ރައީސް މުއިއްޒަށް މެލޭޝިއާއިން މަރުހަބާކިޔައިފި

ރައީސް މުހައްމަދު މުއިއްޒު އިއްޔެ މެލޭޝިއާއަށް ފެއްޓެވި ރަސްމީ ދަތުރުފުޅުގައި އެ މަނިކުފާނަށް އެ ގައުމުގެ ބޮޑުވަޒީރު އަންވަރު އިބްރާހިމް މިއަދު މަރުހަބާ ވިދާޅުވެއްޖެ އެވެ. 

ވީ ކިހިނެއް؟ - ޕުޓްރަޖާޔާގައި ބޭއްވި މި ރަސްމިއްޔާތު ފެށީ ޝަރަފުގެ ގާޑަކުންނާއި ދެ ގައުމުގެ ގައުމީ ސަލާމުންނެވެ.

ތަފްސީލް - ރައީސް މުއިއްޒާއި ބޮޑުވަޒީރު އަންވަރު އިބްރާހިމް ބައިވެރިވެވަޑައިގެންނެވި ތައާރަފުގެ ސެޝަނެއްގައި ރައީސަށް މެލޭޝިއާގެ ވަޒީރުންނާއި ސަރުކާރުގެ އިސް އޮފިޝަލުން ތައާރަފުކޮށްދެއްވި އެވެ. އަދި ރައީސް މުއިއްޒު ވަނީ ދިވެހި ވަފުދުގެ މެންބަރުން ބޮޑުވަޒީރަށް ތައާރަފުކޮށްދެއްވާފަ އެވެ.

މަޝްހޫރު މަސްޖިދުލް ޕުތުރާގެ މަންޒަރާ އެކު ދެ ލީޑަރުން ފޮޓޯ ނެންގެވުމަށް ފަހު، ރަސްމީ ޕްރޮޓޮކޯލްގެ ދަށުން ރައީސް މުއިއްޒު ވަނީ މެހެމާނުންގެ ފޮތުގައި ސޮއިކުރައްވާފަ އެވެ.

ރައީސް އޮފީހުން އިއްޔެ ބުނި ގޮތުގައި، މި ދަތުރުފުޅުގައި ރައީސް އާއި މެލޭޝިއާގެ ބޮޑުވަޒީރު ބައްދަލުކުރައްވައި ރަސްމީ މަޝްވަރާތައް ކުރިއަށްގެންދަވާނެ އެވެ. އެ ބައްދަލުވުމުގައި:

މި ދަތުރުފުޅުގައި:

މިދަތުރުފުޅުގައި، ރައީސްގެ އަރިހުގައި ވަޒީރުންގެ މަޖިލީހުގެ މެންބަރުންނާއި ސަރުކާރުގެ އިސްވެރިންގެ ވަފުދެއް ބައިވެރިވެވަޑައިގަންނަވާ ކަމަށް ރައީސް އޮފީހުން ބުންޏެވެ.