ވެލިދޫއަށް ޖެނުއަރީ މަހު ސީޕްލޭންގެ ދަތުރުތައް ފަށައިދޭނަން: ރައީސް

ނ. ވެލިދޫގައި ސީޕްލޭން ޕްލެޓްފޯމެއް ތައްޔާރުކޮށް، އަންނަ އަހަރު ޖެނުއަރީ މަހު އެ ރަށަށް ސީޕްލޭން ދަތުރުތައް ފެށުމަށް ރައީސް މުހައްމަދު މުއިއްޒު މިރޭ ވައުދުވެވަޑައިގެންފި އެވެ.

ވީކިހިނެއް؟ - ނ. އަތޮޅުގެ އެންމެ އާބާދީ ބޮޑު ދެ ރަށް ކަމަށްވާ ވެލިދުއާއި ހޮޅުދޫގެ އިތުރުން ފޮއްދޫ ކައިރީގައި އެއާޕޯޓެއް އެޅުމުގެ ގޮތުން ވިހަފަރުގައި އެއާޕޯޓް އެޅުމުގެ މަސައްކަތް ފަށާނެ ކަން ރައީސް އިއުލާންކުރެއްވީ ރޭ އެ އަތޮޅު ހޮޅުދޫގަ އެވެ.

އެއާޕޯޓްގެ ކުރިން ވެލިދޫގައި ސީޕްލޭން ޕްލެޓްފޯމެއް ހެދުމުގެ ވައުދު އެމަނިކުފާނު ވެވަޑައިގަތީ  ވެލިދުއަށް ވަޑައިގެން މިރޭ އެ ރަށު ރައްޔިތުންނާ ބައްދަލުކުރައްވައި ވިހަފަރުގެ އެއާޕޯޓާ ގުޅޭ ގޮތުން ވާހަކަ ދައްކަވަމުންނެވެ.

ތަފްސީލް - ވެލިދޫގައި ވާހަކަ ދައްކަވަމުން އެ މަނިކުފާނު ވިދާޅުވީ އެއާޕޯޓް އެޅުމުގެ ކުރިން ވެސް އެ ރަށަށް ވައިގެ މަގުން ދަތުރުކުރެވޭނެ ގޮތް ގާއިމުކުރުން މުހިންމު ކަމަށެވެ.

"އެއާޕޯޓް އެޅެންދެކަށް ބޭނުންކުރަން، އަދި އެއާޕޯޓަށް ފަހު ވެސް އެކި ބޭނުންތަކަށް ބޭނުންކުރަން މި ރަށުގައި ސީޕްލޭން ޕްލެޓްފޯމެއް ގާއިމުކޮށް، އަންނަ ޖެނުއަރީ މަހު ސީޕްލޭން އޮޕަރޭޝަންސްތައް ފަށާނަން،" ރައީސް ވިދާޅުވި އެވެ.

ވެލިދޫގައި ސީއެމްބިއުލާންސެއް ވެސް ބަހައްޓައިދޭނެ ކަމަށް އެ މަނިކުފާނު ވިދާޅުވި އެވެ.

އޭގެ އިތުރުން:

ފާހަގަކޮށްލެވޭ - މިއަދު ވެލިދުއަށް އެމަނިކުފާނު ވަޑައިގެން ހަތަރު މަޝްރޫއެއްގެ ބިންގާ އަޅުއްވައިދެއްވި އެވެ. އެއީ:

ރައީސް ވިދާޅުވީ މިއަދު އެ ރަށަށް ވަޑައިގެން އެމަނިކުފާނު ފައްޓަވައިދެއްވި މަސައްކަތްތަކުން ވެސް ވެލިދޫގެ ތަރައްގީއަށް ސަރުކާރުން މަސައްކަތްކުރާ ތަން ފެންނާނެ ކަމަށެވެ.