ރޯދަމަހުގެ ރަސްމީ ގަޑިއަކީ ހެނދުނު 9 އިން މެންދުރު 1އަށް

މި އަހަރުގެ ރޯދަމަހުގެ ރަސްމީ މަސައްކަތު ގަޑިއަކީ ވެސް ހެނދުނު 9 އިން މެންދުރު 1އަށް ކަމަށް ރައީސް އޮފީހުން މިއަދު ބުނެފި އެވެ.

ތަފްސީލް - ސަރުކާރު އޮފީސްތަކުގެ ރަސްމީ މަސައްކަތު ގަޑި އިއުލާންކޮށް ރައީސް އޮފީހުން މިއަދު ބުނީ، އެހެން އަހަރުތަކެކޭ ވެސް އެއްގޮތަށް މިއަހަރުގެ ރޯދަމަހުގެ ދުވަސްތަކާއި ޝައްވާލު މަހުގެ ފުރަތަމަ 7 ދުވަހުގެ ރަސްމީ މަސައްކަތު ގަޑިއަކީ ހެނދުނު 9 އިން މެންދުރުފަހު 1 ކަމަށެވެ.

އެނގުން މުހިންމު - ސަރުކާރު އޮފީސްތަކުގެ ރަސްމީ ގަޑި މިގޮތަށް ހަމަޖައްސާފައިވަނީ 2022 ވަނަ އަހަރުން ފެށިގެންނެވެ.

ކަލަންޑަރުގައިވާ ގޮތުން، މި އަހަރުގެ ރޯދަމަސް ފަށާނީ އަންނަ ބުދަ ދުވަހު އެވެ. ހަނދު ސާބިތުކުރުން އޮންނާނީ އަންނަ އަންގާރަ ދުވަހުގެ ރެ އެވެ.