އެޗުއާރުސީއެމްއިން ވެމްކޯގެ މަސައްކަތު މާހައުލާ ގުޅޭ ތަހުގީގު ފަށައިފި

ވެމްކޯގެ މަސައްކަތު މާހައުލުގެ ރައްކާތެރިކަމާ ގުޅޭ ތަފާތު މައްސަލަތައް ތަކުރާރުކޮށް ދިމާވަމުންދާތީ، އެ ކަމުގެ ތަހުގީގެއް ހިއުމަން ރައިޓްސް ކޮމިޝަން (އެޗްއާރުސީއެމް) އިން ފަށައިފި އެވެ.

ވީ ކިހިނެއް؟ - މާލޭގެ ވެމްކޯ ސައިޓެއްގައި ހިނގި ހާދިސާއެއްގައި އެ ކުންފުނީގެ މުވައްޒަފަކު އެ ތަނުގެ ވެހިކަލެއް ތެރެއަށް ވެއްޓި ސީރިއަސް އަނިޔާތަކެއް ވަނީ ލިބިފަ އެވެ. އޭނާއަށް އައިޖީއެމްއެޗްގައި ފަރުވާ ދެމުން ގެންދަނީ، ހާލު ސީރިއަސް ވެގެން ވެންޓިލޭޓަރުގަ އެވެ.

ބުނީ ކީކޭ؟ - އެޗުއާރުސީއެމްއިން މިރޭ ނެރުނު ނޫސްބަޔާނެއްގައި ބުނީ ތަކުރާރުކޮށް ވެމްކޯގެ މަސައްކަތު މާހައުލުގައި މުވައްޒަފުންނަށް އަނިޔާ ލިބޭކަން ފާހަގަވުމުގެ އިތުރުން މުވައްޒަފެއްގެ ފުރާނައަށް ގެއްލުންވި ހާދިސާތަކެއް އެ ކޮމިޝަނަށް ރިޕޯޓުކޮށްފައިވާތީ މުވައްޒަފުންގެ ރައްކާތެރިކަމާ މެދު އެ ކޮމިޝަނުން ކަންބޮޑުވުން ފާޅުކުރާ ކަމަށެވެ.

މިފަދަ ހާދިސާތަކުގެ ސަބަބުން ވެމްކޯގައި ހުރި މަސައްކަތުގެ ރައްކާތެރިކަމުގެ ފިޔަވަޅުތަކުގެ އެކަށީގެންވާކަމާ މެދު އާންމުންގެ މެދުގައި ކަންބޮޑުވުން އޮތްކަން ވެސް އެ ކޮމިޝަނުން ވަނީ ފާހަގަކޮށްފަ އެވެ.

އޭގެ އިތުރުން ކުނި މެނޭޖުކުރުމަކީ އޭގެ ޒާތުގައި ވެސް ނުރައްކާތެރި ކަންތައްތަކެއް އެކުލެވިގެންވާ، ބަޔޮލޮޖިކަލް  ކޮންޓެމިނެންޓުތަކާއި ނުރައްކާތެރި މާއްދާތަކާއި ތޫނު އެއްޗިއްސާއި ބޮޑެތި މެޝިނަރީތަކަށް ހުށަހެޅުމުގެ އިތުރުން ޖިސްމާނީ ގޮތުން ކުރަން ޖެހޭ ބުރަ މަސައްކަތެއްކަން އެޗުއާރުސީއެމްއިން ބުންޏެވެ.

ތަފްސީލު - އެ ކޮމިޝަނުން ފެށި ތަހުގީގުގެ ބޭނުމަކީ މަސައްކަތުގެ މާހައުލުގައި އެކަށީގެންވާ ރައްކާތެރިކަމުގެ ފިޔަވަޅުތައް އޭގެ އެންމެ ފުރިހަމަ ގޮތުގައި ތަންފީޒުކުރޭތޯ ދެނެގަތުމެވެ.

އެ ތަހުގީގުގައި ބަލާނެ ކަންތައްތަކުގެ ތެރޭގައި ހިމެނެނީ:

އެ ތަހުގީގުގައި އެޗުއާރުސީއެމްއިން މަސައްކަތްކުރާ ތަންތަނަށް ޒިޔާރަތްކޮށް، އިންސްޕެކްޓުކޮށް، ކަމާ ގުޅޭ ލިޔެކިޔުންތަކާއި އެ ތަކެތި މުރާޖައާ ވެސް ކުރާނެ އެވެ. އަދި މެނޭޖްމަންޓާއި މުވައްޒަފުންނާ ބައްދަލުކޮށް، މައުލޫމާތު ސާފުކޮށް، ހާލަތަށް ރިއާޔަތްކޮށް ކުރިން އެންގުމަކާ ނުލައި ވެސް އިންސްޕެކްޝަންތައް ކުރިއަށްގެންދާނެ އެވެ.

"މި ތަހުގީގާ ގުޅޭ މައުލޫމާތު ހިއްސާކޮށް، އެއްބާރުލުން ދިނުމަށް ވެމްކޯގެ މިހާރުގެ ނުވަތަ ކުރީގެ މުވައްޒަފުން، މަސައްކަތްތެރިންގެ މަންދޫބުން އަދި ގުޅުން ހުރި މައުލޫމާތު ލިބިފައިވާ އާންމު ފަރާތްތަކަށް ކޮމިޝަނުން ގޮވާލަމެވެ،" އެޗުއާރުސީއެމްގެ ނޫސްބަޔާނުގައި ބުންޏެވެ.

"މިކަމާ ގުޅިގެން ފޯރުކޮށްދޭ ހުރިހާ މައުލޫމާތުތަކަކީ ސިއްރު ހިފެހެއްޓޭނެ މައުލޫމާތުތަކެވެ. އަދި މި ތަހުގީގަށް އެއްބާރުލުންދޭ ފަރާތްތަކާ ދެކޮޅަށް ބަދަލު ހިފުމުގެ ގޮތުން އެއްވެސް ފިޔަވަޅެއް އެޅުމަކީ ގާނޫނާ ހިލާފު އަމަލެއްކަން ދަންނަވަމެވެ."

ފާހަގަކޮށްލެވޭ ކަމެއް - ވެމްކޯ ސައިޓުގައި ހިނގީ ކޮން ކަހަލަ ހާދިސާއެއް ކަމެއް ފުލުހުން ނުބުނެ އެވެ. ވެމްކޯއިން ވެސް މިހާތަނަށް ރަސްމީކޮށް މިކަމާ ގުޅިގެން އެއްޗެއް ނުބުނެ އެވެ.

ފުލުހުންނާއި އެޗްއާރުސީއެމުން ވެސް މީގައި ބަހެއް ބުނީ މިކަމާ ގުޅޭ ވާހަކަތަކެއް ސޯޝަލް މީޑިއާގައި ދައުރުވެ، އެކަމާ ގުޅިގެން މީޑިއާ ގްރޫޕުތަކުގައި ނޫސްވެރިން ސުވާލު ކުރަން ފެށުމުންނެވެ.

ސޯޝަލް މީޑިއާގައި އެ މީހާގެ ފޮޓޯއާ އެކު ދައުރުވަމުންދާ ޕޯސްޓެއްގައިވާ ގޮތުން: