އޭޝިއަން ކަޕް ކޮލިފައިންގެ މެޗުގައި ރާއްޖޭގެ ކުޅުންތެރިންތަކެއް (ފޮޓޯ/އެފްއޭއެމް)
ކުޅުންތެރިންނަށް ހާއްސަ ސިއްހީ އިންޝުއަރެންސް ދޭން ފަށައިފި
މުބާރާތްތަކުގައި ކުޅުންތެރިންނަށް ލިބޭ އަނިޔާތަކަށް ފަރުވާ ހޯދުމުގައި ލުއިތަކެއް ހޯދައިދިނުމަށް، ކުޅުންތެރީންނަށް ހާއްސަ ހެލްތު އިންޝުއަރެންސްގެ ހިދުމަތެއް ފޯރުކޮށްދޭން މިއަދު ފަށައިފި އެވެ.
ތަފްސީލް - މިކަން ހާމަކުރައްވާ ރައީސް މިރޭ ކުރެއްވި ޕޯސްޓެއްގައި ވިދާޅުވީ، ރާއްޖޭގެ ގައުމީ 18 ކުޅިވަރު އެސޯސިއޭޝަނެއްގެ 385 ކުޅުންތެރީންނާއި އޮފިޝަލުންނަށް މި ހެލްތު އިންޝުއަރެންސް ލިބުމުގެ އިންތިޒާމު މިހާރު ހަމަޖެހިފައިވާ ކަމަށެވެ.
ކުޅުންތެރީންނަށް ހާއްސަ މި ހެލްތު އިންޝުއަރެންސްގެ ދަށުން:
-
ރާއްޖޭގައި ބާއްވާ މުބާރާތްތަކުގެ އިތުރުން، ރާއްޖެއިން ބޭރުގައި ވާދަކުރާ ބައިނަލްއަގްވާމީ މުބާރާތްތަކާއި ތަމްރީނުތަކުގައި ލިބޭ އަނިޔާތަކަށް ފަރުވާ ހޯދުމުގައި ބޮޑެތި ލުއިތަކެއް ލިބޭނެ
-
ދިވެހި އެތުލީޓުންގެ ސިއްހީ ރައްކާތެރިކަން ސަރުކާރުން ކަށަވަރުކޮށްދޭނެ ކަމަށް ރައީސް ވިދާޅުވި
މިއީ ދިވެހި ކުޅިވަރުގެ އާއިލާއިން މިކަމަށް އެދެމުންދާތާ އެތައް އަހަރެއް ވެފައިވާ ކަމެއް ކަމަށް ވެސް ރައީސް ފާހަގަކުރެއްވި އެވެ.