މާވަށު ދާާއިރާގެ އެމްޑީޕީ މެންބަރު އަހްމަދު ޝާކިރު (ފޮޓޯ/ މަޖިލިސް)
ގޮނޑި ގެއްލުވާލާ ބިލު ކޮމެޓީއަށް ފޮނުވީ އެމްޑީޕީ މެންބަރެއްގެ ތާއީދާ އެކު
މަޖިލިސް މެންބަރަކު ނިސްބަތްވާ ޕާޓީން އެމީހަކު ވަކިކޮށްފި ނަމަ، ނުވަތަ އަމިއްލައަށް ވަކިވެއްޖެ ނަމަ، އެ މީހެއްގެ މެންބަރު ކަމުގެ ގޮނޑި ގެއްލޭ ގޮތަށް ގާނޫނުއަސާސީއަށް ސަރުކާރުގެ ފަރާތުން މިއަދު ރައްޔިތުންގެ މަޖިލިހަށް ހުށަހެޅި އިސްލާހު، މަޖިލީހަށް ބަލައިގެނެ، އެ ބިލު އަވަސް ކުރަން މުޅި މަޖިލިހުގެ ކޮމިޓީއަށް ފޮނުވަން ފާސްކުރަން އެމްޑީޕީއަށް ނިސްބަތްވާ މެންބަރަކު ވޯޓު ދީފި އެވެ.
ވީ ކިހިނެއް؟ - އެ ބިލު އަވަސްކުރަން ތާއީދުކޮށް ވޯޓު ދެއްވި އެމްޑީޕީ މެންބަރަކީ މާވަށު ދާއިރާގެ މެންބަރު އަހްމަދު ޝާކިރު އެވެ.
ތަފްސީލް - އެ ބިލު އަވަސްކުރަން ފެންނަ ކަމަށް ވޯޓު ދިން އިރު ބިލު ބަލައިގަންނަން ނެގި ވޯޓުގައި ޝާކިރު ބައިވެރިވެވަޑައިގެންފައެއް ނުވެ އެވެ. މިއަދު މަޖިލީހުގެ ޖަލްސާގައި ނެގި ވޯޓުގައި ޝާކިރު ވޯޓު ދެއްވި ގޮތް:
-
އިޒްރޭލު ޕާސްޕޯޓް މަނާކުރަން ހުށަހަޅާފައިވާ ބިލު އަވަސް ކުރަން އެމްޑީޕީން ހުށަހަޅާފައިވާ ގަރާރު - ވޯޓު ދިނީ ގަރާރު ފާސްކުރަން ފެންނަ ކަމަށް
-
ގާނޫނު އަސާސީ އިސްލާހު ކުރުމަށް ހުށަހަޅާފައިވާ ބިލު ބަލައިގަތުން - ވޯޓުގައި ބައިވެރިއެއް ނުވޭ
-
އެ ބިލު މުޅި މަޖިލިސް ކޮމެޓީއަށް ފޮނުވަން ފެންނަ ކަމަށް ނެގި ވޯޓު - ވޯޓު ދިނީ ފެންނަ ކަމަށް
ގޮނޑި ގެއްލޭ އިސްލާހު މުޅި މަޖިލިސް ކޮމެޓީއަށް ފޮނުވަން ފާސްވީ 71 މެންބަރުންގެ ވޯޓާ އެކު އެވެ. ދެކޮޅަށް ވޯޓު ދެއްވީ 12 މެންބަރުންނެވެ. އެމްޑީޕީގެ 11 މެންބަރުންގެ އިތުރުން ދެން ދެކޮޅަށް ވޯޓު ދެއްވީ އައްޑޫމީދޫ ދާއިރާގެ އަމިއްލަ މެންބަރު އަބްދުއް ރަހްމާން އެވެ.
ޕީއެންސީން ނިންމާފައި ވަނީ، މިއަދުން މިއަދަށް ގާނޫނުއަސާސީ އިސްލާހު ކުރުމަށެވެ. އެހެންކަމުން މުޅި މަޖިލީހުގެ ކޮމިޓީގެ ބައްދަލުވުމަށް ފަހު، މިއަދު އިތުރު ޖަލްސާއެއް ބާއްވާނެ އެވެ.
އެނގުން މުހިންމު - މަޖިލީހަށް ހުށަހަޅާފައިވާ ބިލުގައި މެންބަރުންގެ ގޮނޑި ގެއްލޭނެ ހަތަރު ހާލަތަކީ:
-
1-އަމިއްލަ މެންބަރަކު ޕާޓީއަކާ ގުޅުން
-
2-އިންތިހާބުވި އިރު ހުރި ޕާޓީ ނޫން އެހެން ޕާޓީއަކަށް ބަދަލުވުން
-
3-އިންތިހާބުވި ޕާޓީން ވަކިވުން
-
4-ޕާޓީން އެ މީހަކު ވަކިކުރުން
ކޮމެންޓް (2)
އިބްރާހިމް
އެދުރުބެ