ދ. އުއްދޫ
މާދާމާއިން ފެށިގެން ދ. އުއްދޫއަށް ޕިކްނިކް ދެވޭނެ
ދ. އަތޮޅު މީހުން ދަތުރުދާ ރަށެއްގެ ގޮތުގައި މާދަމާއިން ފެށިގެން އެ އަތޮޅު އުއްދޫ ހުޅުވާލާނެކަން ސިޓީސް، ލޯކަލް ގަވަމެންޓް އެންޑް ޕަބްލިކް ވޯކްސް މިނިސްޓްރީން އިއުލާންކޮށްފި އެވެ.
ވީ ކިހިނެއް؟ - ދ. އުއްދޫއަކީ ދަތުރުދާ ރަށެއްގެ ގޮތުގައި ކަނޑައެޅުއްވީ ރައީސް މުހައްމަދު މުއިއްޒު އެވެ. އެއީ މިދިޔަ ފެބްރުއަރީގައި އެމަނިކުފާނު ދ. އަތޮޅުގެ ރަށްތަކަށް ކުރެއްވި ދަތުރުފުޅެއްގައި އެ އަތޮޅު މީދޫއަށް ވަޑައިގެން ރައްޔިތުންނާ މުހާތަބު ކުރައްވަމުންނެވެ.
ތަފްސީލު - ލޯކަލް ގަވަމެންޓް މިނިސްޓްރީން މިއަދު ކުރި އިއުލާނެއްގައި ބުނީ ރައީސް ވިދާޅުވި ގޮތަށް މާދަމާއިން ފެށިގެން ދ. އަތޮޅު ރައްޔިތުންނަށް ދަތުރު ދެވޭނެ ގޮތަށް އުއްދޫ ހުޅުވާލާފައިވާ ކަމަށެވެ.
އެ އިއުލާނުގައި ބުނެފައިވާ ގޮތުގައި ދަތުރު ދާން އުއްދޫ ހުޅުވާލާނީ ހުކުރު، ހޮނިހިރު އަދި ސަރުކާރު ބަންދު ދުވަސްތަކުގައި ހެނދުނު 6 އިން ހަވީރު 6 އަށެވެ.
މާަދަމާއިން ފެށިގެން ހަފުތާ ބަންދު ދުވަސްތަކާއި ސަރުކާރު ބަންދު ދުވަސްތަކުގައި ދ. އަތޮޅުގެ ރައްޔިތުންނަށް ކުއްޔަކާ ނުލައި ދ. އުއްދޫއަށް ޕިކްްނިކް ދެވޭނެގޮތަށް ވަނީ ހަމަޖެހިފައި.
— Adam Shareef Umar (@Adamshareefz) April 14, 2025
ޕިކްނިކު ދަތުރާގުޅޭގޮތުން މުޢާމަލާތް ކުރާނެ ނަންބަރު @MoCLPmv އިން މިއަދު ޢާންމު ކުރާނެ pic.twitter.com/NjqKtTACvM
އުއްދޫއަށް ދަތުރު ދާ މިހުން އެ ރަށުގެ ސާފުތާހިރުކަމާއި ގަވާއިދުތަކަށް އިހުތިރާމުކޮށް، ރަށުގެ ރީތި ވެށި އެގޮތުގައި ބާއްވަން އެއްބާރުލުން ދޭނެ ކަން މިނިސްޓްރީން ޔަގީންކުރެ އެވެ.
އޭގެ އިތުރުން ދަތުރު ދާ މީހުން ހާއްސަ އިންތިޒާމުތަކެއް ހަމަޖައްސަން ބޭނުންވާނަމަ ދުރާލާ އެކަން ހިއްސާކުރުމަށް ވެސް މިނިސްޓްރީން ވަނީ އެދިފަ އެވެ. އެކަން ހިއްސާކުރަން ގުޅާނީ 9108899 / 7777848 ނަންބަރަށެވެ.