ތާރީހީ ކާމިޔާބެއް: ރާއްޖޭން ކިޔެވި 20 ޑޮކްޓަރުން ހިދުމަތަށް

ރާއްޖެއިން ޑޮކްޓަރީކަން ކިޔެވި ފުރަތަމަ ބެޗް އިންޓާންޝިޕް ފުރިހަމަކޮށް ހިދުމަތަށް ނިކުންނަން ތައްޔާރުވެއްޖެ އެވެ. 

ވީ ކިހިނެއް؟ - ގައުމީ ޔުނިވާސިޓީގެ ސްކޫލް އޮފް މެޑިސިން އިން މިދިޔަ އަހަރުގެ އޮކްޓޯބަރުގައި އެމްބީބީއެސް ނިންމީ 20 ދަރިވަރެކެވެ. 

ފަސް އަހަރު ފުވަހުގެ ކޯހެއްގައި ޑޮކްޓަރީކަން ކިޔެވުމަށް ފަހު، ހިދުމަތަށް ނިކުތުމުގެ މެޑިކަލް ލައިސަންސް ދެނީ، އަހަރު ދުވަހުގެ އިންޓާންޝިޕް ޕްރޮގްރާމެއް ފުރިހަމަ ކުރުމުންނެވެ. ފުރަތަމަ ބެޗުގައި ކިޔެވި ހުރިހާ ދަރިވަރުން ވެސް އިންޓާންޝިޕްގައި މަސައްކަތް ކުރީ އައިޖީއެމްޗްގަ އެވެ. 

ތަފްސީލް - ފުރަތަމަ ބެޗުގެ މި ޑޮކްޓަރުންގެ ޓީމު އިންޓާންޝިޕް ފުރިހަމަކުރުމުގެ މުނާސަބަތުގައި އިއްޔެ އައިޖީއެމްއެޗްގައި ވަނީ ހާއްސަ ރަސްމިޔާތެއް ބާއްވާފަ އެވެ.

"ރާއްޖެ މި މަރުހަބާ ކިޔަނީ ޑޮކްޓަރުންގެ އާ ޖީލަކަށް. އެ ޓީމު އޮތީ ބަލިމީހުންނަށް ފަރުވާދިނުމުގަޔާއި ހިންގުމުގެ ދާއިރާގައި އަދި ނަމޫނާ ދެއްކުމުގައި ތައްޔާރަށް،" އެ ކާމިޔާބީ ފާހަގަކޮށް އައިޖީއެމްއެޗުން ބުންޏެވެ.

އައިޖީއެމްއެޗްއިން އިތުރަށް ބުނިގޮތުގައި:

އެނގުން މުހިންމު - ރާއްޖޭގައި ތިބެގެން ޑޮކްޓަރުކަން ކިޔެވޭނެ މަގު ފަހިކުރުމަށް ގައުމީ ޔުނިވާސިޓީގައި 'ސްކޫލް އޮފް މެޑިސިން' ފެށުމަށް ހުއްދަ ދިނީ 2017 ގަ އެވެ. ސްކޫލް އޮފް މެޑިސިން ރާއްޖޭގައި ގާއިމުކޮށް ޑޮކްޓަރުންގެ ފުރަތަމަ ބެޗުގެ ކިޔެވުން ފެށީ 2019ގަ އެވެ.

މި ބެޗާއެކު މިހާތަނަށް ޑޮކްޓަރީކަން ކިޔެވި ދެ ބެޗެއްގެ ދަރިވަރުން ދަސްވެނިވެފައި ވެއެވެ. ދެވަނަ ބެޗްގައި 24 ދަރިވަރަކު ދަސްވެނިވެފައި ވެއެވެ. މި ދަރިވަރުން މިވަގުތު ދަނީ އިންޓާންޝިޕް ފުރިހަމަ ކުރަމުންނެވެ.