ކާށިދޫ ބޯޓެއް ފަރަށް އަރައި އެކަކު ގެއްލިއްޖެ

ކ. ކާށިދޫ ބޯޓެއް އެ ރަށު ފަރަށް އަރައި ބިދޭސީއަކު ގެއްލިގެން ހޯދަން ފަށައިފި އެވެ.

ތަފްސީލް - އެންމެންޑީއެފް އިން ބުނިގޮތުގައި ކާށިދޫ 'ފައިސަލާ' ބޯޓު ފަރަށް އެރީ މާލެއިން ފުރައިގެން ގޮސް އެ ރަށު ފަޅުތެރެއަށް ވަންނަން އުޅެނިކޮށެވެ.

އެމްއެންޑީއެފްއިން ބުނިގޮތުގައި:

ފުލުހުން ބުނިގޮތުގައި ބޯޓުގައި ތިބީ މުޅިން ވެސް ފިރިހެނުންނެވެ. އެއީ ފަސް ދިވެއްސަކާއި ހަ ބިދޭސީއެކެވެ.

ޝޯޝަލް މީޑިއާގައި ދައުރުވަމުންދާ ވީޑިއޯތަކަކުން ފެންނަގޮތުގައި ބޯޓުގެ ބޮޑު ބައެއް އޮތީ ފެތިފަ އެވެ. 

ބޯޓު ފަރަށް އެރުމާ ގުޅިގެން ބޯޓުގައި ހުރި މުދާތައް އޮޔާދާތީ، އެ ސަރަހައްދުން ދަތުރުކުރާ އުޅަނދުފަހަރުން ސަމާލުވުމަށް ފުލުހުން އިލްތިމާސްކުރެ އެވެ.

އެ ސަރަހައްދުގައި މާލޭ އޭރިއާ ކޯސްޓްގާޑް ސެކަންޑް ސްކޮޑްރަން އިން މިހާރު ދަނީ ހަރަކާތްތެރިވަމުންނެވެ.