ބައެއް ރަށްރަށަށް ބޯ ވާރެއާ އެކު ގަދަވައިގައި ގެއްލުންތަކެއް

• ބޯ ވާރޭގެ ސަބަބުން ފެންބޮޑުވެ، މަޑަވެލީގެ މަގުތަކުން ފެން ހިންދުމުގެ މަސައްކަތް ފެށީ ރޭ 1:35 ހާއިރު؛ ޕަމްޕު ބޭނުންކޮށްގެން ފެން ހިއްކުމުގެ މަސައްކަތް މިއަދު ހެނދުނު 9:40 ހާއިރު ވަންދެން ކޮށްފައިވޭ

• ފޭދޫގެ މަގުތަކުން ފެން ހިންދުމުގެ މަސައްކަތް ފަށާފައި ވަނީ ރޭ ފަތިހު 3:45 ހާއިރު؛ އެ މަސައްކަތުގައި މިއަދު 10:10 ހާއިރު ވަންދެން ހަރަކާތްތެރިވެފައިވޭ 

• މަގުތަކުގައި ބޮޑުވެފައި ހުރި ފެންގަނޑު ހިއްކައި މިހާރު ވަނީ އާންމު ހާލަތަކަށް ގެނެވިފައި

• ހއ. އުތީމާއި ހދ. ހަނިމާދޫގައި ފެން ހިންދުމުގެ މަސައްކަތް އެބަކުރޭ
  

• ރޭ ބޯކޮށް ވާރޭވެހުމުގެ އިތުރަށް ގަދަވަޔާ އެކު އައްޑޫ ހިތަދޫގެ ގެއެއްގެ ފުރާޅު ވަޔާ އެއްލާލާފައިވާތީ ވެސް އެމްއެންޑީއެފްއިން ރޭ ދަންވަރު ހަރަކާތްތެރިވި

• ރޭ ކުރި ވިއްސާރާގައި ހިތަދޫގެ ބައެއް ގަސްތަކުގެ ބައިތައް ވެސް ވަޔާ އެކު ވެއްޓިފައިވޭ

މޫސުން

• އެންމެ ގިނައިން ވާރޭވެހުނީ އައްޑޫ ގަމަށް؛ އެއީ 106 މިލިލީޓަރުގެ ވާރޭ

• ދެން އެންމެ ގިނައިން ވާރޭ ވެހުނީ ގދ. ކާޑެއްދުއަށް؛ އެއީ 102 މިލިލީޓަރުގެ ވާރޭ
  

• ހދ. ހަނިމާދުއަށް 68 މިލިލީޓަރުގެ ވާރޭ ވެހުނު
  

• ހިތަދުއަށް 64 މިލިލީޓަރުގެ ވާރޭވެހުނު
  

• ގއ. ގެމަނަފުއްޓަށް 63 މިލިލީޓަރުގެ ވާރޭވެހުނު
  

• އުތުރާއި މެދުރާއްޖެތެރެއަށް ހުޅަނގު ދެކުނާއި ހުޅަނގުން ގަޑިއަކު 13 މޭލާއި 23 މޭލު ބާރުމިނުގައި ވައިގަދަވުން އެކަށީގެންވޭ

• ވިލާގަނޑުގައި ގަޑިއަކު ގާތްގަނޑަކަށް 40 މޭލު ބާރުމިނުގައި ވައިގަދަވުން އެކަށީގެންވޭ
  

• އުތުރާއި މެދުރާއްޖެތެރޭގެ ކަނޑުތައް ގަދަވާނެ؛ ދެކުނުގެ ކަނޑުތައް މަޑުވިޔަސް، ވިލާގަނޑުގައި ގަދަވާނެ
  

• މެދުރާއްޖެތެރެއަށް ރާޅުގެ އުސްމިން އުޅޭނީ 4 ފޫޓާއި 7 ފޫޓުގައި؛ ދެކުނަށް ރާޅުގެ އުސްމިން ހުރީ 2 ފޫޓާއި 5 ފޫޓުގައި