ރައީސް އޮފީހުގައި ބޭއްވި ރަސްމިއްޔާތުގައި ރައީސް މުހައްމަދު މުއިއްޒު ވާހަކަ ދައްކަވަނީ - (ފޮޓޯ/ މަޖިލީސް)
މާލެ ސަރަހައްދުން ކަރަންޓް ދިޔަ މައްސަލަ ތަހުގީގު ކުރަން ރައީސް އަންގަވައިފި
މުޅި މާލެ އާއި ހުޅުމާލެ އަދި އެއާޕޯޓުން ކަރަންޓް ދިޔަ މައްސަލަ ސީރިއަސް މައްސަލައެއްގެ ގޮތުގައި ތަހުގީގު ކުރަން ރައީސް މުހައްމަދު މުއިއްޒު ކަމާ ބެހޭ ފަރާތްތަކަށް މިއަދު އަންގަވައިފި އެވެ.
ތަފްސީލް - ރައީސް މުއިއްޒު މިއަދު އެކްސްގައި ކުރެއްވި ޕޯސްޓެއްގައި ވިދާޅުވީ، މުޅި މާލެ، ހުޅުމާލެ އަދި ހުޅުލެ ހިމެނޭހެން ކަރަންޓު ގޮސްފައިވާ މައްސަލަ ސީރިއަސް މައްސަލައެއްގެ ގޮތުގައި ބެލުމަށް ކަމާބެހޭ ފަރާތްތަކުގައި ދަންނަވައިފިން ކަމަށެވެ.
"މިފަދަ ކަމެއް ތަކުރާރު ނުވާނޭހެން ކަރަންޓުގެ ޚިދުމަތުގެ ކަންކަން އިންތިޒާމް ކުރަން ކުރަންޖެހޭ ހުރިހާ ކަމެއް ސަރުކާރުން ކުރާނެ ވާހަކަ ދަންނަވަން،" ހައްޖުގެ އަޅުކަމަށް މި ވަގުތު ސައުދީއަށް ވަޑައިގެން ހުންނެވި ރައީސް މުއިއްޒުގެ ޕޯސްޓުގައި އެމަނިކުފާނު ލިޔުއްވާފައިވެ އެވެ.
އެނގުން މުހިންމު - މިއަދު މެންދުރު 12:40ހާއިރު މާލެ އާއި ހުޅުޅެ އަދި ހުޅުމާލެއިން ކުއްލި ގޮތަކަށް ކަރަންޓް ވަނީ ކެނޑިފަ އެވެ.
ކަރަންޓު ދިޔުމާ ގުޅިގެން މައާފަށް އެދެމުން ސްޓެލްކޯއިން ބުނެފައިވާ ގޮތުގައި، މިކަން ދިމާވީ ޓެކްނިކަލް މައްސަލައަކުން ކަމަށެވެ. އަދި އެ މައްސަލަ ދެނެގަތުމުގެ މަސައްކަތް ކުންފުނިން ކުރަމުންދާ ކަމަށް ބުންޏެވެ.
ކޮމެންޓް (2)
ތެފައާސާ.
ތެފައާސާ.