އޮކްސްފޯޑް ޔުނިވާސިޓީން އެންމެ ފުރަތަމަ ޕީީއެޗްޑީ ހާސިލް ކުރެއްވި ދިވެހި ދަރިވަރު، ޝައްފާން
ދުނިޔޭގެ އެންމެ މަތީ ރޭންކިންގައި ފަހަގަކޮށްލެވޭ ގަދަ ޔުނިވާސިޓީތަކުގައި ތެރޭގައި ހިމެނޭ އިނގިރޭސިވިލާތުގެ އޮކްސްފޯޑުން ޕީއެޗްޑީ ހާސިލްކުރެއްވި ފުރަތަމަ ދިވެއްސެއްގެ ޝަރަފު ޒުވާން ގާނޫނީ ވަކީލު، އަހްމަދު ޝައްފާން މުހައްމަދު ހޯއްދަވައިފި އެވެ.
ވީ ކިހިނެއް؟ - އޯ ލެވެލް އާއި އޭ ލެވެލްއިން ވެސް ރާއްޖެއިން އެއްވަނަ ހޯއްދަވައިގެން ރައީސްގެ ސްކޮލާޝިޕްގައި 2018ގައި ގާނޫނީ ދާއިރާއިން ޑިގްރީ ހާސިލްކުރެއްވި ޝަފްއާން، 30، އޮކްސްފޯޑް ޔުނިވާސިޓީން ޕީއެޗްޑީ ފުރިހަމަ ކުރައްވައި، ގްރެޖުއޭޓްވީ އިއްޔެ އެވެ.
ތަފްސީލު - ޝައްފާން ޑިގްރީ ހާސިލްކުރެއްވީ އިނގިރޭސީވިލާތުގެ ކިންގްސް ކޮލެޖް ލަންޑަންއިންނެވެ. އޭރު އޭނާ ވަނީ އެންމެ މަތީ ދަރަޖަ އެ ކޯހުން ހޯއްދަވައިގެން، 2019ގެ ރައީސް ދެއްވާ ހާއްސަ އިނާމު ވެސް ހާސިލުކުރައްވައިފަ އެވެ.
އޭގެ ފަހުން މާސްޓާސް ފުރިހަމަކޮށް، ހޯއްދެއްވި ކާމިޔަބީއާ އެކު 319 ދަރިވަރުންނާ ވާދަކޮށްގެން އޮކްސްފޯޑް ޔުނިވާސިޓީން ޕީއެޗްޑީ ހާސިލްކުރުމުގެ ފުރުސަތު ޝައްފާންއަށް ލިބިވަޑައިގެންނެވީ އޮކްޓޯބަރު 2020ގަ އެވެ.
"ކިޔެވުމުގައި މިހާތަނަށް ލިބުނު އެންމެ ބޮޑު ކާމިޔާބީއަކީ މި ކޯހަށް ވަދެވުން. ޕީއެޗްޑީގެ މި ޕްރޮގްރާމް، ޝައްފާނާ އެކު 39 ދަރިވަރުން މިހާރު މި ވަނީ ފަށާފައި،" އޭރު 'މިހާރު' ނޫސްއަށް ދެއްވި އިންޓަވިއުއެއްގައި ޝަފްއާން ވިދާޅުވި އެވެ.
މިހާރުވެސް ރާއްޖޭގައި ލޯފާމެއް ހިންގަވަމުން އަންނަ ޝައްފާން ޕީއެޗްޑީ ތީސެސް ހެއްދެވީ، ކޮޕީ ރައިޓާ ގުޅުން ހުރި ޖިނާއީ މާއްދާތަކާ ގުޅޭ ދާއިރާއިންނެވެ.
Very pleased to share that my DPhil thesis, ‘On the Justifiability of Criminal Copyright Provisions: A (Harm) Principled Analysis,’ is now available on the Oxford University Research Archive:https://t.co/ENg743fs36 pic.twitter.com/fA37g2wSzT
— Shaffan Mohamed (@ahmedshaffan_m) September 19, 2025
ޝައްފާންއަކީ، މަޝްހޫރު ވިޔަފާރިވެރިޔާ އިނަ މޯލްޑިވްސްގެ ސީއީއޯ މުހައްމަދު ފިރާގްގެ ދަރިކަލެކެވެ. އޭނާ ހޯއްދެއްވި މި ކާމިޔާބީއަށް މަރުހަބާ ދައްނަންވައި ފިރާގް ޝޯޝަލް މީޑިއާގައި ޕޯސްޓްކުރެއްވި އެވެ.
ކޮމެންޓް (2)
ހާމަ
ތެފައާސާ.