ގާނޫނުއަސާސީގެ ބަދަލުތައް ބާތިލުކުރަން ހުށަހެޅި މައްސަލައަށް އެމްޑީޕީ އާއި ޑިމޮކްރެޓްސް ތަދައްހުލްވެއްޖެ

ޕާޓީ ބަދަލުކޮށްފި ނަމަ ގޮނޑި ގެއްލޭ ގޮތަށް ގެނައި އިސްލާހަކީ ގާނޫނުއަސާސީގެ ބާރުކެނޑިގެންދާ ގޮތަށް އަދި ޑިމޮކްރަސީގެ އަސާސީ ހަމަތަކާއި ގާނޫނު ފާސްކުރުމުގައި މަޖިލީހުން އަމަލުކުރަމުންދާ އުސޫލުތަކާ ހިލާފަށް ގެނެސްފައިވާ އިސްލާހެއް

އެ އިސްލާހު ގެނެސްފައިވަނީ މަޖިލީހުގައި ރައްޔިތުން ތަމްސީލުކުރާނެ މަންދޫބަކު ހިޔާރުކުރުމަށް ރައްޔިތުންނަށް ލިބިފައި އޮތް ހައްގު އެކީ ނިގުޅައިގެންދާ ގޮތަށް

އެންޓި-ޑިފެކްޝަން ނުވަތަ ރައްޔިތުންގެ މަޖިލީހުގެ މެމްބަރަކު ޕާޓީ ބަދަލުކުރުމުން އެ މެމްބަރެއްގެ ގޮނޑި ގެއްލުމަކީ އުސޫލީ ގޮތުން އެ ޕާޓީން ތާއީދުކުރާ ކަމެއް

ނަމަވެސް އަވަސް އަރުވާލައިގެން ގެނައި އިސްލާހުތަކަކީ މަޖިލީހުގެ ބާރާއި ބޭނުން ކަނޑުވާލައި ގާނޫނުއަސާސީގެ ކިތަންމެ ތަސައްވުރަކާ ދެކޮޅަށް އޮތް އަދި ވަކިން ހާއްސަކޮށް ގާނޫނުއަސާސީގެ އަސާސީ ސިފަތަކާއި އޮނިގަނޑާ ހިލާފު ކަމެއް

މި އިސްލާހުގެ ސަބަބުން ދައުލަތުގެ ތިން ބާރު ވަކިވެފައި އޮތް އޮތުން ނިމުމަކަށް އައުމާ އެކު، ރައީސްގެ މުށުތެރެއަށް މަޖިލިސް ގެންދާނެ

ބާރުތައް ވަކިވެފައިވާ ވެރިކަމުގެ ނިޒާމު އުވި އަދި ދައުލަތުގެ ހުރިހާ ބާރުތަކެއް ރައްޔިތުންގެ ކިބައިން ފެށިގެން އަންނަ އައުމާއި ރައްޔިތުންގެ ކިބައިގައި އެ ބާރުތައް ދެމިއޮންނަން ވާނެ ކަމަށް ބަޔާންކޮށްފައިވާ ބަޔާންކުރުމާ ހިލާފުވެފައިވާ ކަމެއް

މަޖިލީހުގެ މެމްބަރުން މަޖިލީހުގައި ދައްކާ ވާހަކަތަކާއި ވޯޓު ދޭ ގޮތާއި މިފަދަ އެއްވެސް ކަމަކުން އެއިން މެމްބަރެއްގެ މައްޗަށް އެއްވެސް ތަހުގީގެއް، ދައުވާއެއް އަދި ޝަރީއަތެއް ވެސް ނުހިންގޭނެހެން ސީދާ ގާނޫނުއަސާސީން ކަށަވަރުކޮށްދީފައިވާ އިމްތިޔާޒުތައް ނިގުޅައިގަނެ، އިންތިހާބީ މަގާމުތަކުގެ ދެމިއޮތުމާއި ނެތުން ސިޔާސީ ޕާޓީއަކުން އައްޔަންކުރާ ފިޔަވަޅު އަޅާ ކޮމިޓީއެއްގެ ބާރުގެ ދަށަށް ގެންނާނެ

