ނަޝީދާއި ޑިމޮކްރެޓްސްގެ މެންބަރުން އެމްޑީޕީއަށް ސޮއިކުރަން ނިންމައިފި

ކުރީގެ ރައީސް މުހައްމަދު ނަޝީދު ހިމެނޭހެން ދަ ޑިމޮކްރެޓްސް ޕާޓީގެ އެންމެހާ މެންބަރުން އެމްޑީޕީއާ ގުޅެން ޑިމޮކްރެޓްސް ޕާޓީން މިއަދު ނިންމައިފި އެވެ.

ވީ ކިހިނެއް؟ - އެގޮތަށް ނިންމީ ނަޝީދު ރިޔާސަތުގައި އިންނަވައިގެން މިއަދު މެންދުރު ފަހު ދޮންމަނިކު ސްކައިވިއު ރެސްޓޯރަންޓުގައި ބޭއްވި ދަ ޑިމޮކްރެސްޓްސް ޕާޓީގެ ނޭޝަނަލް އެސެމްބްލީ ބައްދަލުވުމުގަ އެވެ. އެގޮތުން: 

ތަފްސީލް - ޑިމޮކްރެޓްސް ޕާޓީގެ އަންހެނުންގެ ގޮފީގެ ލީޑަރު ފާތިމަތު ހަމްދާ މުހައްމަދު ހުށަހެޅި އެ ގަރާރުގައިވާ ގޮތުގައި އެމްޑީޕީއާ އެ ޕާޓީގެ މެންބަރުން އަލުން ގުޅެން ނިންމި ސަބަބުތަކަކީ: 

"އެކަމަށްޓަކައި ގިނަ ބަޔަކު އެކުގައި މަސައްކަތްކުރުން މުހިންމުކަމަށް ގަބޫލު ކުރެވޭ ހިނދު، މި މަގުސަދު ހާސިލް ކުރުމަށް ދަ ޑިމޮކްރެޓްސްގެ މެމްބަރުން އެމްޑީޕީއާ ގުޅުމަށް އިގުރާރުވަމެވެ،" މިއަދު ފާސްކުރި ގަރާރުގައިވެ އެވެ. 

ނަޝީދާއި ޑިމޮކްރެޓްސްގެ މެންބަރުން އެމްޑީޕީއާ ސީދާ ގުޅޭނޭ އިރެއް އަދި ސާފެއް ނުވެ އެވެ. 

ގުޅުންހުރި - އެމްޑީޕީގެ ޗެއާޕާސަން ފައްޔާޒު އިސްމާއިލް އާއި ނަޝީދު ވަނީ އިއްޔެގެ ވަގުތެއްގައި ބައްދަލުކުރައްވައި މަޝްވަރާތަކެއް ބާއްވަވައިފަ އެވެ. 

ފަސްފަހަތް - ނަޝީދުގެ ސަޕޯޓަރުން އިސްވެ ތިބެ ދަ ޑިމޮކްރެސްޓް ޕާޓީ އުފައްދާފައި ވަނީ ނިމިދިޔަ އެމްޑީޕީގެ ސަރުކާރުގެ ފަހުކޮޅު ރައީސް އިބްރާހިމް މުހައްމަދު ސޯލިހު އާއި ނަޝީދާ ދެމެދު ހިޔާލު ތަފާތުވެ މައްސަލަ ހޫނުވުމުންނެވެ.