މެންބަރު ތޯރިގުގެ ނުފޫޒުގަދަ މަހިބަދޫ ކައުންސިލްގެ މެޖޯރިޓީ ޕީއެންސީއަކަށް ނުލިބުނު

މިދިޔަ ތިން މަޖިލިސް އިންތިހާބުގައި ވެސް މަހިބަދޫ ދާއިރާ ކާމިޔާބުކުރެއްވި، ވެރިކަންކުރާ ޕީއެންސީއަށް ނިސްބަތްވެވަޑައިގަންނަވާ އަހުމަދު ތޯރިގުގެ ނުފޫޒު އަބަދު ވެސް ގަދަކޮށް ފެނުނު މަހިބަދޫ ކައުންސިލްގެ މެޖޯރިޓީ ޕީއެންސީއަށް މި ފަހަރު ނުލިބި ހިނގައްޖެ އެވެ.

ވީކިހިނެއް؟ - މި ފަހުން ބޭއްވި އިންތިހާބުތަކުގައި ޕީޕީއެމް-ޕީއެންސީން ބޮޑު ތަނުން ކުރި ހޯދާ މަހިބަދުއަށް މި ފަހަރުގެ ކައުންސިލް އިންތިހާބަށް ގިނަ ގޮނޑިތަކަށް އިދިކޮޅު އެމްޑީޕީން ވާދައެއް ވެސް ނުކުރެ އެވެ.

އެކަމަކު ވެސް އިންތިހާބުގެ ވަގުތީ ނަތީޖާ ދައްކާ ގޮތުން ކައުންސިލްގެ މެޖޯރިޓީ ޕީއެންސީއަކަށް ނުލިބެ އެވެ. އެގޮތުން:

ތަފްސީލް - މަހިބަދޫ ކައުންސިލްގެ ރައީސްގެ ގޮނޑިއަށް މައި ދެ ޕާޓީން ވެސް ކުރިމަތިލި އެވެ. ކައުންސިލްގެ ރައީސްގެ ގޮނޑި ކާމިޔާބުކުރީ އެމްޑީޕީންނެވެ. އެ ގޮނޑީގެ ވަގުތީ ނަތީޖާ ދައްކާ ގޮތުން:

އަންހެނުންނަށް ކައުންސިލްގައި ހާއްސަކޮށްފައިވާ ދެ ގޮނޑިއަށް ކުރިމަތިލީ ޕީއެންސީގެ ދެ ކެންޑިޑޭޓުންނާއި އެމްޑީޕީގެ އެންމެ ކެންޑިޑޭޓެކެވެ. މި ދެ ގޮނޑި ކާމިޔާބުކުރީ އެމްޑީޕީން ކުރިމަތިލި ހަމައެކަނި ކެންޑިޑޭޓާއި ޕީއެންސީގެ ކެންޑިޑޭޓެކެވެ. އެގޮތުން:

މަހިބަދޫގައި ވާދަވެރިކަން ބޮޑުކޮށް ދިޔައީ ކައުންސިލްގެ ބާކީ ދެ ގޮނޑިއަށެވެ. އެ ދެ ގޮނޑިއަށް ހަ ކެންޑިޑޭޓުން ވާދަކުރި އެވެ. އެއީ ޕީއެންސީގެ ދެ ކެންޑިޑޭޓުން، އެމްޑީޕީގެ ދެ ކެންޑިޑޭޓުން އަދި އަމިއްލަ ދެ ކެންޑިޑޭޓެކެވެ. ކުރީގައި އުޅުއްވަނީ ޕީއެންސީގެ ކެންޑިޑޭޓަކާއި އަމިއްލަ ކެންޑިޑޭޓެކެވެ. އެގޮތުން:

ވަގުތީ ނަތީޖާ ދައްކާ ގޮތުން، މަހިބަދޫގެ ފަސް ގޮނޑީގެ ތެރެއިން ޕީއެންސީއަށް ލިބެނީ ދެ ގޮނޑި އެވެ. އިދިކޮޅު އެމްޑީޕީއަށް ކައުންސިލްގެ ރައީސްގެ ގޮނޑި ހިމެނޭހެން ދެ ގޮނޑި ލިބެ އެވެ. ދެން ހިމެނެނީ އަމިއްލަ ކެންޑިޑޭޓަކު ކާމިޔާބުކުރާ ގޮނޑިއެކެވެ.