ހައުސިންއާ ގުޅުން ހުރި މައުލޫމާތުތައް ނުގެއްލި އެބަހުރި: މުއްތޮލިބް

މިދިޔަ ބުރާސްފަތި ދުވަހު ހައުސިން މިނިސްޓްރީ ހިންގާ އިމާރާތުގައި ހިނގި އަލިފާނުގެ ބޮޑު ހާދިސާގެ ސަބަބުން ހައުސިން ނުވަތަ ގެދޮރުވެރިކަމާ ގުޅުން ހުރި އެއްވެސް މައުލޫމާތެއް ނުގެއްލޭ ކަމަށް ކޮންސްޓްރަކްޝަން މިނިސްޓަރު އަބްދުލްމުއްތަލިބް މިއަދު ވިދާޅުވެއްޖެ އެވެ.

ވީ ކިހިނެއް؟ - އެ އަލިފާނުގެ ހާދިސާގައި ތިން މިނިސްޓްރީ ހިންގަމުންދިޔަ އިމާރާތް ވަނީ އަނދައިހުލިވެފަ އެވެ. އެ ހާދިސާއާ ގުޅިގެން މިއަދު ދަރުބާރުގޭގައި ބޭއްވި ނޫސްވެރިންގެ ބައްދަލުވުމެއްގައި މުއްތޮލިބް ވިދާޅުވީ ފުދޭވަރަކަށް ގިނަ ޑޭޓާ ބެކަޕްކުރެވިފައި އެބަހުރި ކަމަށެވެ. 

ބުނީ ކީކޭ؟ - "މިހާތަނަށް އަޅުގަނޑުމެން ބެލި ބެލުމުން އެނގުނު ގޮތުގައި ފުދޭވަރަކަށް ގިނަ ޑޭޓާ އެބަ ހުއްޓޭ ސްޓޯކުރެވިފައި ބެކަޕްކުރެވިފައި. ދެން އަޅުގަނޑުމެން ބަލަމުން އެސެސްކުރަމުން މިދަނީ އަދި އަޅުގަނޑުމެން އަތުން މަދުވެގެންދާނީ ކޮން އެއްޗެއްސެއްތޯ،" މުއްތޮލިބް ވިދާޅުވި އެވެ.

"އޭގެތެރޭގައި ރައްޔިތުންނާ ސީދާ ގުޅުން ހުރި ކަންތައްތަކަށް ބަލަންޏާމުން ހައުސިންނާ ގުޅުން ހުރި އެއްވެސް އިންފޮމޭޝަންއެއް ގެއްލިފައިނުވާ ކަމަށް، އެއެއްޗެހި އެބަހުރިކަން އަޅުގަނޑުމެންނަށް ޔަގީންކުރެވޭ."

އެގޮތުން އަލަށް ލޯނަށް ކުރިމަތިލާފައިި ހުރި ފަރާތްތަކުގެ މައުލޫމާތާއި ފޯމްތަކާއި އެއާ ބެހޭ ހުރިހާ އެއްޗެއް ކްލައުޑުގައި  ރައްކާކުރެވިފައި ހުރިކަން ޔަގީންކަމަށް މުއްތޮލިބް ވިދާޅުވި އެވެ.

"މީގައި އަޅުގަނޑުމެން މި ބަލައިލަން ޖެހެނީ މިިދިޔަ ހިސްޓޮރިކަލް ޑޭޓާތަކާއި ފާއިތުވި މުއްދަތުގައި ކުރާ މަސައްކަތްތަކާ ގުޅުން ހުރި ޑޭޓާތަކުގެ ތެރެއިން އަޅުގަނޑުމެންނަށް ކިހާ ޑޭޓާއެއްތޯ ގެއްލެން ހުރީ," އޭނާ ވިދާޅުވި އެވެ.

މުއްތޮލިބް ވިދާޅުވީ އެ މައުލޫމާތުތައް ހޯދުމުގެ މަސައްކަތް މިހާރު ކުރަމުން އަންނަ ކަމަށެވެ.

"އަޅުގަނޑުމެންނަށް ދައުލަތުގެ ވަރަށް ބައިވަރު މައުލޫމާތު ގެއްލިގެން ނޫނޭ މިއުޅެނީ. އިރާދަކުރެއްވިއްޔާ ރައްޔިތުންނަށް ދޭން ބޭނުންވާ, ސަރުކާރުން ހިދުމަތް ދިނުމަށް ބޭނުންވާ އިންފޮމޭޝަންސް ރިކަވާކުރެވޭނެ އެ އެއްޗެހި އެވޭލެބަލްވާނެ،" މިނިސްޓަރު ވިދާޅުވި އެވެ.

"ރައްޔިތުން އެހާ ބޮޑަށް ކަންބޮޑުނުވުމަކީ އަޅުގަނޑުމެން އެދޭ ކަމެއް."

މުއްތޮލިބު އިތުރަށް ވިދާޅުވީ:

ގުޅުން ހުރި: އަލިފާނުގެ ހާދިސާގައި އެ ތަނުގެ ސާވާތައް ސަލާމަތްވާނެ ކަމަށް ނުބެލެވޭ ކަމަށް ހައުސިން މިނިސްޓަރު ޑރ. އަލީ ހައިދަރު އިއްޔެ ވަނީ ވިދާޅުވެފަ އެވެ.