މާޗުގެ އިތުރުން އޭޕްރީލްގައި ވެސް ކަރަންޓު ބިލުތަކަށް ޑިސްކައުންޓު ދިން ކަމަށް ސްޓެލްކޯއިން ވަނީ ބުނެފައި. (ދައުރު ފޮޓޯ)
ހޫނުގަދަކަމުން އޭޕްރީލްގެ ބިލުތަކުން ވެސް ޑިސްކައުންޓު ދިނިން: ސްޓެލްކޯ
މާޗު މަހު ކަރަންޓު ބިލުން ދިން ގޮތަށް ހުސްވި އޭޕްރީލްގެ ބިލުތަކަށް ވެސް ޑިސްކައުންޓު ދީފައިވާނެ ކަމަށް ސްޓެލްކޯއިން މިއަދު ބުނެފި އެވެ.
ވީ ކިހިނެއް؟ - ސްޓެލްކޯއިން ވަނީ މިއަހަރުގެ މާޗު (ރޯދަމަހު)ގެ ކަރަންޓު ބިލުތަކަށް %10ގެ ޑިސްކައުންޓެއް ދީފަ އެވެ.
ތަފްސީލު - ސްޓެލްކޯއިން ބުނީ މާޗު ނިމުމަށްފަހު އޭޕްރީލްގެ ބިލުތަކުން ވެސް ޑިސްކައުންޓު ދީފައިވާނެ ކަމަށެވެ.
އެގޮތަށް ޑިސްކައުންޓު ދިން ސަބަބަކީ، އެސްޓީއޯއިން ބުނާ ގޮތުގައި އޭޕްރީލަކީ ހޫނު ގަދަވުމުގެ ސަބަބުން އާންމުކޮށް ކަރަންޓު ބިލުތައް ބޮޑުވާ މަހަކަށް ވާތީ، ރައްޔިތުންނަށް އިިތުރު ލުޔެއް ދިނުމަށެވެ.
"ވުމާ އެކު އޭޕްރީލް މަހުގެ ކަރަންޓު ބިލު މި ކުންފުނީގެ ކަސްޓަމަރުންނަށް ފޯރުކޮށްދިންއިރު، އެ ބިލުގައިވާ 'ކަރަންޓު ބޭނުންކުރެވުނު ވަރު' އޭގެ ކުރީ މަހާ ތަފާތުވި ނަމަވެސް، ބައެއް ބިލްތަކުގައި ބިލް އެމައުންޓު (ފައިސާގެ އަދަދު) މާޗު މަހުގެ (ރަމަޟާން މަހުގެ) ބިލާއި ސީދާ އެއް އަދަދެއްގެ ގޮތުގައި އޮތީ މިދެންނެވި ލުއި ދިނުމުން ކަމުގައި ދެންނެވީމެވެ،" ސްޓެލްކޯއިން ނެރުނު ބަޔާނުގައި ބުނެފައިވެ އެވެ.
Noosbayaan: April mahuge karantu bill thakah dheefaivaa discount aa gulhey! pic.twitter.com/fSZFP1XTSV
— STELCO (@STELCOMALDIVES) May 10, 2025
ޑިސްކައުންޓު ދިން ކަމަށް ސްޓެލްކޯއިން ބުނި ނަމަވެސް، އެ ޑިސްކައުންޓު ހިމަނައިގެން ވެސް ކަރަންޓު ބިލު އިތުރަށް ބޮޑުވެފައިވާ ކަމަށް ބުނެ އާންމުންގެ ތެރެއިން ބައެއް މީހުން އަންނަނީ ސޯޝަލް މީޑިއާގައި ނުރުހުން ފާޅުކުރަމުންނެވެ.
ކޮމެންޓް (2)
ފީލިންގ
ތެފައާސާ.