އާ ނަންނަމުގައި ބުރުތަކެއް ޖެހިޔަސް، އެއް ނަމެއްގައި ދެގޮތެއް ނުވެ ދެމި އޮތީ އެމްޑީޕީ: މޭޔަރު އާޒިމް

ކޮންމެ އިންތިޚާބީ ދައުރަކާ ދިމާކޮށް އާ ސިޔާސީ ޕާޓީތައް އުފެއްދުމުގެ ސަގާފަތަށް ފާޑުވިދާޅުވަމުން، މާލެ ސިޓީގެ މޭޔަރު އާދަމް އާޒިމް ވަރުގަދަ މެސެޖެއް ދެއްވައިފި އެވެ.

ވީކިހިނެއް؟ - މޭޔަރު އާދަމް އާޒިމް މިހެން ވިދާޅުވީ ލޮނުޒިޔާރަތްކޮޅުގައި ރޭ ބޭއްވި ކަންމަތީ ޖަލްސާއެއްގަ އެވެ.

ބުނީ ކީކޭ؟ - އާޒިމް ވިދާޅުވީ ސިޔާސީ މަސްރަހަށް ތަފާތު ނަންނަމުގައި "އަންނަނޯމީ" ތަކެއް އައި ނަމަވެސް، އެމްޑީޕީ ދެމިއޮތީ ބަދަލުނުވާ ވަރުގަދަ އަސާސެއްގެ މަތީގައި ކަމަށެވެ.

މޭޔަރު ފާހަގަކުރެއްވި ގޮތުގައި، ގިނަ ފަހަރަށް ފެންނަނީ އާ ބުރުތަކާއެކު އައު ޕާޓީތައް އުފެދި، ރައްޔިތުންގެ ކުރިމަތީގައި ބޮޑެތި ވައުދުތަކެއްވެ "ފޮނިކަނޑާ" މަންޒަރެވެ. ނަމަވެސް އަމަލީ ގޮތުން އެ ވައުދުތައް ނުފުއްދޭކަން އޭނާ ފާހަގަކުރެއްވި އެވެ.

އެއާ ހިލާފަށް، އެމްޑީޕީއަކީ އުފެދުނީއްސުރެ އެއް ނަމެއްގައި، އެއް ފިކުރެއްގައި ސާބިތުވެ އޮތް ޕާޓީއެއްކަމަށް އާޒިމް ވިދާޅުވި އެވެ. ކުރިއަށް އޮތް ކައުންސިލް އިންތިހާބުގައި ވެސް އެންމެހާ ރައްޔިތުންގެ ވޯޓު އެމްޑީޕީގެ ރަމްޒު ކަމުގައިވާ "ތިލަފަތަށް" ދެއްވުމަށް އޭނާ އެދިވަޑައިގެންނެވި އެވެ.

ތަފްސީލް - ރާއްޖޭގެ ސިޔާސީ މައިދާނުގައި ވަރުގަދަކޮށް ދެމިއޮތީ އެމްޑީޕީ ކަމަށް ވިދާޅުވެ، އާޒިމްގެ ވާހަކަފުޅުގައި ފާހަގަކުރެއްވި މުހިންމު ކަންކަމަކީ: 

ފާހަގަކޮށްލެވޭ - އެމްޑީޕީއާ އެންމެ ވާދަވެރި ސިޔާސީ ފިކުރަށް ތާއީދުކުރާ މީހުން މިހާތަނަށް ވަނީ ތިން ޕާޓީއެއްގައި ހަރަކާތްތެރިވެފަ އެވެ. ޑީއާރުޕީގެ އެތެރޭގައި އުފެދުނު ހިޔާލުތަފާތުވުންތަކަށް ފަހު ޕާޓީގެ ގިނަ މީހުން ބަދަލުވީ ޕީޕީއެމަށެވެ.

ޕީޕީއެމްގެ ރިޔާސީ ޓިކެޓު ކުރީގެ ރައީސް އަބްދުﷲ ޔާމީނަށް ދީފައިވަނިކޮށް އެ މަނިކުފާނަށް ވާދަނުކުރެވޭނެތީ ޕީއެންސީގެ ޓިކެޓު ކާމިޔާބުކުރެއްވި މިހާރުގެ ރައީސް މުހައްމަދު މުއިއްޒު ނުކުމެވަޑައިގަތީ އެވެ. މުއިއްޒަކީ ޔާމީންގެ ބެކްއަޕް ކެންޑިޑޭޓެވެ. އޭގެ ފަހުގައި ޕީޕީއެމް ވަނީ އުވާލާފަ އެވެ. ޑީއާރުޕީގައި ވެސް މެންބަރުންގެ އަދަދު ހަމަނުވެގެން އެ ޕާޓީ ވެސް ވަނީ އުވާލާފަ އެވެ.