މަޖިލީހުގެ ޖަލްސާއެއް ބޭއްވުމަށް މަދުވެގެން ބޭނުންވާ އަދަދަށް ވުރެ މަޖިލީހުގެ ޖުމްލަ މެމްބަރުންގެ އަދަދުގެ ތެރެއިން އެއް ސިޔާސީ ޕާޓީއަކަށް ނިސްބަތްވާ މެމްބަރުންގެ އަދަދު އިތުރުވެފައިވާ މިހާރުގެ ހާލަތް ފަދަ ހާލަތެއްގައި، އެއްވެސް ސަބަބަކާ ހުރެ އެ ޕާޓީއެއްގެ ލީޑަޝިޕަށް ނުވަތަ ފިޔަވަޅު އަޅާ ކޮމިޓީއަށް ފެނި، އެ މެމްބަރުން ނުވަތަ މަޖިލީހުގެ ޖަލްސާއެއް ބޭއްވުމަށް ބޭނުންވާ އަދަދު ހަމަނުވާނެ މިންވަރަށް މެމްބަރުން ވަކިކޮށްފި ހާލަތުގައި މުޅި ނިޒާމު ހުއްޓުމަކަށް އައިސް، ގާނޫނީ ހުސްކަމެއްގެ ތެރެއަށް ގައުމު ވެއްޓި، ވަކި ސިޔާސީ ޕާޓީއެއްގެ އަތްމައްޗަށް ދައުލަތުގެ އެންމެހާ ބާރުތައް ނެގުމުގެ ފުރުސަތު ހޯދާނެ

ޕާޓީއެއްގެ ޓިކެޓްގައި ވާދަކުރައްވައި އިންތިހާބުވެވަޑައިގަތުމަށް ފަހު، އެ މެންބަރަކު ތަމްސީލުކުރައްވާ ސިޔާސީ ޕާޓީން އަމިއްލައަށް ވަކިވެވަޑައިގަތުން

މެންބަރަކު ތަމްސީލު ކުރައްވާ ސިޔާސީ ޕާޓީ ނޫން އެހެން ސިޔާސީ ޕާޓީއެއްގެ މެންބަރަކަށްވެވަޑައިގަތުން

މެންބަރަކު ނިސްބަތްވެވަޑައިގަންނަވާ ސިޔާސީ ޕާޓީން ގާނޫނުގައި ބަޔާންކުރާ ގޮތުގެ މަތިން އެ ބޭފުޅާ ޕާޓީން ވަކިކުރުން

އަމިއްލަ ގޮތުން ވާދަކުރައްވައިގެން ރައްޔިތުންގެ މަޖިލީހަށް އިންތިހާބުވެވަޑައިގަތުމަށް ފަހު، އެ މެންބަރަކު ރައްޔިތުންގެ މަޖިލީހަށް އިންތިހާބުވެވަޑައިގެންނެވި މަޖިލީހުގެ އުމުރުގެ ތެރޭގައި ސިޔާސީ ޕާޓީއެއްގެ މެންބަރަކަށްވެވަޑައިގަތުން

މަޖިލީހުގެ ޖުމްލަ މެންބަރުންގެ އަގުލަބިއްޔަތުން ފާސްކޮށްގެން ނޫނީ އަސްކަރީ ބޭނުމަށް ބޭރުގެ ބަޔަކަށް ރާއްޖޭގެ ތަނެއް ދީގެން ނުވާނެ

ޖުމްލަ މެންބަރުންގެ އަގުލަބިއްޔަތުން ފާސްކޮށްގެން ނޫނީ އަސްކަރީ ބޭނުމަށް ބޭރުގެ ސިފައިން އެއްވެސް ސިފައެއްގައި ހަރަކާތްތެރިވުމަށް ހުއްދަ ދީގެން ނުވާނެ

ރާއްޖޭގެ ކަނޑުގެ ސަރަހައްދަށް އިކޮނޮމިކް ސްޕެޝަލް ޒޯނުގެ ސަރަހައްދު ހިމަނައި އެއަށް ބަދަލެއް ގެނެވޭނީ މަޖިލީހުގެ ޖުމުލަ މެންބަރުންގެ 3/4 މެޖޯރިޓީން ފާސްކޮށްގެން

ގައުމީ ތަރައްގީގެ ޕްލޭން އެކަށައެޅުން، ރައީސްއަށް ލިބިވަޑައިގަންނަވާ ބާރުތަކުގެ ތެރޭގައި ހިމެނުން