ކުރިއަށް އޮތް 5 ދުވަހު މުޅި ރާއްޖެއަށް ވިއްސާރަ؛ ބޮޑަށް މޫސުން ގޯސްވާނީ އުތުރަށް

• ކުރިއަށް އޮތް ބުދަ އަދި ބުރާސްފަތި ދުވަހު އުތުރާއި މެދުރާއްޖެތެރެއަށް ގުގުރުމާ އެކު ވިއްސާރަކުރާނެ؛ ހުކުރާއި ހޮނިހިރު ވެސް އުތުރަށް މޫސުން ގޯސްވާނެ

• މި ދުވަސްތަކުގައި ދެކުނުގެ އަތޮޅުތަކަށް ކެރީގެ އަސަރު ކުރި ނަމަވެސް މޫސުން އާންމު ގޮތެއްގައި ރަނގަޅު
  

• ކުރިއަށް އޮތް ދުވަސްތަކުގައި ވައިގަދަކޮށް ވެސް އުޅެނީ އުތުރަށް
  

• ހުޅަނގު ދެކުނާއި ހުޅަނގުން ގަޑިއަކު 10 މޭލާއި 20 މޭލާ ދެމެދުގެ ބާރުމިނުގައި ވައިޖެހޭނެ؛ ވިލާގަނޑުގައި ގަޑިއަކު 40 މޭލު ބާރުމިނަށް ވައިގަދަވުން އެކަށީގެންވޭ

• ކަނޑުތައް އާދައިގެ ވަރަކަށް ގަދަވެފައި ވިލާގަނޑުގައި ގަދަވާނެ

• ރާޅުގެ އުސްމިން އުޅޭނީ 4 ފޫޓައި 6 ފޫޓުގައި
  

މިއަދުގެ މޫސުން

• ވިލާގަނޑުގައި ގަޑިއަކު 40 މޭލަށް ވައިގަދަވެ، ކަނޑުތައް ގަދަވާނެ ކަމަށް ލަފާކޮށް، ބ. އަތޮޅުން ފެށިގެން މ. އަތޮޅަށް މިއަދު މެންދުރުފަހު 3 އިން މިރޭ 9 ޖެހުމާ ހަމައަށް ހުދު ސަމާލު ވަނީ ނެރެފައި

• ގުގުރުމާ އެކު ބޯކޮށް ވާރޭވެހި، ގަޑިއަކު 40 މޭލަށް ވައިގަދަވާނެ ކަމަށް ލަފާކޮށް ހއ. އަތޮޅުން ފެށިގެން ވ. އަތޮޅަށް ވެސް މިއަދު މެންދުރު 12 އިން އިރުއޮއްސި 6 ޖެހުމާ ހަމައަށް ހުދު ސަމާލު ވަނީ ނެރެފައި