ރައީސް މުހައްމަދު މުއިއްޒު އާއި ނައިބު ރައީސް ހުސައިން މުހައްމަދު ލަތީފް (ސެމްބެ) ވެރިކަމުގެ ހުވާ ކުރެއްވުމުގެ ރަސްމިއްޔާތުގައި (ފޮޓޯ/ ރައްޔިތުންގެ މަޖިލިސް)
ދިވެހިންނަކީ މަގުމަތިން ސަރުކާރު ވައްޓާ ބަޔެއް ގޮތަށް ސިފަކުރުން ހަޑި: ނައިބު ރައީސް
ދިވެހިންނަކީ މަގުމަތިން އިންތިހާބުކޮށްފައިވާ ސަރުކާރު ވައްޓާލަން ނުކުންނަ ބަޔެއް ގޮތަށް ސިފަކުރުމަކީ ދަށު ދަރަޖައިގެ އަމަލެއް ކަމަށް ނައިބު ރައީސް ހުސައިން މުހައްމަދު ލަތީފް މިއަދު ވިދާޅުވެއްޖެ އެވެ.
ވީކިހިނެއް؟ - ސަރުކާރު ގޯސްކޮށް ދަންޏާ މަގުމަތިން ސަރުކާރު ވައްޓައިލަން ދިވެހިން ނުކުންނަ ކަމަށް ވިދާޅުވެ ވާހަކަ ދެއްކެވީ، ޓީވީ ޕްރޮގްރާމެއްގައި ކުރީގެ ހޯމް މިނިސްޓަރު އުމަރު ނަސީރެވެ.
އުމަރު ނަސީރު ދެއްކެވި ވާހަކަތަކަށް ނައިބު ރައީސް ރައްދު ދެއްވީ، "އެކްސް" ޕޯސްޓެއްގަ އެވެ.
ބުނީ ކީކޭ؟ - "ފާޑުކިޔުމުގެ ނަމުގައި ދިވެހި ރައްޔިތުންނަކީ ނާތަހުޒީބު، ޑިމޮކްރެސީއާ ދުރު ބައެއް ކަމަށް ބުނެ، ރައްޔިތުންނަށް ހަޖޫޖެހުމަކީ ދަށުދަރައިޖެ އަމަލެއް،" ނައިބު ރައީސް ލިޔުއްވި އެވެ.
އެ މަނިކުފާނު ވިދާޅުވީ ރައީސް މުހައްމަދު މުއިއްޒަކީ އަބަދުވެސް ބިނާކުރަނިވި ފާޑުކިޔުމަށް ޖާގަ ދެއްވާނެ ރައީސެއް ކަމަށެވެ. އެއީ ގައުމަށް އަދި ރައްޔިތުންނަށް ހިދުމަތެއް ކޮށްދެއްވަން ނުކުމެވަޑަންނަވާ ކޮންމެ ވެރިއެއް ކިބައިގައި ހުންނަންވާނެ ސިފައެެއް ކަމަށެވެ.
ފާހަގަކޮށްލެވޭ - ކުރީގެ ރައީސް މުހައްމަދު ނަޝީދުގެ ވެރިކަމުގެ ދުވަސްވަރު، އޭރުގެ ސަރުކާރާ ދެކޮޅަށް އިދިކޮޅު ފަރާތްތަކުން ހިންގި މަގުމަތީ ހަރަކާތްތަކުގައި އެންމެ އިސްކޮށް އުޅުއްވި އެއް ބޭފުޅަކީ އުމަރު ނަސީރެވެ.
ނަޝީދުގެ ވެރިކަން ނިމުނީ މަގުމަތީ ހަރަކާތުގައި ފުލުހުންނާއި ސިފައިންގެ ބަޔަކު ވެސް ގުޅި ހިނގި ހަމަނުޖެހުންތަކަކަށް ފަހު ނަޝީދު މަގާމުން އިސްތިއުފާ ދެއްވުމުންނެވެ.
ރައީސް މުއިއްޒުގެ ސަރުކާރު ވެސް މަގުމަތިން ވައްޓާލަން ޖެހޭ ހިސާބަށް ގޮސްފައިވާ ކަމަށް ސިފަކުރައްވައި އުމަރު ވާހަކަ ދެއްކެވީ ނަޝީދުގެ ވެރިކަން މިސާލަކަށް ނަންގަވަމުންނެވެ.
ކޮމެންޓް (2)
ތެފައާސާ.
ޙަސަަންތަކުރުބެ