޒު ކުރައްވަމުންނެވެ. އެގޮތުން އެ ހުކުމް އޭނާގެ މައްޗަށް ކްރިމިނަލް ކޯޓުން ކުރީ: 

ގުޅުންހުރި - އެ ފައިސާއިން ބައްސާމް ގަނެފައިވާ ކަމަށް ތުހުމަތުވާ އަމީން އެވެނިއުގެ ދެ އެޕާޓްމަންޓެއް ވެސް ފުލުހުން ވަނީ ހިފަހައްޓައިފަ އެވެ.