ދަރުމަވަންތަ މަޝްރޫއުގެ ޓެކްސް ހޯދަން މީރާ ކުރާ ދައުވާ މަޑުކުރަން އަމުރުކޮށްފި

ދަރުމަވަންތަ ހޮސްޕިޓަލްގެ މަޝްރޫއު ހިންގި ސިންގަޕޫރުގެ ޗަންގް ހުއާ ކޮންސްޓްރަކްޝަން ކުންފުނިން ޓެކްސްގެ ގޮތުގައި 100 މިލިއަނަށް ވުރެ ގިނަ ރުފިޔާ ހޯދުމަށް މިރާއިން ދައުވާކޮށްފައިވާ މައްސަލަ މަޑުޖައްސާލަން ހައި ކޯޓުން މިދިޔަ ބުރާސްފަތި ދުވަހު އަމުރުކޮށްފި އެވެ.

މައްސަލައިގެ ފެށުން - އައިޖީއެމްއެޗް ގޯތިތެރޭގައި އެޅި 25 ބުރީގެ އިމާރާތް އެޅުމަށް ހަވާލުކުރި ކުންފުނިން ޖީއެސްޓީގެ ގޮތުގައި ދައުލަތަށް ދެއްކީ 227،560ރ. އެވެ.

ނަމަވެސް ޗަންގް ހުއާ ކުންފުނިން ހުށަހެޅި މައްސަލައެއްގައި ސިވިލް ކޯޓުން 2023ވަނަ އަހަރު ނިންމީ މަޝްރޫއުގެ ޓެކްސް ފައިސާ ދައްކަން ޖެހެނީ ސަރުކާރުން ކަމަށެވެ.

ހައި ކޯޓުގައި ދައުލަތުން އިސްތިއުނާފްކުރަނީ ސިވިލް ކޯޓުގެ އެ ނިންމުމެވެ.

ތަފްސީލް - ހައި ކޯޓުގެ ޝަރީއަތް އަދި ނުނިމޭއިރު، ޓެކްސްގެ ގޮތުގައި ދައްކަން ޖެހޭ އިތުރު ފައިސާ ހޯދުމަށް މީރާއިން ސިވިލް ކޯޓަށް މައްސަލަ ހުށަހެޅީ 2022ވަނަ އަހަރުގަ އެވެ.

ސިވިލް ކޯޓުގެ އެ މައްސަލަ، ހައި ކޯޓުގެ ޝަރީއަތް ނިމެންދެން މަޑުޖައްސާލަން އެދުނީ ޗަންގް ހުއާ ކުންފުނިންނެވެ. އަދި ހައި ކޯޓުން ވަނީ އެ ކުންފުނިން އެދުނު ވަގުތީ އަމުރު ނެރެފަ އެވެ.

ފާހަގަކޮށްލެވޭ - ސިވިލް ކޯޓުން ކުރިން ޗަންގް ހުއާ ކުންފުންޏާ އެއްކޮޅަށް ނިންމި ހުކުމް ތަންފީޒުކުރުން މަޑުޖައްސާލުމަށް ވެސް ހައި ކޯޓުން މިދިޔަ ފެބްރުއަރީ މަހު ވަގުތީ އަމުރެއް ނެރެފައިވެ އެވެ.

ގުޅުންހުރި - މި މަޝްރޫއު ސިންގަޕޫރު ކުންފުންޏާ އޭރު ޔާމީންގެ ސަރުކާރުން ހަވާލު ކޮށްފައި ވަނީ އާންމު ބިޑަކަށް ނުގޮސް، މާލިއްޔަތު ގަވައިދަށް އިސްލާހު ގެނެސްގެނެވެ. އެހެންވެ އޭރު ކޮރަޕްޝަންގެ ތުހުމަތު އަމާޒުވެ، މަޝްރޫއު ހަވާލުކޮށްފައި ވަނީ ވަރަށް ބޮޑު އަގެއްގައި ކަމަށް ބުނެ އިދިކޮޅު ފަރާތްތަކާއި އާންމުން ވެސް ފާޑުކިޔެވެެ. އެގޮތުން"