ޑޮލަރު މާރުކުރުމާ ބެހޭ ބިލު: އަދިވެސް ރިސޯޓުތަކުން 500 ޑޮލަރު މާރުކުރަން ޖެހޭ؛ ލުއި ގެސްޓްހައުސްތަކަށް

ރިސޯޓުތަކަށް އަންނަ ކޮންމެ ޓޫރިސްޓަކަށް 500 ޑޮލަރު އަދި ގެސްޓްހައުސްތަކުގައި ތިބޭ ކޮންމެ ގެސްޓަކަށް 25 ޑޮލަރު މާރުކުރަން މަޖުބޫރުކުރުމަށް ފަހު، އޭގެ ތެރޭގައި ހިލޭ ތިބޭ ޓޫރިސްޓުންނާއި ކުޑަކުދިން ނުހިމެނޭ ގޮތަށް އެކުލަވާލާފައިވާ ބޭރު ފައިސާ މާރުކުރުމާ ބެހޭ ގާނޫނެއްގެ ބިލު މޯލްޑިވްސް މަނިޓަރީ އޮތޯރިޓީ (އެމްއެމްއޭ)ން ހިޔާލު ހޯދުމަށް އެކި ފަރާތްތަކާ ހިއްސާކޮށްފި އެވެ.

މައްސަލައިގެ ފެށުން - އެމްއެމްއޭ އިން މި ބިލު އެކުލަވާލިއިރު، 'ކެޓަގަރީ އޭ'ގައި ހިމެނޭ ރިސޯޓުތަކާއި ސަފާރީ އުޅަނދުތަކާއި 50 ކޮޓަރިއަށް ވުރެ ގިނައިން ހަދާފައިވާ ގެސްޓްހައުސްތަކުން ކޮންމެ ޓޫރިސްޓަކަށް 500 ޑޮލަރު އަދި 'ކެޓަގަރީ ބީ'ގައި ހިމެނޭ 50 ކޮޓަރިއަށް ވުރެ މަދުން ހަދާފައިވާ ގެސްޓްހައުސްތަކުން ކޮންމެ ގެސްޓަކަށް 25 ޑޮލަރުގެ މަގުން ރުފިޔާއަށް މާރުކުރަން މިހާރު ވަނީ މަޖުބޫރުކޮށްފަ އެވެ. އެމްއެމްއޭގެ އެ ގަވާއިދާ 70އަށް ވުރެ ގިނަ ރިސޯޓުތަކުން ވަނީ ދެކޮޅު ހަދާފަ އެވެ.

ވީ ކިހިނެއް؟ - ރާއްޖޭގެ މަރުކަޒީ ބޭންކުން ވަނީ އާ ބިލު އެ ތަނުގެ ވެބްސައިޓުގައި ރޭ ޝާއިއުކޮށްފަ އެވެ. އަދި އަންނަ އާދިއްތަ ދުވަހުގެ މެންދުރާ ހަމައަށް އެ ބިލަށް އީމެއިލް މެދުވެރިކޮށް ހިޔާލު ހުށަހެޅޭނެ ކަމަށް ވެސް އެމްއެމްއޭ އިން ރޭ ބުނެފައިވެ އެވެ.

ތަފްސީލް - މިހާރު އޮތް ގަވާއިދާއި އެ ބިލާ އަޅާކިޔާއިރު، އެ ބިލުގައި ހިމެނޭ އެންމެ ބޮޑު ބަދަލަކީ:

އެނގުން މުހިންމު - މި ބިލު އެކުލަވާލާފައިވާ ގޮތުން، އަދިވެސް ރިސޯޓުތަކުން ތިން ވައްތަރެއްގެ ޓޫރިސްޓުން ފިޔަވައި އެ ތަނެއްގައި ޗުއްޓީ ހޭދަކުރާ ކޮންމެ ގެސްޓަކަށް 500 ޑޮލަރު ރުފިޔާއަށް މާރުކުރަން ޖެހޭނެ އެވެ. އަދި ޓޫރިސްޓް ވިޔަފާރިތައް ނޫން އެހެން ބައެއް ބޮޑެތި ކުންފުނިތަކަށް ލިބޭ ބޭރު ފައިސާގެ އާމްދަނީގެ %25 ވެސް މާރުކުރަން މި ބިލުގައި ވަނީ ހިމަނާފަ އެވެ.

ކޮންމެ ޓޫރިސްޓަކަށް 500 ޑޮލަރު މާރުކުރަން ރާއްޖޭގެ އެންމެ ބޮޑެތި ވިޔަފާރިތަކުން ދެކޮޅު ހެދުމުން، ރައީސް މުހައްމަދު މުއިއްޒު ވިދާޅުވެފައި ވަނީ އެ މިންވަރު މާރުކުރަން ލުއި ދެވެން ނެތް ކަމަށާއި އެ މަނިކުފާނު ހުންނެވީ ރައްޔިތުންގެ ފަޅީގައި ކަމަށެވެ.