ކ. އަތޮޅު ރަށްރަށަށް ރައީސް މުއިއްޒު ކުރައްވާ ދަތުރުގެ ތެރެއިން އެއިން ރަށެއްގައި ވާހަކަ ދައްކަވަނީ - (ފޮޓޯ/ ރައީސް އޮފީސް)
ރައީސް ވިދާޅުވީ މާރުކުރުމުގެ ދެ އިހުތިޔާރުން ވެސް ނުކުންނާނީ އެއް ނަތީޖާއެއް ކަމަށް
ޓޫރިޒަމް ވިޔަފާރިތަކާއި ބޭރު ފައިސާއިން އާމްދަނީ ލިބޭ ވިޔަފާރިތަކުން ޑޮލަރު މާރުކުރުމަށް ބިލުގައި ހިމަނާފައިވާ ދެ އިހުތިޔާރުން ވެސް ނުކުންނާނީ އެއް ނަތީޖާއެއް ކަމަށް ރައީސް މުހައްމަދު މުއިއްޒު މިއަދު ވިދާޅުވެއްޖެ އެވެ.
ވީކިހިނެއް؟ - 1 އޮކްޓޯބަރުން ފެށިގެން އަމަލުކުރަން ފެށި ގަވާއިދުގަ އާއި އެމްއެމްއޭން ހިޔާލަށް ހުޅުވާލި ގާނޫނީ އޮނިގަނޑުގައި ވެސް އޮތީ ރިސޯޓުތަކުން ބޮލަކަށް 500 ޑޮލަރު މާރުކުރަން ޖެހޭ ގޮތަށެވެ. ނަމަވެސް މިއަދު މަޖިލީހަށް ބިލު ހުށަހެޅި އިރު އޭގައި ވަނީ އެކަން އިހުތިޔާރީކޮށްފަ އެވެ. ދެވަނަ އިހުތިޔާރަށް އޮތީ އާމްދަނީގެ %20 ޑޮލަރު މާރުކުރުމެވެ.
ބުނީ ކީކޭ؟ - ކ. އަތޮޅުގެ ރަށްރަށް ރައީސް މިއަދު ކުރައްވާ ދަތުރުގެ ތެރެއިން ހުރާގައި ބޭއްވި ބައްދަލުވުމުގައި އެމަނިކުފާނު ވިދާޅުވީ އާމްދަނީގެ %20 މާރުކުރުމުން ވެސް ދާދި އެއްވަރަކަށް ޑޮލަރު މާރުކުރަން ޖެހޭ ކަމަށެވެ. އެހެންކަމުން ބިލުގައި އޮތް ދެވަނަ އިހުތިޔާރުން ވެސް ނުކުންނާނީ ދާދި އެއް ނަތީޖާއެއް ކަމަށް އެ މަނިކުފާނު ވިދާޅުވި އެވެ.
"ބިލުގައި އޮންނާނީ އަޅުގަނޑު ދެންނެވި ގޮތަށް. ރިސޯޓުތަކުން 500 ޑޮލަރު މާރުކުރަން ޖެހޭ ގޮތަށް. އަދި އަޅުގަނޑު ދެންނެވިން އެއީ 20 އިންސައްތައޭ ގާތްގަނޑަކަށް ރިސޯޓުތަކުގެ އާމްދަނީގެ. ރިސޯޓުތަކުގެ ބޭފުޅުންނާ މަޝްވަރާކޮށްގެން ޖުމްލަ ޕަސެންޓެއް ވެސް މި ދެނީ. އަޅުގަނޑު ދެންނެވި ގޮތަށް އެ އޮތީ،" ރައީސް މުއިއްޒު ވިދާޅުވި އެވެ.
ރައްޔިތުންގެ މަޖިލީހުގެ މި ހިނގާ ދައުރުގެ ތެރޭގައި ބިލު ފާސްކޮށްދިނުމަށް ވެސް ރައީސް އެދިވަޑައިގަންނަވާ ކަމަށް މިއަދު ވިދާޅުވި އެވެ. މަޖިލީހުގެ ދައުރު ނިމެނީ އަންނަ ހަފުތާ އާދީއްތަ ދުވަހަށެވެ.
ކިޔާލަން
އެނގުން މުހިންމު - ރިސޯޓުތަކަށް އަންނަ ޓޫރިސްޓުންގެ ބޮލަކަށް 500 ޑޮލަރު މާރުކުރަން އެންގުމުން އެ ސިނާއަތުގެ ގިނަ ބަޔަކުވަނީ އެކަމަށް ފާޑުކިޔާ އެއީ ކުރެވޭނެ ކަމެއް ނޫން ކަމަށް ބުނެފަ އެވެ. 50 އަށް ވުރެ ގިނަ ރިސޯޓުތަކުން ވަނީ އެކަން ނުކުރެވޭނެ ކަމަށް އަންގައި، އެމްއެމްއޭއަށް ސިޓީއެއް ވެސް ފޮނުވައިފަ އެވެ.
ސަރުކާރުން ހުށަހެޅި ބިލުގައި ގެސްޓްހައުސްތަކާއި ސަފާރީ ފަދަ ޓުއަރިޒަމް ވިޔަފާރިތަކުން ވެސް ޑޮލަރު މާރުކުރުމަށް ދެ އިހުތިޔާރެއް ދީފަ އެވެ. އަދި ބޭރު ފައިސާއިން ބޮޑު އާމްދަނީއެއް ހޯދާ ވިޔަފާރިތަކުން ވެސް ޑޮލަރު މާރުކުރަން ހިމެނޭ ބައި ވަރުގަދަކޮށްފައިވެ އެވެ. އެގޮތުން:
-
ގެސްޓްހައުސްތަކާއި ސާފާރީތަކަށް ދީފައިވާ އިހުތިޔާރަކީ ބޮލަކަށް 25 ޑޮލަރު މަގުން ނުވަތަ އާމްދަނީގެ %20 މާރުކުރުން
-
ހިޔާލަށް ހުޅުވާލި ބިލުގައި ވަނީ އަހަރަކު 20 މިލިއަން ޑޮލަރު ލިބޭ ވިޔަފާރިތަކުން %20 މާރުކުރަން ޖެހޭ ގޮތަށް؛ މަޖިލީހަށް ހުށަހެޅި ބިލުގައި ވަނީ އަހަރަކު 15 މިލިއަން ޑޮލަރު ލިބޭ ވިޔަފާރިތަކުން މާރުކުރަން ޖެހޭ ގޮތަށް
ކޮމެންޓް (1)
ތެފައާސާ.