ފަޔާޒު ލިއުއްވި ފޮތް، 'ދިރާސާކުރާނެ ފަސޭހަ ގޮތްތައް' ނެރެފި

ވިލާ ކޮލެޖުގެ ދާރިސެއް ކަމުގައިވާ އަހުމަދު ފަޔާޒު ހަސަން ލިޔުއްވާފައިވާ ދިރާސާކުރާނެ 'ފަސޭހަ ގޮތްތައް' ވިލާ ކޮލެޖުން އިއްޔެ ނެރެފި އެވެ.

ވީކިހިނެއް؟ - ވިލާ ކޮލެޖުގައި ބޭއްވި ހަފުލާއެއްގައި އެ ފޮތް ނެރެދެއްވީ ކޮލެޖުގެ ވައިސް ރެކްޓަރު ޑރ. އަލީ ނަޖީބާއި ފޮތުގެ މުސައްނިފް އަހުމަދު ފަޔާޒު ހަސަން އެވެ.

ތަފްސީލް - ވިލާ ކޮލެޖުން ބުނި ގޮތުގައި 208 ސޮފުހާގެ އެ ފޮތް އެކުލެވިގެންވަނީ 13 ޗެޕްޓަރުގެ މައްޗަށެވެ. ދިރާސާކުރުމުގައި ބަލަންޖެހޭ ހުރިހާ ކަމެއް އެ ފޮތުގައި ހިމަނާފައިވެ އެވެ.

ފަޔާޒު ލިއުއްވި އޭނާގެ ނުވަ ވަނަ ފޮތުގެ އަގަކީ 175ރ. އެވެ. ފޮތް ލިބެން ހުންނާނީ ވިލާ ކޮލެޖުންނެވެ.

އެ ކޮލެޖުން އިތުރަށް ބުނި ގޮތުގައި:

ފަޔާޒުގެ ލިޔުމެއް ފުރަތަމަ ޝާއިއު ކުރީ 1984 ވަނަ އަހަރު ހަވީރު ނޫހުގަ އެވެ. ފަޔާޒުގެ ފުރަތަމަ ފޮތް 'ވާލްޑް ކަޕް އިޓަލީ 1990' ޝާއިއު ކުރީ 1990 ވަނަ އަހަރު އެވެ.

ފަޔާޒު މަޖީދިއްޔާ ސްކޫލްގައި ކިޔަވާ ވިދާޅުވި ދުވަސްވަރު އެހެން ދަރިވަރުންނާ އެކު ނޫސް މަޖައްލާ ނެރުއްވި އެވެ.